حوالي الساعة تلاتة صباحا” بتجي مواكب من الضان بي طريق الزعيم الازهري و بتقطع كبري شمبات و تواصل مرورها عبر شارع المعونة لحدي مسلخ الكدرو .. الخرفان في المواكب دي بتكون مبسوطة و حماسها عاااالي جدا” و يستحيل تقدر توقف ليك ( خروف ) و تقول ليهو التجار ديل سايقنك للمسلخ .. ح ينطحك ح ينطحك .. ما خروف .. لكن انا عملتها .. في بداية الهياج الثوري وقفت الناس و قلت ليهم تعالوا ياااخ انتو ( ضان ؟ ) ماشين وين ؟؟ دي مسرحيات و السكة دي نهايتها ( مسلخ الكدرو ) و التجمع ديل تجار ماشية .. و الكيزان صنعوا الفيلم ده عايزين يتخلصوا من ناس معاهم و عايزين يصفروا العداد مع المجتمع الدولي و عايزين يحرقوا الاحزاب اليسارية .. قلت ليهم ارجعوا ياخ السكة دي سكة عطش .
نزار العقيلي
مقالات ذات صلة
-
-
-
-
-
-
-
-
