الجيش النضيف

الجيش النضيف —-
مؤسف جداً إنك تشوف بعض من المعروفين لديك يطعن في ضهر الجيش بتجني واضح ومشهود وكذب بواح عايز يجتهد أن يساوي الجيش بمليشيا الجنحويد ودا كلام غير منطقي وغير حقيقي لمدعي الحقيقة وهي الظلام —
الأسئلة التي يجب أن يجاوب عليها خاطفين اللونين ديل –
🔴 من هو الذي عمل مجزرة الجنينة وقتل خميس أبكر وشرد كل أهلنا في الجنينة وكتلهم أحياء ؟
هم مليشيا الدعم السريع ..
🔴 من هم الذين شردوا اهل الجزيرة وعمل مجازر ود النورة وجلقني والهلالية وتمبول و المعيلق وكل القُري ؟؟..
هم مليشيا الدعم السريع
🔴 من هم الذين شردوا أهل الخرطوم وطردوهم من بيوتهم واغتصبوا بنات السودان وساقوا البنات عملوا ليهم سوق في نيالا لبيع بنات السودان في النيجر وجاد وغيرها ؟؟
هم مليشيا الدعم السريع
🔴 من هم الذين سرقوا البنوك ودهب الحريم وممتلكات المواطنين
وهدموا مستشفيات الخرطوم كلها ؟؟
هم مليشيا الدعم السريع..
🔴 من هم الذين هجروا اهلنا في الدالي والمزموم والدندر وقُري جبل موية قبل التحرير ؟
هم مليشيا الدعم السريع
طيب أنت يا خايب الرجاء بمقابل دا تعال أسال ؟
🟢 لي الناس بتنزح المناطق الموجودة فيها الجيش ؟
الاجابة لانو الجيش جيش محترم واولاد اصول واولاد حلال
مافي جياشي بسرق ولا في جيش بغتصب بت ناس
🟢 لي مناطق الجيش الخدمة فيها شغالة ومتوفرة البنوك المستشفيات الدكاكين الاسواق ؟
لان الجيش ما حرامية ولا بعملوا إنتهاكات بل الجياشة بحافظوا على البلد وحريصين على البلد وأهلهم ..
🟢 سؤال محوري ايضاً لي الجيش ما بجيب مرتزقة من الخارج ؟
لان الجيش جيش وطني سوداني وكلهم معروفين جد عن جد
ومليشيا الدعم السريع ملاقيط ساي ومرتزقة اي جنجويدي يكون تجميع تشاد افريقيا الوسطي النيجر وباقي عرب الشتات ديل ..
يبقي أن كزول عوير ما تعمل فيها محايد وتجي توازي لي الجيش الوطني السوداني مع مليشيا ومرتزقة الدعم السريع
وصلت ✋
عائشة الماجدي