ياريت حمدوك دا يعمل فينا حسنة ويرفع الدعم (بالكامل) عن القمح والوقود قبل ما يسقط

كتير من الجيل الحالي ما عارفين إنو السُكر كان سلعة مدعومة. وما عارفين انو كان بالتموين وبيحصل فيو شح شديد وبي سببو بتطلع المظاهرات بالشعار الشهير “غليت السكر تلحق جعفر” يعني جعفر نميري.

الكيزان مع الانتعاشة الاقتصادية بتاعة البترول استفادو من استقرار سعر الصرف ورفعو الدعم عن السكر بدون اي مشاكل، وخلو القمح والوقود شوكة حوت في حلقهم وحلق كل البجو بعدهم. كنت بتمنى الكيزان يرفعو الدعم قبل السقوط، لكن تقول عرفوها.. أسي ياريت حمدوك دا يعمل فينا حسنة ويرفع الدعم (بالكامل) عن القمح والوقود قبل ما يسقط.

السيسي دا مثلا ازاح عن الطبقة السياسية المصرية هم تقيل وكت حرر كل السلع. وأسي حمدوك دا ممكن يوفر عناء كتير لي “حكومة الثورة” الجاية.

Ahmed El-Sharief