السادة/ سفارة (جمهورية السودان) فى (سلطنة عمان) ومقرها (مسقط)
السادة/ سفارة (جمهورية السودان) فى (سلطنة عمان) ومقرها (مسقط) .
أنا جاياكم بى لايف عدييييل عن الفساد الحاصل فى دهاليز إستخراج التأشيرة… والجوازات والأوراق الثبوتية للجالية.
التناقض المريع بين رسوم إستخراج التأشيرة الملائمة التى أعلنتها إدارة الجوازات… وبين الرسوم الباهظة التى أعلنتها السفارة عبر رابطها الرسمى مطالبتها ب(الكاااااش) وألاعيب السماسرة !!!
إنتوا يا ناس السفارة بتعملوا (كبرى) وطالقين السماسرة فى حق المواطن الغلبان المتغرب الطافح الدم فى ظروف الحرب دى وسادى الفرقة؟!!
ثم أين أنت يا حضرة القانونى الضليع رئيس الجالية من هذا الظلم؟!!!
السيد السفير… أنا ماعارفاك منو… لكن بل راسك غايته… الشكاوى كتيرة والسمسرة أكتر والناس تعبت.
بجيب التفاصيل كلللها وبجيكم مباشر بإذن الله…. وعندكم فرصة للرد والتوضيح خلال الساعات القادمة قبل فتح الملف.
نشوف تحامل السفارات فى معظم البلدان ضد الجالية ده حده وين!!
الجيش فى الميدان… ونحن بأضعف الإيمان… وكلها حرب ضد التآمر والإرتزاق على حساب البلاد والعباد… والنصر لنا بإذن الله.
د(اليا) س
