نشرت فتاة سودانية في التاسعة عشر من عمرها استشارة عبر إحدى الصفحات المتخصصة في نشر الاستشارات العاطفية أثارت بها ضجة واسعة.
وبحسب ما قرأت محررة موقع النيلين فقد قالت الفتاة في استشارتها: (بسم الله الرحمن الرحيم…و الله العظيم اقول الحق و لا شي غير الحق طيب يا جماعة انا بت عمري ١٩ سنة و اكبر وحدة…. مشكلتي امي…اني متواصلة مع واحد من قرايبا اصغر منها ب ١٥قريب التلاتة سنة…ابوي مغترب ..مرات بجي اجازة كل سنة….حاليا هو برة السودان).
وتابعت: (نجي للمشكلة..امي متواصلة معاهو و بتقابلو عادي…و مرات هو بجينا البيت انصاص الليالي و اخواني م عارفين الحاصل…لكن انا عارفة…جاني فضول هم بيتكلمو عن شنو…فتشت تلفون امي…عارفة الحاجة دي غلط لكن م قدرت اتحمل ..و ياريت م فتشت..رسائل اعوذ بالله منها…و صور مخلة ياريت م شفتها… م عارفة اذا دي امي و لا وحدة تانية.).
وأضافت بحسب ما نقلت عنها محررة موقع النيلين: (بتتعامل معانا و مع ابوي كأنو م في حاجة….و انا زعلانة على ابوي و اخواني الصغار…و يادوب انا في سنة اولى قرايتي م بقدر اركز عليها…ابوي جد م مقصر معانا و معاها …فوق انو مغترب و تعبان عشان يصرف علينا…امي بتعاملو كده…و هو م جايب خبر..اسي الزول المتواصلة معاهو امي عرسو قريب…و لسة هم متواصلين…و امبارح لقيت امي م فيشة في البيت و ابوي عرف..و سألا مشيتي وين..و هي كل مرة بتتهرب.).
وختمت استشارتها المثيرة قائلة: (اسي ابوي لا برد علي و لا اخواني ..و الوضع بقى مقلق شديد…و امي باردة بعدا…اسي انا بكتب في الكلام ده و ببكي…معليش لو كلامي م منظم..لكن ياريت توروني اعمل شنو…و آسفة على الإطالة).
رندا الخفجي _ الخرطوم
النيلين
