بالصورة.. سودانية تحكي قصة زواجها الغريبة: (قابلني في السوق العربي عند بائع “تسالي” وقال لي اشتري لي معاك “كيس”.. تم العقد واسي نحن الاتنين في البحرين وعايشين احلي عيشه)

تناقلت صفحات تنشط على عملاق مواقع التواصل الاجتماعي فيسبوك بالسودان, صورة قيل أنها لسيدة سودانية حكت من خلالها قصة زواجها.

وبحسب رصد ومتابعة محرر موقع النيلين, فقد كتب ناشرو الصورة نقلاً عن صاحبتها قصة زواجها الغريبة التي حدثت قبل الحرب.

القصة بدأت كما قالت صاحبتها: العروس قالت : بتذكر اول مرة اتلاقينا في السوق العربي عند بتاع تسالي هو كان بفتش لي كاش وانا كنت حابه اشتري تسالي.

بي المساء فاتحه النت لقيت رساله من رقم غريب فتحتها لقيت اشعار بي 50الف و 100ج

قال لي ال100ج حقت كيس التسالي.

المهم بقينا متواصلين وطلع جادي بعد اسبوع قال انا جاي اتقدم ليك قلت ليهو انا ابوي في السعودية خلي لمن ينزل صادفت انو هو كمان اهلو في السعودية.

رسلت ليهو رقم ابوي رسلو لي أبوهو في السعوديه وتم العقد واسي نحن الاتنين في البحرين وعايشين احلي عيشه بس مشتاقين لبيتنا في الخرطوم.. كل يوم بفتح تطبيق خرائط قوقل الجديد المحدث بشوف بيتنا بلاقي الدعا. مه قاعدين فيهو ومواقفين عرباتهم ومجدعين السراير في نص الحوش.