مصطفى ميرغني: صراحة اتمنيت لو كنت بعرف أتكلم انجليزي
قبل أيام
بتكلم بالتلفون في المسجد مع زول و كان في مسألة شرعية
فجاءني عامل نظافة زول طيبان و مسكين جمعني به المسجد و لعله فهم شيئا من مكالمتي مع الزول
و هو العربي حقو تعبان
فاتكلم معاي و انت أصلا قريت شنو و كده
فوريتو فنصحني انو أتعلم الانجليزي و قدر الشيء الفهمتو
قالي في ناس كتار زي كده محتاجين يتعلمو و يعرفو الدين فعشان كده مهم تتعلم إنجليزي وضرب لي مثال بدكتور زاكر نايك
بعد المشهد ده بكم يوم و أنا داخل مسجد لأصلي التراويح وجدت خواجه مقعد في كرسي متحرك
يتأمل تأمل شديد في حركات الصلاة و القرآن
حسيت بيهو كأنو داير يصلي و انو الموضوع ده جاذبو جذب شديد ينظر نظر المنبهر المعجب
صراحة اتمنيت لو كنت بعرف أتكلم انجليزي اليوم داك بس عشان الزول ده
حسيت بيهو محتاج كلمة بس بسيطة كده و بعلن إسلامه
فاللهم اهده يارب العالمين
و الناس الاتعلمت الانجليزي أدونا تجاربكم لعلها تفيدنا رغم انو شايف الشي ده صعب المنال
مصطفى ميرغني
إنضم لقناة النيلين على واتساب
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة