> ولا بستفيدوا من تجارب غيرهم.
> بالذات التجارب الناجحة لغيرهم.
> أقول التجارب الناجحة لغيرهم.
> لان الأهلة ما عندهم تجربة ناجحة.
> واذا عندهم تجربة ناجحة يورونا كأسها.
> او يورونا صورهم في المطار.
> أو يثبتوا لينا انهم ما واقفين مع أمجاد جمب جاد بره المطار.
> قصة ساي بنعتبرها حقيقة وواقع ونقبل بيها.
> ولأنهم كذلك
> كنت اتمنى أن تحرك فيهم سيكافا ثري ساكن الرمتلة الصفرية
> تخليهم يحاولوا يمرقوا من الصفر السكنوهوا ده.
> ولكنهم ايضا لم يستفيدوا.
> واصلوا في التريقة علي بطولة غلبتهم تمنية سنين
> وواصلوا في التضليل الإعلامي.
> بدوا بالشكوى تغطية للفشل الميداني.
> الناس خلت خسارة ستة نقاط في اسبوع في الكنغو
> وشغلوهم ليك بالشكوى.
> وماشين لوزان.
> والفيفا قالت لينا.
> لاحظ الفيفا بتقول قبل صدور قرار الكاف على حد زعمهم.
> ثم دخلوا في تجربة الهلال يوجه ضربة قاضية للمريخ ويسجل ثلاثة من لاعبي سلة المريخ.
> على الرغم من ان الهلال لم يسجل ولا لاعب من المريخ.
> بل إن الهلال وقع في سقطة ادارية مخجلة في تسجيلات السلة.
> عليكم الله في زول بسجل لاعب موقوف لسوء السلوك من الاتحاد سنتين؟!
> يا النادي سجل ساي ما عارف الإيقاف.
> يا النادي قصد الهيلمانة الاعلامية لشيء في نفس يعقوب.
> وهل في نفس يعقوبنا شيء غير المغصة من سيكافا؟؟
> ويواصل الأهلة في نفس الدرب الذي أسكنهم في حلة الصفر الكبير.
> حي الصفراب.
> سكن عشوائي.
> اليومين دي بدوا في حكاية لاعبينهم المفكوكين.
> وهم عارفين اي لاعب في الهلال بتمنى يصل المريخ.
> طبيعي الهلال يفرخ للمريخ.
> فالفرق الصغيرة من البديهي ان تفرخ للفرق الكبيرة.
> والفرق الكبيرة ليست كبيرة بالجعجعة
> بل كبيرة بالانجازات الدولية.
> وهي الإنجازات التي نسميها جوية.
> اما الفرق الصغيرة.
> فهي ليست صغيرة لأن الإعلام يظلمها.
> ولكنها صغيرة لأنها فقيرة للبطولات الجوية.
> وعدمانه الترابة في ذلك المنحى.
> رصيدها الدولي صفر كبير
> المهم.
> من حق اي لاعب في الهلال ان يفكر في الانضمام للمريخ.
> طموح اي لاعب التقدم والتطور والالتحاق بالفريق الذي يوصله للجوية.
> يبقي القعاد في الهلال.
> زي القعاد بدون جواز.
> دولي مافي
> ولأن إعلام الهلال يعرف جيداً مقدرات المريخ.
> فإنه يصنع حرباً على جمال سنوياً كلما قارب موسم التنقلات.
> عشان جمال يبعد من الصورة.
> لكن السنة دي.
> جيمي قرر.
> الحشاش يملأ شبكتو.
> بعد كده حايتغير أسلوب الإعلام المعني.
> حايبدوا يهددوا في لاعبينهم المفكوكين.
> وتجربة سيدا الذي أصبح سيبا بمجرد الانتقال خير دليل.
> وقصة مهند واجباره على اعادة القيد دليل آخر.
> ومن اكتملت مدته بالهلال.
> عليه أن يستصحب معه تجربة معند.
> واسألوا علاء الدين فييرا عن الفرق بين الفريقين
> برغم انعدام المقارنة.
> أ يها الناس.
> إشاعة جمال فلس التي يطلقونها سنوياً مع التنقلات.
> السنة دي ما بتأكل عيش.
> لأن جمال مهما فلس
> ما بفوتو زول رصيده فلتر مويه وتلاته حبشيات شغالات في الفلتر.
> ولأنه نفس النهج والمنهج والأسلوب.
> ولعدم استفادة اخوتنا الأهلة من تجاربهم الفاشلة وتجارب غيرهم الناجحة.
> ولمشيهم في نفس الدرب.
> لا نقول الا.
> مازال الصفر طفلاً يحبو.
> يحبو بره المطار.
> طفل يحبو جمب جاد تحت أمجاد.
> سيتمر الصفر طفلاً طويلاً.
> المهم.
> إعدادنا يسير جيداً.
> لا للظلم في المكاتب واللجان وفي الميادين.
> شعار نرفعه من هنا وحتى تسلمنا لكأس الممتاز.
> وحتى تسلمنا لكأس السودان.
> واقترح أن يكون نهائي الممتاز بالفاشر.
> ونهائي السودان بالدمازين.
> بتجوا ولا بتزوغوا برضو يا ناس؟
> أيها الناس.
> إن تنصروا الله ينصركم.
> أها.
> نجي لي شمارات والي الخرتوم.
> كان شفت يا والينا.
> لو مشيت الامم المتحدة
> لو ركبت سفينة نوح الموحدة
> لو قعدت في وسط شعوب مختلطة مؤمنة وملحدة.
> ولقيت ناس ونستهم كلها.
> السخانة.. الفلس.. الباعوضة.. الغلاء.. لحم الحمير.
> أعرف طوالي يا والينا ديل نحنا.
> ديل السودانيين يا والينا.
سلك كهربا
ننساك كيف والكلام يا حشرات يا زيادات يا اغترابات.
والللللللللللللى لقاء
سلللللللللللللللللللك
في السلك – بابكر سلك
صحيفة الإنتباهة
