* المعنى الذى وصلنى من التصريح.
* أن المجلس قد يقدم ويستعجل موعد الجمعية العمومية.
* طبعاً للتنحى.
* وأحب أن أذكر بشئ.
* أعضاء هذا المجلس فيهم من وجد إجماعاً مريخياً عليه.
* زى الوالى ومعتصم وعبدالصمد وأى زول فاز بالتزكية.
* لأنو البفوز بمنصب بالتزكية يعنى مافى اى مرسح نزل منافس ليهو.
* ولما ما ينزل مرشح منافس لى زول.
* يبقى الجميع متفق على الزول الفاز بالتزكيه.
* ده من ناحية.
* ومن ناحية تانية.
* بقية أعضاء المجلس(غير المعينين).
* دخلوا المجلس بفوزهم وإكتساحهم للإنتخابات.
* يعنى جوا بالأغلبية.
* وهى أغلبية أصوات الناخبين.
* يعنى يبقى أعضاء المجلس يا جوا بالأجماع يا جوا بالأغلبية.
* وإحتراماً لذلك الأجماع وتلك الأغلبية.
* حقوا أعضاء المجلس ما يخذلوا تلك لأغلبية وذلك الإجماع بالإنسحاب ووضع الراية
* فإن كان الجو فى المريخ غير مساعد للعمل يا سعادة الفريق.
* فإن هذا إعتراف منكم بان من يعارضونكم أقوى منكم.
* هذه القوة ليست قوة قاعدية.
* ولكن فى التصريح إعترافاً منكم بأن الأغلبية أخطأت عند الإختيار
والجماعة إجتمعت على باطل.
* ولأننا نثق فى أن الأمر ليس كذلك.
* نوصيكم بتنظيم الصفوف من جديد.
* بوضع إستراتيجيات للعمل.
* بالتنسيق الجيد عند التنفيذ.
* إذا فعلتم ذلك.
* نضمن بقاءكم على مقاعد القيادة طويلاً.
* طويلاً جداً.
* وعلى صفحات التاريخ.
* وعلى صفحة سته فى كتاب مانديلا الإعجاز.
* أما الإنسحاب.
* فهو هشاشه.
* وكفانا يا سعادة الفريق الهشاشه لدى البعض فى الملعب.
* الجمعية العمومية التى أتت بكم.
* إحتراماً لها يفترض فيكم العمل وتحمل الصعاب.
* وهى وحدها القادرة على إبعادكم إذا رأت ذلك.
* فلماذا تجبرونها على رؤية لم تخطر على بالها؟؟؟؟
* أيها الفريق المحترم.
* ثقتنا فيكم لسه كبيره.
* وشعب المريخ لذى أتى بكم يتوقع النجاحات بكم ومنكم.
* فإحترموا ثقته فيكم.
* ولا تيأسوا.
* شعبك أٌقوى وأقوى يا سعادة الفريق.
* المهم.
* نكرر ونكرر.
* الإحلال والأبدال لايتم إلا برؤية ودراية وفهم.
* الإستعجال لايخدم القضية.
* والحماقة ستزيد الطين بله.
* وكفانا بله واحده.
* لأنو أى بله تانية.
* بتبقى بلبيل.
* والأتبلبل بعوم.
* والبعوم بضيع.
* ما شفتوا المال العام حصل ليهو شنو؟؟؟؟
* دراسة وتحليل تروى فهم تقرير تنفيذ بهدوء.
* لكل داء دواء.
* والدواء بيجيب الشفاء.
* ولكن الشفا فى الرديف.
* ده العلاج الأساسى.
* وبعدين تديهو فيتامينات.
* لكن المسكنات والمخدرات ما بتجيب علاج.
* لا للمخدرات.
* وحتى البتر بالبنج بتم.
* براااااااااحة.
* ما دايرين نكتل زول.
* بس ما بنسمح لى زول يكتلنا.
* المهم.
* السخانه شديييييييييييدة.
* والعطش قرش ونص.
* فى الحر ده تشرب فيتا يا روشا.
* تقعد فى الواطة دى.
* وتقعد تبرر.
* راسنا لفه.
* الوطنية الوطنية.
* أدوها صنة شويييييييييييية.
* كاس ما جابو جكسا ما بجيبو بشة.
* صدقونى.
* كاس ما جابو سبت ما بجيبوا جمعة.
* كاس ما جابو النقر ما بجى بالحكم والحجر.
* تقعدوا كده بس.
* أربعا وعقاب شهر.
* دايرين كاس يا روشا؟؟؟؟
* بتطولوا وتاخدوا مدة.
* قرنين من الزمان كحد أدنى.
* عشان كده أولى الألباب إختاروا أولى الألقاب.
* الألقاب الأفريقية.
* لقبكم شنو يا روشا؟؟؟
* نادى الشجرة؟؟؟
* نادى الحركة الوطنية؟؟؟
* ولا ناس الحركة القردية؟؟؟
* أفريقيا تمسكوا ضنب الككو كده بس.
* تفكوهوا يعضيكم.
* تمسكوهوا كده بس.
* أها.
* نجى لى شمارات والى الخرتوم.
* القصة يا والينا.
* مره كده قصة فى الحلة حصلت لينا.
* زمان الكلام ده يا والينا.
* الحرامية كتروا فى الحلة.
* كلو يوم لافحين شى.
* قمنا فى الحلة يا والينا.
* عملنا دويرة قسمنا الحراسة علينا.
* قبضنا كم حرامى يا والينا.
* والعريبة نقبض الليلة واحد يا والينا.
* تانى يوم برضوا حرانى جديد بيظهر لينا.
* ما كنا مستغربين من جية الحرامية كلو يوم لينا.
* لكن كنا مستغربين من بلادة الحرامى البجينا.
* عاملين دورية فى داعى الحرامى يجينا.
* موش مفروض يخليها تروق شوية حتى يفكر يجينا؟؟؟
* ولا ما سائل فى دوريتنا ولا سائل فينا.
سلك كهربا
ننساك كيف وكان تلب كديس الحلة كلها تكورك الحرااااااااااااااامى.
والللللللللللى لقاء
سلللللللللللللللك
في السلك – بابكر سلك
