الدمار اللحق بقطاع الكهرباء في السودان حاجة فوق التصور

الدمار اللحق بقطاع الكهرباء خصوصا المحطات التحويلية ومحولات التوزيع حاجة فوق التصور
القطاع الصناعي هو الأكثر تضررا وعشان يرجع أي مصنع يشتغل تاني ملزم يشتري محول من جيبو، وكمان عدم استقرار الإمداد الكهربائي بسبب الدمار والاستهداف البحصل للمحطات التحويلية حا يخلي كل المصانع ملزمة توفر مصدر طاقة بديل (مولدات)
يعني عشان تدور مصنعك لازم تمشي تشتري (محول+مولد)

مع إنو الوضع ضبابي لكن نتمنى يكون في تحول في القطاع الصناعي والإتجاه يكون للطاقة الشمسية والحكومة تساعد في الموضوع، منها كمساعدة لرجوع القطاع الصناعي وتخليهو يقدر ينافس المستورد ومنها كتخفيف للأحمال الكهربائية من شبكة التوزيع الأصلا بتعاني من قبل الحرب بسبب الفقودات

شركات الطاقة الشمسية الفرصة جاتكم على طبق من ذهب لو عملتو دراسات لمحطات طاقة شمسية من 100kva وإنت طالع

وعملتو مقارنات بين سعرها وسعر (المحول+المولد) ودخلتو التكاليف التشغيلية في الدراسة وعرضتوها لأصحاب المصانع حا تستفيدو

حسام الشامي