* سلام للعلم
* سلام للبلد
* عليكم الله اى زول يقرا العمود ده
* يقيف تحيه للعلم
* أها
* أجمل حاجة فى سيكافا ثرى
* أنها قربت تكتل ناس مستحضرين أساساً
* الحاسد والشناف
* كورة وانغا ماشة على الشبكة
* قاموا إتضاربوا
* وإتشاكلوا
* لما الكورة وصلت الشبكه
* وصلوا الحوادث
* جنس حساده
* سيكافا ثرى
* جوياتنا كترت نحمد الله
* والعندى انا ما بدى
* ما بندى اى زول
* ولا حته
* الداير يجيب براهو
* كان غلبو يقول الروب
* المهم
* ظهر الحقد فى بعض الكتابات
* لكن ما قدروا يكتبوا عبارة محددة
* ما قدروا يكتبوا انو فى غيرنا جاب جوية فى البلد دى
* دى الحتة الماقدروا يكتبوها أبداً
* لأنو التاريخ ما كتبها أبدا أبداً أبداً
* المغالطنى يجيب صفحات التاريخ ويورينا
* كاسنا ده الشكية لى أب ايداً قوية
* إشتكوا قالوا الجيش الرواندى برضوإشتكى
* وصفوا ليهو مجلس الأمن
* وبالمناسبة
* رواندا الجبنا منها سيكافا ثرى دى
* هى بلد لاعب فيتا بتاع الشكوى
* جبنا من جيشها كاس
* وناس من ناسها ما قدروا يعملوا للشكوى ساس
* نجيب ليكم معانا لاعب فيتا تودوها معروضات لوزان؟؟؟؟؟
* إتشوكش
* المهم
* مانشيت فى قون
* المريخ يشترى المجد
* يحمل معانى
* ولكن لأننا نيتنا صافيه
* نفهم معنى واحد فقط
* ونتم لى ناس قون مانشيتهم
* المريخ يشترى المجد بأغلى ثمن
* هذه الأرض لنا والبقول عندو حته فيها معانا
* يجيب كاسو من الأمم(ببببببببببب)
* يا بنى المريخ جوية رمزكم
* تحمل الرفعه تشرف ارضكم
* جنبووووووووووون سلاح
* زغردوا
* وكتبوا
* روشا كتب شنو ما عارف
* كتب كترت سنين
* ولما وصل سنة تسعه وتمنين
* نفض القلم
* والقلم داير يكتب
* وروشا ماسك القلم
* ما داير القلم يقول الحقيقه
* يا روشا
* الأقلام ما بتكضب فى منصات التتويج الدولية
* كدى حاول أكتب أنو الهلال شال كاس جوي
*شوف القلم بضحك قدر شنو؟؟؟
* بضحك لمن يتفنقل فى الدوايا
* والدوايا تقول واشفايا
* أيها الناس
* سيكافا ليست ضعيفه
* والدليل ان الفرق الضعيفه فشلت فى إعتلاء منصاتها
* فشلت ضيفه وفشلت مضيفه
* سيكافا دى ما سمعنا شالها تليفة
* سيكافا بطولة نضيفة
* والبقول غير كده يورينا كاسو ويثبت انو كورتو نضيفه
* واشكى لمين واحكى لمين
* الكديس لسه مصنقع يعاين للمشلعيب
* رقبتو قربت تنكسر
* واللبن فوووووووووووووووق
* اللبن ما لبن الكديس
* اللبن لبن الزول الفارس
* بُره لو قعدتى سنتين تحت المشلعيب ما بتلقى اللبن بُره
* والناس هضربت
* خالد عزالدين كتب عنى كلام قال انا كتبتو
* خالد ده إلا كان قرا فى السلك البورندى
* الكاس جننهم جن
* محامى شنو يا خالد الأنا بكتب عنو إساءة؟؟؟
* دى قريتا فى شكوتكم ولافى إستئنافكم لى لوزان؟؟؟
* أيها الناس
* تانى ما بنقول سيكافا الأولى ومانديلا الأولى والشارقة السابعة
* كترن علينا
* تانى جوياتنا بالرقم
* نقول واحد
* طوالى تعرفوا دى سيكافا ستة وتمنين
* نقول اتنين طوالى تعرفوا دى دبى سبعة وتمنين
* نقول تلاتة مانديلا يا حبايب تسعه وتمنين
* نقول اربعة الشارقة يا عمك اتنين وتسعين
* نقول خمسه قطع شك سيكافا تو اربعة وتسعين
* نقول سته سيكافا ثرى الفين واربعطاشر
* نقول صفر
* ده ما الهلال
* ده جوبا سبعة وسبعين
* نحنا الصفر ذاتو عندنا كاس
* الصفر ما عندنا سكن
* بمناسبة سكن
* تعالوا نديكم جويه سكند هاند
* ايها الناس
* إنجازاتنا تتواصل
* جوية يا حبيب
* وبدواعى الوطنية
* نتمنى ان يجلب غيرنا لهذا البلد جويات
* الفرق الما جابت
* ناس الصوفى القضارف والحرية امدرمان وقلب الأسدوتريعة البجا الثغر
بورتسودان وفريق الهدف بتاع الحلة فى العرضة واشبال الدويم واهلى
القطينة وناس الدافورى وبيت المال والهلال
* كلهم نتمنى يجيبوا جويات
* بس نسأل الله ما يجيبوها ويبقوا قدرا
* عشان ما يفتكروا انو القصة ساهله
* يجيبوها بعد يكبروا ويبقوا قدرها
* الجويات دى ما ساهله
* أسألونا نحنا
* وأسألوا الترجى ومازيمبى ووفاق سطيف
* أسألوا جميع الفرق المسجلة معانا فى لوح الشرف الأفريقى
* حايقولوا ليكم الجويات دى ما لعب عيال
* أيها الناس
* الكانوا بقولوا جمال ما أنجز
* متذكرين كلامهم؟
* أها جمال جاب سيكافا
* من الكاردينال ومروراً بالحكيم والبابا والى كلارك الأنجليزى وحتى آخر رئيس بالشهداء
* ديل كلهم ماجابو سيكافا الجابها الوالى الفين واربعطاشر
* ولسه
* ولو كان هيثم حسبها صاح
* كان مفروض يكون اول امس لبس الميداليه الذهبية وشارك فى بطولة جوية
* سبعطاشر سنه قاعد فى الأصفار
* لاشاف ميدالية ولا شارك فى جوية
* راحت عليك يا هيثم
* أيها الناس
* سيكافا عاجبانا
* وقصة الحارى أخير من المتعشى ما منطقيه
* فالحاريين قاعدين فى صفرهم
* ونحنا نتعشى
* وتانى نتعشى
* ايها الناس
* أجمل سته ولا تلاتة ارقام؟؟؟
* موش قلنا القصة ارقام
* احفظوها صم
* عليكم حفظ كتير يا شفوت
* الجماعه ديك طبعاً شى يحفظوهو او يحافظوا عليهو مافى
* صفر
* حفظوا ساهل
* حافظنوا سبعة وتمنين سنة
* أيها الناس
* الليلة كلنا فى المطار
* من بدرى
* اروع إستقبال للأبطال
* هو فى زول بيمشى المطار غيرنا
* تعالوا ساى
* بى اعلامنا
* حققنا احلامنا
* وخلوا العاشقين فى عشقهم الدفين
* نقلب البلد حمراء
* ونقلب البلد صفراء
* فاقع لونها
* يفقع مع الكاس مرارة الحاسد والشناف
* وتستمر المسيرة
* من المطار للديار
* والكاس ندسو من الجماعه
* ممكن زول يختفوا ويجرى بيهو
* ويجوا يغالطونا يقولوا جابوهوا هم
* ايها الناس
* راجى فقع المرارة
* والجماعه إتبشتنوا جنس بشتنة
* اشرف بشير الهلالابى
* بحضر فى الكورة فى فضائية الخرطوم
* طلع قطع الزلط
* إشترى صعود
* والغريبة انو مابسف
* وقطع الزلط
* تانى قطع الزلط
* ورجع لبتاع الطبلية
* قال لى بتاع الطبلية مدينى تمباك ليييه
* بتاع الطبليه قال ليهو انت قلت داير صعود
* إتلفت لقانى بضحك فيهو
* الكورة باقى فيها دقيقة
* قال لى
* والله لو شلتو االكاس ده بنموت
* تبروا يا شروفى
* لو متوا طعم الكاس شنو؟؟؟
* تعيشوا عشان نستمتع بى حسادتكم قبل إنجازاتنا
* أيها الناس
* واحدين قالوا جيمى إشترى الكاس
* طيب سيكافا الأولى
* سنة ستة وتمنين
* الأشتراها منو؟
* ومانديلا تسعه وتمنين
* جيمى موظف صغير الأشتراهو منو؟
* وسيكافا التانية ودبى رقم خمسة ورقم صفر
* حسادتكم ما منطقيه
* وأتمنطقى
* أيها الناس
* إن تنصروا الله ينصركم
*أها
* نجى لى شمارات والى الخرتوم
* أكان شفت يا والينا
* الليلة جبنا الكاس وجينا
* موعدنا المطار يا والينا
* بتجينا ولا مع الخيانه يا والينا؟
سلك كهربا
* ننساك كيف والليلة جينا كيه للمابينا
والللللللللللللى لقاء
سلللللللللللللللللللك
في السلك – بابكر سلك
صحيفة الإنتباهة
