الفنانة إنصاف فتحي تحكي لحظات الرعب التي عاشتها مع صديقتها المطربة هدى عربي بعد أن قام أحدهم بضرب النار وإطلاق الرصاص أمامهما (أنا وهدي اتماسكنا ويا الارض جاك زول والحيل برد)

قامت الفنانة السودانية الشهيرة هدى عربي, بمشاركة تدوينة لزميلتها وصديقتها المطربة إنصاف فتحي, وذلك على حسابها عبر موقع التواصل الاجتماعي فيسبوك.

وبحسب رصد ومتابعة محرر موقع النيلين, فإن التدوينة التي قامت سلطانة الطرب, بمشاركتها حديثاً يعود تاريخها للعام 2020.

التدوينة كانت عبارة عن موقف جمع بين الطرافة والرعب, حيث تعرضت المطربتين للحظات صعبة بسبب الخوف والرعب من أصوات الذخيرة التي كانت تضرب في الحفلات الغنائية وقتها.

وكتبت الفنانة الملقبة بعصفورة الغناء بحسب ما نقل عنها محرر موقع النيلين:

ياجماعه ضرب السلاح ونحن بنغني لا  نحن عالم جبانات اااااااي والله
مره في حفله من الحفلات زواج زميلنا ومشاركين الافراح انا وهدي
هدي في المسرح بتغني في امانة الله والحفله مهججه  اتلفتت علي وانا في الكرسي وهاكم الحوار
هدي : صوفي صوفي تعالي
انا : واصلي واصلي
هدي : لالا عليك الله تعالي نغني الاغنيه دي سوا
انا : سمح اها نغني شنو
هدي : نغني سيره عشان العرسان وكده
انا وهدي : اتلفتنا علي الفرقه واديناهم الاغنيه والنصيحه السيره رااااااابه
انا : اخدت لي غميضه حبببه بس وفتحت
هدي : في حاجه جات لخمتا وادتا شبال وبالرقبه
عمك اب سلاح جا ورفع السلاح
هدي : لالالالالالا
انا : الله والنبي لا
عمك :طاخ طاخ طاخ
انا وهدي اتماسكنا ويا الارض جاك زول الحيل برد والغنا طار والقلب طار والقومه غلبتنا
اها ده كلام ياجماعه بنخااااااااااااااااف والله.

محمد عثمان _ الخرطوم

النيلين