بابكر سلك
فطومة المدينة
> تتقلب في الشواية
> الدهن ده ينقط
> تف تف تف
> قام حجزها من بتاع الكافتيريا
> وحجز معاها شوربة ضان ومخلل وعصير فواكه مشكل
> قرش ما دفع
> تخطيطو كان يجي آخر الليل يشيلها
> ويقول لبتاع الكافتيريا بحاسبك بكرا
> نسيت القروش في أديس
> اقصد نسيت القروش في البيت
> وبعد داك يجادع بي مزاجو لبتاع الكافتيريا
> الجماعة يقولوا ليهو اقعد اتعشى
> يقول ليهم ما داير
> المصران قايم علي
> وخاتي بالو في البالي بالك
> المهم
> يقوم حيلو
> واحد في اصحابو يقول ليهو اوصلك
> يحلف عليهو ما ممكن يوصلو
> يقول داير اتمشى المصران قايم علي
> صاحبنا يصل الكافتيريا
> يسأل عن الفرخة السمينة
> يلقاها اتباعت
> زول دفع كاش وقلل النقاش
> صاحبنا زعل
> جنس زعل
> زعل على الفول الفوتو مع الجماعة
> وحرد
> قال لبتاع الكافتيريا انا موش حجزتها من العصر
> بتاع الكافتيريا قال ليهو حجزتها بالخشم ساااااي ؟؟؟
> قروش ما عندك عامل مقندل وتحجز سااااااي ؟؟؟
> صاحبنا بطنو تكركر ساي قال
> الفيك اتعرفت
> خليتها
> والشوربة والمخلل والمشكل خليتهم عديل كده
> ما دايرهم
> عشان ما تجي تقول لي في زول شالهم
> بتاع الكافتيريا ضحك
> قال ليهو الشوربة والمخلل والمشكل زاتهم اتباعو
> خليت شنو يا اخينا
> وصاحبنا رجع بات القوى
> عليكم الله دي ما ياها ذاتها قصة الهلال مع فرخة اقصد بكري المدينة وشوربة مهند ومخلل عمر ومشكل المعز ؟؟؟
> فرخوا لينا لسه يا فطومة
> الاندية الصغيرة طبيعي تفرخ للكبيرة
> الكبيرة البتدخل المطار
> فطومة المدينة
> لسه حزينة !!!!!
> موش قلتوا فلس
> اها وراكم ام دولار بالنهار
> جابو الاتحاد الشمس بره
> ولو داير تظهر البس اصفر
> حلاة المدينة بالاصفر
> اصفر دي لو شلنا منها الالف
> موش بتبقي صفر !
> خلاص بكري ختينا ليهو الف قبل الصفر
> حالو كلو اتغير
> الزول زهج من الصفر
> ايها الناس
> الكافتيريا فيها جوز كتاكيت لي شهر ستة بنجض
> حجز مافي
> لكن المرة دي حانجيبهم دلفري
> بالموتر
> ملفوفات بالسلفان
> حاراااااااات
> من امهم
> المهم
> الناطقة قالت
> سياسة الهلال الاعتماد على الاشبال
> طيب اطهر ووليد ديل مشيبين يعني
> ما شفناهم في التشكيلة بتاعت التدخل الصحفي
> حاتعتمدوا عليهم كاشبال لما يبقوا كبار !!!!
> ما قلتو فلس
> فلس بالفا ؟؟؟؟؟
> فلس بالمدينة !!!
> فلس كلمة صحيحة بس ناقصة
> مفروض تكون فلس بالجماعة
> سؤال اخير
> الصفر بي وين ؟؟؟؟؟
> طيب
> المطار بي وين ؟؟؟؟
> طيب
> التلاتة بي وين ؟؟؟؟؟
> المهم
> فطومة المدينة الحزينة
> اهلنا في دارفور قالوا
> البباري الانتاي تمرقو في الفضاي
> الفضاي بي وين ؟؟؟؟
> أيها الناس
> إن تنصروا الله ينصركم
> اها
> نجي لي شمارات والي الخرتوم
> كان شفت يا والينا
> في اعلان الانتخابات قالوا لينا
> سجل اسمك لو ما مسجل يا اخينا
> ولو مسجل راجع اسمك وورينا
> طيب يا والينا
> لو سجلنا وما جينا
> بتجونا ولا بتصوتوا لينا !!!!
> عارفكم ما بتنسونا بتخدمونا يا والينا
سلك كهربا
ننساك كيف ولو جينا او ما جينا جايننا جايننا …الليلة وووووووووب
والللللللللللللى لقاء
سلللللللللللللللللللك
في السلك – بابكر سلك
صحيفة الإنتباهة
[JUSTIFY][JUSTIFY]بكرى المدينة قبل كده ماقلتو حصان وبيبرطع كمان ، أسه بعد مسجلتوه بقى فرخة وسميتة … بكرى لاعب ذكى وعمل أكبر كبرى فى التاريخ فى المريخ .. قبض المبلغ 3 مليار كاملة مقدما وكاش يعنى اذا اصيب فى أول مبارة ( ولانتمنى له ذلك ) ولم يستطيع مواصلة لعب الكرة بعد ذلك وكل لاعب كرة قدم معرض لذلك .تكون مليارتكم راحت شمار فى مرقة …
ودفع المبلغ كامل ومقدما تنم على أن أدارة المريخ ياهى لايهمها مادفعته لانها ماداقة فيهو حجر دغش أو انه غباء أدارى .. لان كل عقود اللاعبين سواء كانوا محترفين أو هواة تدفع بالاقساط بل وتدفع رواتب تقسم على مدة العقد وفيها شروط تحفظ للاندية حقوقها ….
وللاسف الشديد أدارة الاندية عندنا وخاصة الكبيرة لازالت تدير هذه الاندية بطريقة الضرات ( ختف منى وختفت منو [/JUSTIFY])[/JUSTIFY]