إلى إيثار خليل ومدعي الطهرانية السياسية

إلى إيثار خليل ومدعي الطهرانية السياسية
يا دكتورة سلامات ..
الكثيير من الشباب حول كيكل لم يكونوا مع كيكل إلا بعد رجوعه من الجنجويد، كلامك عن إنهم إحتضنوا الجنجويد ووفروا ليهم الملاذ ده كلام لا يصدقه إلا جاهل او شخص غير معاصر للأحداث !
كونهم عنصريين ده كلام مافي خلاف عليه لكن ده لا ينفي إنها عنصرية مضادة بالذات بسبب كتاباتك انتي وأخرين.

وبعدين انتي واسرتك وحركتكم بتاعة العدل والمساوة دي سجلاتكم الإجرامية ملانة ماشاءالله، منو حاسبكم على إعدام أبناء الميدوب في الميدان رمياً بالرصاص وحاكمهم يوسف مخير الجنجويدي الحالي ؟ ومنو حاسبكم على عمالتكم للنظام التشادي والتدخل في صراعاته مع المعارضات المسلحة وبإعتراف عمك جبريل إنهم تدخلوا لإنقاذ ديبي ٢٠٠٨ ؟ وحركتكم في شمال شرق تشاد كانت لديها معسكرات ومستشفى ميداني في امجرس وإرتكبت جرائم في المواطنين وسرقة بهائمهم، والعنصرية داخل الحركة وسيطرة الزغاوة الأنقو جييرا على الحركة وسيطرة اسرتكم على الحركة جبريل وعشر وبشارة سليمان وعبدالكريم عشر والنهب البحصل لوزارة المالية كلها ملفات نعرفها جيداً ونسكت عنها لضرورات سياسية ومرحلية، وانتي برضه مفترض تسكتي عن كيكل وجماعته لإنه لا انتي لا حركة اعمامك عندكم مؤهل أخلاقي للمزايدات على كيكل، ياخ انتو اسرة واحدة شايلين مناصب قبايل في البلد دي ما عندها نصفها وكل يوم مصدعانا بالكتابة !!

Moneim Boyabri