الفلنقاي فارس النور

الفلنقاي فارس النور..
الناس عملت ليهو راس وقعر في الفاضي .. اعتذر او ما اعتذر شن طعمو .. اعتذار شنو ذاتو الكايساهو الناس من القتلة والهمج؟
اعتذارو ذكرني ايام سودانيزاونلاين 😁😁
الواحد يكون بالليل ما واعي للدنيا يشتغل عقلو الباطن ما يخلي ام واحد حايمة ولا ابوهو .. يقدرك تكون مختلف معاهو بس ..
يجي الصباح تلقاهو مسح اي كلمة كتبة بالليل .. ومنزل ليهو اعتذار😁😁
ويعجبوك ناس شلة يخس والهتيفة .. يجو يشيلوهو يهتفو بيهو .. هذه مواقف الرجال .. هذا الاتساق .. حسنا فعلت ايها المناضل الجسور ..
غايتو كان جنس غسيل مخ 😁😁
الحمد لله لا ميادة لا الانصرافي لا فارس ما حضرو زمن سودانيز واعتذاراتو..
لكن احلى واللذ اقتراح اعتذار لاقاني من واحد كدا زمانك موهوم اسمو ابو آمنة والا ابو مين كدا ما تعرف كان عامل فيها من منظراتية السياسة الزمن داك.. مرة بتناقش معاهو اوفلاين
قالي:
طبعا نحن مفترض (نفتح ملفات) الاعتذار واول حاجة نعتذر للجنوبيين كشماليين مارسنا فيهم الخ الخ .. طبعا الكلام ده قبل الانفصال.
قلت ليهو نعتذر ليهم كيف يعني انا كمواطن عادي ومغلوب علي امري وبواجه حاليا نفس البطش والمحرقة .. قالي اي جنوبي نلاقيهو نعتذر ليهو 🥹🥹
تخيل تكون ماشي في الشارع يومك كلو تعديهو مقابضة في الجنوبيين ويكون عندك قلم شيني البتعتذر ليهو تعمل ليهو شخته شان ما تدقس وتدبل ليهو ..
طبعا زي ابو آمنة دي حسع بكون قاليك فارس النور ده رجل نبيل 🥹🥹

AlaaEldin Tmbis