*من بحر دار.
*من حظنا .
*من سوء الخصم.
*من الله سااااااي.
*المهم إتأهلنا .
*تسعين دقيقة ماشفنا لمسة تدريبية.
*ولافهم إحترافي.
*ولا موهبة فردية.
*غايتو بس إتأهلنا.
*مادايرين نحكم على الأجانب.
*نحنا بنعرف أكتر من الحكومة؟.
*أجانبنا بالذات الكمروني القدام والتونسي الورا.
*أمال أجانب أبوجريشة الأباهم المدرب حسب ماقالوا لينا كانوا كيف؟.
*التونسي الطرف ده غايتو(معلول) عديل كده.
*وتقييم المدرب ممكن يكون من خلال إختيارتو للاعبين عند الإنتقال.
*المهم.
*تسعين دقيقة تمنينا لو فشل النقل التلفزيوني حتى لايشاهد الناس عورتنا.
*هذا المستوى الطيران أخير من التأهل بيهو.
*لأنو لي قدام أية(علة)بتمرقنا برة.
*وإذا ده الآداء.
*من بدري فررررر.
*ونهواهو في كل الظروف.
*على الله نستفيد من باقي الموسم في تأهيل التيم والاستاد.
*على الأقل نلعب فيهو.
*أيها الناس.
*بصراحة .
*ماكنا نمنى النفس ببطولة إفريقية .
*ولكن كما نتمنى أن نذهب بعيداً.
*بالطريقة دي بعيد مافي.
*قريب وقريب جداً.
*بالطريقة دي مسألة طيراننا بقت زي الموت .
*متوقعة في أي لحظة.
*التونسي الورا .
*ودايرين نذهب بعيد؟.
*يادوبك عرفت تونس دي بقولوا ليها تونس الخضراء ليه.
*أيها الناس.
*نبارك لأهل الساحل التأهل.
*ونتمنى لهم المضي قدماً.
*على الأقل يمشوا بعيد.
*المهم .
*أخواننا في الله الحبش.
*اليوم ينزلون ضيوفاً علينا.
*والكرم السوداني يستقبلهم بقوله .
*ياضيفنا لو زرتنا لوجدتنا نحن الضيوف وأنت رب المنزل.
*وكوووولنا داخلين .
*وطنية كده.
*بس ناس الحركة الوطنية يخلوا بالهم طويل.
*المهم .
*من أربعة أندية.
*كونو أنو يصعدو ناديين.
*وفي الظروف دي.
*مبروك للسودان.
*،مبروك للثوار .
*مبروك للأحباش.
*فشرف لهم اللعب بجوهرة الشيخة.
*أيها الناس.
*إن تنصروا الله ينصركم.
*أها .
*نجي لي شمارات والي الخرتوم .
*كان شفت يا والينا.
*قعدنا ولي مشكلة بلدنا حلينا .
*طالما قصرين جمهوريات لدينا.
*برهان يقعد في واحد وحميدتي يقعد في واحد ويخلو الشارع لينا.
سلك كهربا ننساك كيف والكلب قال غايتو الليلة يا النجاشي يا أبرهة.
وإلى لقاء.
سلك
صحيفة الانتباهة
