بابكر سلك يكتب: مستأجرون مفروش

الانتباهة او لاين

الرئيسية/الكتاب/بابكر سلك
بابكر سلك يكتب: مستأجرون مفروش
أبريل 13, 2021182

] سعدت جداً بالكتابة على صفحات (الحراك السياسي) التي ولدت بأسنانها .
] وبرغم أن (الأحمر الوهاج) و(الحراك السياسي) بنات حفرة واحدة وأخوات أشقة .
] إلا أني أعتبر نفسي بعد إذن أهل (الحراك) مستأجر مفروش.
] شهر وتعود (الأحمر الوهاج).
] وقد تتكرر الإطلالات عبر (الحراك) طالما كان الحراك هو سيد الموقف وأمل البلد.
] بلد البنت والولد.
] المهم.
] لا أحب السياسة ولا أمارسها.
] ومع إحتراماتي للسياسيين.
] أعتبر السياسة هي أن تكذب مرة.
] ثم تكذب طول العمر لتبرر الكذبة الأولى.
] وسنعبر.
] ربما.
] ربما اليوم وربما غداً وربما بعد مية سنة.
] ولكن المهم ان نعبر.
] فالذين بدأوا بعدنا عبروا ووصلوا.
] ونحن لازلنا نصارع مشكلات التوليد الكهربائي وإنعدام الغاز وغياب عربة النفايات.
] وسنعبر.
] أكيد طبعاً.
] أيها الناس.
] إن تنصروا الله ينصركم.
] أيها الناس .
] رمضان كريم.
] ولعله سيوحشنا قريباً.
] مافضل فيهو شيء.
] يوم واحد خمسة الجاي ده بنبدأ نضافة العيد.
] ولكن بالتأكيد مابنركب الستائر إلا يذيعوا لينا العيد.
] حتى ولو كنا في ليلة تلتين رمضان.
] ما ذاعوا العيد مافي ستائر بتتركب.
] نحنا كدة.
] وياحليل رمضان مافضل فيهو شيء.
] ربنا ذاتو قال أيام معدودات.
] حقو نستثمرها قبل ماتكمل المعدودة.
] غايتو لو كملت المعدودة والقيامة قامت.
] ودخلنا الجنة برحمة ربنا .
] وبصبرنا علي الحال الماري بينا والمرة بينا قبل الماري بينا والمرة بينا قبل المرة بينا قبل الماري بينا.
] يوقن أن مكاننا بأذن الله جنة عرضها السماوات والأرض.
] لو ماحصل كده يبقى محمدانا جنة من أمها تلزمنا التيجاني الماحي لما المعدودة تكمل.
] لكن ونحنا في الجنة .
] ممكن نقشر على الحور العين بمانديلا.
] ناس محمد عبدالماجد صفرهم ده بحرجهم في الجنة.
] غايتو يا محمد عبدالماجد في الجنة عشان ماتتحرجوا مع الحور العين ربوا دقون وأعملوا فيها داعش غاضين البصر وماشايفين الحور العين.
] صفر محرجكم دنيا وأخرى.
] دي شبكة شنو دي يا أخواننا.
] أيها الناس.
] سوداكال في آخر أيام مجلسه.
] عشان كده مفروض نعمل جرد حساب لفترتو عشان نقيمها.
] لما استلم ديون المريخ المحلية والعالمية كانت كم ؟.
] حقوق اللاعبين والأجهزة الفنية واستحقاقاتهم كم؟.
] كم بطولة ممتاز لقاها وأسي عندنا كم؟ وبمعدل كلو كم كاس؟.
] موقفنا من كاس السودان.
] موقفنا من منافسات إفريقيا.
] موقفنا في بطولات العرب.
] وهكذا حتى نستفيد من التجربة في التجربة الديمقراطية الجديدة.
] أها.
] نجي لي شمارات والي الخرتوم.
] قلت لي سنعبر يا والينا!.
سلك كهربا
ننساك كيف والكلب قال كدي اليعبر الجنيه العام ليهو زمن ولسة مامنو خبر .
وإلى لقاء
سلك

صحيفة الانتباهة