وكأنهم عاوزين ينهبوا ويدمروا أحلامنا….. 😎😎😎

في ٢٠١٧ كنت اخيرا بقول حققت حلمي وبديت اول خطوة في مشروع عملي للصحة النفسية للأسرة والطفل من خلال مركز آمنة، التم تصنيفه في نفس شهر الح. ر. ب، رمضان ٢٠٢٣ بالمركز الأول والوحيد من الدرجة الأولى في السودان البقدم هذا النوع من الخدمات النفسية.

وبحمد الله تم نهبه وتدميره بالكاااامل لآخر مسمار فيه، من جاهل بن جاهل بن جاهل من سلالة بني جهل…. وكأنهم عاوزين ينهبو ويدمر أحلامنا…..

بس ااااه وين يا، نحن الجيل الراكب رأس،،، ،ونحن البنقول على قدر الابتلاء يأتي الصبر وتأتي الهمة والعزيمة….

ونعتبر دي رسالة من ربنا ان حان وقت التغير والتجديد في المركز ونعمره احلى واجمل وافيد بإذن الله.

من هنا بقول لل ١٧ الف أسرة مشتركة في خدماتنا اونلاين و اكتر من ٢٢٥٠ أسرة تلقو الخدمات في المبنى، والمدارس، الشركات والمنظمات الاتعاونا معاهم، بإذن الله غدا نعود، ونحن اصلا ما توقفنا ولا قطعنا عنكم تحت اي ظروف بحمد الله.

كنا معاكم في السراء والضراء وقت النصر ومن تحت الساتر وقت ضرب الطيارات…. ونحن لسه معاكم على الوعد والعهد بإذن الله.

إيثار صلاح التاي

إختصاصي نفسي رأسها قوي ومصرة توصل رسالته

وبإذن الله حتصل وحنصل

احبكم في الله ودعواتكم.