#يا_عالم
الناس ما ترجف ساكت ؛ وديتو البلد الماسورة . وقعدتو ! زول بجي عشان يتورط ليكم . ما بتلقو لو نططتو ! الحقيقة التي ينكرها الجميع أنه البلد دي تاني ما عندك قروش موية زرقاء ما بتلقى . خليك من تعليم ولا صحة .
دي الواقع المفترض الناس تؤسس عليه تعاطيها مع الحاصل . الما عاجبو كلامي رايه _ وبيكون مقدر _ لكن لو ما الناس اتقالعت في سفة دقيق وقبضة فترتية ما تدوني يدكم . شنو هياكل سلطة وصلاحيات منو ولشنو وحصة كراسي فلان وعلان . في ناس لو مرض ليها طفل بتشيل هم . وفي ناس بعد شهر ما حيقدرو يأجرو بيت .
وفي اسر ممكن تسحب شفعها من المدارس . في ناس العيشة غلبتها يا عالم . حتقول لي يرجع النظام القديم حاقول ليك Noooo . ديل يا يركزو على الاهم والما قادر وما بعرف يفوت ؛ حتقول دا من النظام السابق حاقول كضاااب . لانه طالما انه نظام بليد وفاشل ولصوصي . مفروض محل إستلمت تقدم الناس للافضل. مش تندمهم على أيامه
محمد حامد جمعة
-
-
-
-
-
-
-
-
