ارض النزوح ده هظار ولا اضطراب ثنائي القطب.😁

طول عمرنا عارفين ان في ٤ فصول في السنه ( خريف، شتاء، صيف وربيع) ، وفي السودان كنا نشهد ٣ منهم باستبعاد الربيع وطول الصيف الحبيب. تاني اي شي يخص السودان سمممح

اها في ارض النزوح اكتشفت ان في ٥ فصول للسنه

١.صيف ده حار جدا ورطوبه هنا انت بتتبخر

٢. خريف مطرة ورطوبه هنا بتسيح

٣. شتاء بارد ورطوبه هنا بتتلج

٤. وربيع معتدل بدون رطوبه هنا بتستمتع

اها الفصل الخامس بما انو انا الاكتشفته ولي حق الفيتو في تسميته، فحسميه ( فصل البسترة) يعني نحن حسينا بعمليه بسترة الحليب جد جد… بيجيك شتاء قارص وصيف قارص في نفس ذات الساعه..هنا بتحس انك بتتبستر.

ارض النزوح ده هظار ولا اضطراب ثنائي القطب.

إيثار صلاح التاي

الما دكتورة