🔴 البيحصل في السودان وفوز ترمب واعتناق روسيا للكيزانية (..)

بتاع الاوبر المصري اشاد بجودة سيارته الصينية. الكلام جاب الكلام ودخلنا في نهضة الصين المذهلة. قال خلاص الصين بقت اعظم قوة والقيامة اكيد قربت لانو دي من علامات الساعة الكبري. قلت ليهو منو من مشايخ المسلمين قال بالعلامة دى؟ – دى طبعا دقسة مني فيها تنميط انو اي مصري بالضرورة مسلم. قال لي البابا شنودة قال ان سيطرة شرق اسيا من علامات الساعة الكبري.

البيحصل في السودان وفوز ترمب واعتناق روسيا للكيزانية بدلا من الارثوذكسية والتصعيد الأمريكي الخطير ضدها في اكرانيا ومذكرة المحكمة الجنائية الدولية لاعتقال نيتانياهو، وغالانت دي كلها اشارات الي ان الاب شنودة قدس الله سره ما بيتكلم ساي.

المرة الفاتت في كنيسة مار جرجس شفت قصيدة عنو لو شلت اسمو وختيت علي الكرار محلو ها يركب زط وما ها تفرق. ياهو ذاتو.
فيا جماعة شنو، كلنا اخوان والحال من بعضو.

معتصم اقرع