زينب محجوب : نص بعنوان ” أسمر “

وضاح محيو حاكى النور
جهر نظرى وغلبنى أقول ..
ليالى العتمة تمسى بدور
وكت فى خاطرى طيفو يجول..
أجود بى وصفو مامنظور
بعد ما أصاب حروفى نحول ..

منعم فى علاو مسرور
وعن عشاقو مامسئول ..
معاو الحق يكون مغرور
معذب كم قلوب وعقول ..
متين يعطف حبيبى يزور
سهادى البى بيهو يزول ..

تعال يا ليلنا يا مستور
تعال ما تبقى برضو خجول ..
ولم ياليل شعاع النور
وجيب الرايق المصقول ..
وقارن بين سنا البلور
وبين أسمر جميل مكحول ..

صبح وجهة الحروف فى سفور
ملص توب الخجل بالقول ..
حرق عود المحبة بخور
قطع رحطو ورقص للزول ..
وليو دوب شفاهو شعور
وليو ترك الشعر مسدول ..