طلع مدير المواصلات بولاية الخرطوم الاستاذ محمد ضياء الدين في تصريحات صحفية لابس ملابس الخليفة التعايشي و قال انو مفترض الكيزان يعلقوهم في مشانق بميدان ابو جنزير .
و طبعا” دي تصريحات انا بشوفها عادية جدا من الرفاق في حزب البعث المعروف بسفك الدماء و سحل الخصوم ، لكن الحاجة الادهشتني حقيقة هي زعل و غضب الكيزان من تصريحات محمد ضياء الدين .
البزعل الكيزان شنوووو ؟؟؟
بالعكس مفروض اي كوز في السودان ده يشكر حمدوك و حكومته و قيادات و رموز الاحزاب الفاشلة دي ، والله مفروض تشكروهم صباح و مساء لانهم كانوا السبب الرئيسي في تحسين صورة الكيزان قدام الشعب السوداني ، مفروض تشكروهم لانهم جعلوا الشعب السوداني يتمنى الف مرة انو يرجع عهد الكيزان و ايام الكيزان و مواصلات الكيزان و عيش الكيزان و دولار الكيزان .
مفروض الكيزان يعملوا نصب تذكارية لامثال محمد ضياء الدين و السنهوري و الخطيب و الصادق في ميدان ابو جنزيز تخليدا لذكراهم و لما قدموه من خدمات جليلة للكيزان .
مفروض تشكروهم صباح و مساء لانو اثبتو للشعب السوداني بالدليل انو الكيزان كانوا كفاءات و الدليل هو الكفوات القدموها للشعب .
مفروض تشكروهم عشان اثبتو للشعب انو الكيزان ما كانو حرامية و الدليل عدم محاكمتهم لحدي هسه ، مفروض تشكروهم لانو حرقوا ليكم الصورة الذهنية الكانت مرسومة في اذهان الشعب عن الكيزان ، مفروض تشكروهم لانهم ساهموا بفشلهم و خيانتهم للثورة في تغيير الراي العام و تحويله من كل كوز ندوسو دوس لكل كوز نبوسو بوس ، مفروض تشكروهم لانكم لحظة سقوط النظام ابتلعتكم الارض ذي ما ابتلعت جيش صدام و ما ظهرتو الا بعد فشل و ضلال و الاحزاب دي .
مفروض تشكروهم لانو كل يومين في حزب سياسي بتحرق في نظر الشعب السوداني و معاهو العلم بتاعو .
نزار العقيلي
-
-
-
-
-
-
-
-
