*المبسوط لما راى قشرة موز في طريقه قال: الظاهر الليلة واقعين واقعين.
ما أكثر قشر الموز في طريقنا.
*المبسوط كان يجد ماء مدلوقا أمام منزله كل يوم فينزلق.. أمس جاء يحمل بطيخة..وضعها وذهب وانزلق ورجع يحملها.
ألا ترون أننا ننزلق ببطيختنا.
*المبسوط لما اندلقت على رأسه كرتونة قروش قال: الظاهر جاياني قهوة.
ألا ترون أننا كلما وقعنا اتفاق سلام قامت حرب.
* المبسوط ورفيقه ركبا البص أبو طابقين.. المبسوط قال لرفيقه الذي جلس تحت:سرعتكم كم.الرفيق قال: 80 كلم وإنتو؟المبسوط قال: نحن السواق لسه ما جانا.
*المبسوط لما رأى أصحابه يمدحونه أمام أهل خطيبته ويتحدثون عن بسالته وشجاعته وإقدامه قال هو أيضا: أنا استشهدت في حرب الجنوب كمان.
تذكرت ذلك أمس لما كنا حضورا للقاء مع من قدموه لنا بالبروف الأستاذ العالم الخبير القانوني الإعلامي الفنان..
*المبسوط أعجبه جدا المثل (دفن الليل أب كراعا بره)..قال لي لما مررنا بخور ينظفه عمال(دفن الخور أب ترابا بره).
* مبسوط مشى لخطيبتو زيارة يوم الجمعة قابلتو وبزهج سألتو:
الحكايه شنو؟! سنتين وإنت بتجينا كل جمعة.. حا نتزوج متين؟
رد عليها: نتزوج؟!وتاني أنا يوم الجمعةأمشي وين؟
لذلك لا يستغربن أحد من كتشينة وضمنة وحلل المتزوجين أيام الجمع.
* مبسوط طالع من البيت مرتو قالت ليه: ماشي وين ياراجل؟
قام شاكلها وقال ليها: مية مرة مش قلت ليك ما تسأليني السؤال دا؟
طلع الشارع أشر لبتاع تاكسي. بتاع التاكسي قال ليه: ماشي وين؟
المبسوط قال ليه: أنا مرتي في البيت ما وريتها أوريك إنت؟
*المبسوط وضع خدمة في تلفونه تقول:الرجاء ترك رسالة بعد الاستماع لسورة البقرة.
بعض المؤسسات الخدمية تكاد تفعل ذلك حين تهاتفها.
*المبسوط الذي أجرى عملية تجميل قال لأهله: والله ولا عرفتكم.
بعض النواب يقولون للناخبين مثل ذلك لما يأتون من كندشة البرلمان.
…..
تماسك الجبهة الداخلية يحتم أن يكون الخطاب لمنسوبي الوطن لا الحزب.. ولا للأحزاب.. فهناك وطنيون بلا حزب لم يبايعوا بعد محمد رجلا لكنهم للسودان فدى. فلتدم أيها الوطن
[/JUSTIFY]هتش – صحيفة اليوم التالي
