وردي: يا مين كدة الجامعة إنت بتنطح في صخرة وأنا ما معترف بيك فنان !

نفى الدكتور الموسيقار محمد وردي أن يكون بتقليله من مشاركة الفنانين بدار الاوبرا المصرية قد قصد الدكتور محمد الأمين، وقال وردي في تصريح لصحيفة فنون أن محمد الأمين لو غنى في جدة ولا أمبدة يظل هو محمد الأمين بعلمه وفنه. وتابع: لكن بس نوع أخونا الواقع فيني شتيمة ده (يقصد سيف الجامعة) وجردني من كل الالقاب لا دكتور ولا موسيقار كأنو أنا صاحبو ولا صديقو، وطالبه وردي بأن يصبح فنانا في الأول لأني لا أعترف به كفنان ، مضيفا : انت ما عندك شئ غير الكسكتة، مبيناً أنه لا ينطق اسمه على لسانه البتة. ثم استطرد قائلا: أنا عارف الكلام دا منو القال ليك اتفوه بي وعارف منو ورا تصريحاتك دي بس ما حأجيب اسمو يا مين كدة الجامعة ده أكل عيشك وأعرف أنك بتنطح في صخرة، ويا مين كده الجامعة ما كل خريج جامعة الخرطوم فنان وما كل مصقول الحديد يماني، وختم وردي حديثه قائلا:: أعرف طالما أنا عايش ما حتبقى رئيس الاتحاد إلا أنا اموت. وأن عدتم عدنا !!