خطاب التعايشي ويوسف عزت ومتثاقفي الخلا ما بيمشي على عاقل!
لو افترضنا ان حنك التعايشي ده حقيقي والدعم السريع مكون اجتماعي من دارفور يبحث عن عدالة اجتماعية…طيب التعايشي وحميدتي كانوا قيادة وفد التفاوض بتاع الحكومة بنفسهم مشو فاوضو الحركات وحددو القسمة العادلة للسلطة والثروة لاقليم دارفور مع الحركات المسلحة…المطلوب شنو تاني اكتر من كده؟ مش مفروض لو عنده اي حنك تاني يمشو يناقشوه في حدود قسمة الموارد ضمن الاقليم؟ ولا ديك كانت قسمة للحركات وليس لدارفور كاقليم؟ تانيا هل دفع الدعم السريع بمطالب اجتماعية ضمن الاتفاق الاطاري وقام اتمرد عندما تم رفضها؟
الحقيقة لن يستعصي على اي ساعي للسلطة بقوة السلاح خلق خطاب سياسي وهمي يروج للمظلومية ليعطي به تمرده شرعية لكن خطاب التعايشي ويوسف عزت ومتثاقفي الخلا ده ما بيمشي على عاقل!
هل هنالك تهميش في مختلف بقاع السودان وإدارة خاطئة لاقتصادنا واجتماعنا السياسي؟ نعم بالتأكيد ولا بد من اصلاحه
هل يسعى حميدتي وقواته عبر حربهم للانتهاء من التهميش وتأسيس مجتمع العدالة؟
لا طبعا بل ان حميدتي وقواته هم كلاب اللاعدالة المطيعة طوال السنوات الفاتت واداتها في اسوأ جرائمها ولكنهم يسعون حاليا ليترقوا في سلم اللاعدالة!
كل النظام ده نحن نريده ان ينتهي بكلابه وضباعه واسوده ولكن ابدا لن ينتهي على يد حميدتي بل ما سينشأ بانتصاره او مفاوضته مجرد طريقة جديدة للقسمة!
Mohammed Elmosbah
