* جنس رجفة..
* جبل الرجاف..
* تسعين دقيقة زول قال بغم مافى..
* هو فى شى بقولوا ليهو بغم..
* ربك رب الخير أراد كده..
* ولا غالب لإرادة الله..
* وفى الدقيقة خمسة وتلاتين..
* أنفرد مهاجم الكنغو..
* مدافع الهلال رجعها لى جمعة..
* جمعه مسكها..
* الحكم ولا قال حاجة..
* قلت لى إسلام الفول كيف..؟
* قالت لى مزبط..
* قلت ليها راس البيت كيف..؟
* قالت لي مزبل..
* قلت ليها الحكم كيف..؟
* قالت لى راس البيت..؟
* قلت ليها الحكم الحكم..؟
* قالت لى الحكم يخطئ ولا يظلم..
* وضحكت جنس ضحك..
* أيها الناس..
* السرير التانى برد شديييييييييييد..
* شخصياً ح أشترى كرتين جزيرة..
* كرت واحد ما بشيل الأقوان بالشفتو أمس ده..
* الفريق ماشى بالبركة..
* وبى إرادة الله..
* وعناية الله…
* لكن الهزاز عجبنى يا محمدعبدالماجد..
* بعد ده شغلوهو صامت..
* صامت عديل كده..
* زى صامت بتاع مازيمبى..
* والسرير برد..
* والمجمعات زى قفص الكلاب..
* وسجم الكديسه البجيبها الحظ العاثر جوه قفص الكلاب..
* هى جنس هوهوة..
* هو جنس نبيح..
* هو جنس عضعيض..
* وأمس شفنا صلعة النابى..
* الكاب وكاريكا وجمهور الهلال أختفوا..
* جهجهة زى الجهجهة..
* وحالتم طردوا ليهم زول..
* الوحيد الكان رائع بوى..
* ولأن بوى أتى للهلال من أولتراس المريخ..
* عشان كده كان رائع..
* المهم..
* قرارات كتيرة أصدرها مجلس المريخ..
* لعلها إصلاحية..
* ولعلها مؤسسية..
* وعلنا نجنى ثمارها سريعاً..
* المطلوب معاونة الجماهير..
* لمن وقع على عاتقه عبء إدارى..
* ونكرر..
* أشبالنا ورديفنا هم هدفنا الأساسى..
* دايرين نشوفهم فى الممتاز أساسيين..
* ما دايرين قنبلة التسجيلات..
* ولا دايرين نجم التسجيلات..
* دايرين نجوم التصعيد..
* لكن صدقونى..
* السرير التانى برد شديد..
* وسيدو بطانية ما بتحلو..
* زول لاعب فى بلدو..جمهورو ومدربو شغالين هزاز..؟؟
* أتهززى..
* لكن راس البيت مزبل زبالة خفييييييييفة..
* المطرة كان شدت..
* الزبالة دى ما بتتستر..
* بتجينا شووووووووو..
* أيها الناس..
* مليار الكرامة والشهامة يجد قبولاً يومياً من مئات الأفراد..
* والشفت أحمد دفع الله آدم(العميرى) عجبتوا الفكرة..
* وأتصل ملتزماً بمية وخمسين الف جنيه..
* خمسين حقتوا وخمسين حقات طفلو محمد وخمسين حقات فاطمة أم محمد.
* المريخ عامر بأمثال العميرى..
* ويستمر الموضوع..
* وينستر الشفوت..
* ويكتمل المليار..
* ونسير من النادى الى شارع البلدية..
* لنؤكد عظمة جماهير المريخ..
* ونؤكد عظمة سيدا..
* ونؤكد وفاء الجماهير لأهل الوفاء..
* لكن راس البيت زبالتو عينة..
* نوع جديد..
* ألفين وأربعطاشر..
* مسحة خفيييييييييفة..
* زبالة ممكن تجيك بالواتساب..
* لكن ما بتنستر مع المطرة..
* ومناخ البحر الأبيض المتوسط ممطر شتاءاً..
* زبالة حا تطلع بالسباليق..
* لى أسى بتزبلوا يا الناس البتزبلوا..
* الناس خلوها الزبالة..
* سقفوا خرسانة..
* المهم..
* ولبس الهلال فنايل سامسونق..
* ما قلتوا..
* ما قلتوا فسختوا العقد وملصتوا سامسونق.
* وفتحتوا الحكاية لى باقى الشركات.
* باقى الشركات بالكا..؟؟
* وليد البشرى الهلالابى بعد الكورة جانى يتكشم..
* إسلام فهمتوا..
* قالت ليهو وين يا عمو وليد..؟؟
* قال ليها فى المجموعات مع الكبار..
* قالت ليهو لكن الكبار ديل برسلوكم جنس مراسيل..
* صغير القوم خادمهم..
* يا ولد..
* قوم جيب خمسة بارد من دكان عمك مازيمبى..
* يا ولد قوم جيب ستة بيرقر من دكان عمك ترجى..
* يا ولد قوم جيب أربعة لبن من عمك مصطفى بيض وضان..
* مراسيل شديدة..
* بتقدروا عليها ولا بتشربوا العصير وراسكم يلف تانى..؟؟؟؟
* وقالت ليهو الليلة ذكرتونى القذافىيا عمو..
* قال ليهاكيف يعنى..؟؟
* قالت ليهو زنقة زنقة..
* قال ليها بطلى فصاحة جبت ليك معاى عصير..
* عصير التأهل..
* أمسكى أشربى..
* قالت ليهو شكراً ياعمو مابشرب من الماسورة..
* أها..
* نجى لى شمارات والى الخرتوم..
* أكان شفت يا والينا..
* المجتمع بقى خطير علينا..
* أولاد نقروس عرفناهم..
* بالليل وفى الحتات المطرفة والبعيدة والمضلمة..
* وغلطان المرحوم..
* لأنو يأكل الذئب من الغنم القاصية يا والينا..
* لكن الموضوع لما يبقى نهاراً جهاراً فى وسطنا وحوالينا..
* يبقى حانروح فيها يا والينا..
* الشماسة عايشين بيناتنا..
* يتسجموا علناً ويترمدوا وماشغالين بينا..
* لكن اليومين دى يا والينا..
* خطورتهم بقت فى السكاكين الشايلنها لى بعضهم ولينا..
* تخيل فى نص السوق يا والينا..
* يطلعوها ويتطاعنوا جبق جبق قدام عينينا..
* وتطور الأمر يا والينا..
* أذا وبخناهم أو زجرناهم..
* كل واحد فيهم على عينك يا دولة..
* يطلع خنجروا لينا..
* وممكن يتطور الأمريا والينا..
* عديل كدة يمرقوا الخناجر لينا..
* ويقولوا للزول فينا..
* يا تدينا يا خناجرنا تقلع لينا..
* وتبقى مصيبة كان أديناهم يا والينا..
* بعد العمر ده!!!!بعد السنين الفينا..
* وتبقى ميتة وشرط بطن لو ما أديناهم يا والينا..
* حلكم شنو لينا يا والينا..؟؟؟؟؟
سلك كهربا
* ننساك كيف وممكن نفتح الدار الصباح نلقى خبر شماشى سواها فينا ونعى
كبيييييييييييير يقطع القلب علينا…
والللللللللى لقاء
سللللللللللللللك
في السلك – بابكر سلك
