يا بلادي شعبك أقوى و أكبر مما كان العدو يتصور

يا بلادي شعبك أقوى و أكبر مما كان العدو يتصور… 🇸🇩 ✌️
ما بفرق كتير شكل إعتذار فارس النور الذي يزمع تقديمه للشعب السوداني، سواء كان اعتذار عاطفي، أو اعتراف صريح بالذنب، أو حتى تبرير ودفاع عن النفس، المهم إنو الاعتذار ذاتو حيحصل. ودي لحظة فارقة.

لما يطلع زول كان في قلب الدائرة المقرّبة لقائد المليشيا ويقول “أنا أعتذر للشعب السوداني”، فالموضوع ما عاد مجرد موقف شخصي. دي شهادة من الداخل، وكلمة حق جاية من حضن الباطل، وهي أكبر من أي تبرير ممكن يتقال.

الاعتذار دا، أياً كانت دوافعه، هو ضربة في خاصرة المليشيا، ومسمار جديد في نعشها السياسي والمعنوي. اللحظة دي بتقول إنو المركب فعلاً بدأت تغرق، وإنو الصمت ما بقى خيار، والتاريخ بدأ يكتب أسماء الناس في صفحاته، منو كان مع الحق، ومنو كان مع الباطل.

عمر عثمان