وجهت المذيعة رضوى الشربيني، عبر برنامجها «هي وبس»، على شاشة سي بي سي سفرة، نصائح لكل فتاة في سن الثلاثين من عمرها أو تجاوزت الثلاثين، وعلى أعتاب الأربعين من عمرها، لتتحول بعدها للأكثر تداولًا عبر موقع التدوين القصير تويتر.
وقالت الشربيني: «أول حاجة في ستين داهية اللي يزعلك، ولازم تقولي كده، وإنتي مقتنعة بيها، تقوليها وإنتي واخدة نفس عميق، أيًا كانت الأسباب، كل حاجة بتاخد وقتها».
وأكدت على ضرورة عدم محاولة الفتيات في تلك المرحلة العمرية من تبرير مواقفها، أو تصرفاتها لأي شخص، طالما هي راضية عما قامت به، «طالما راضية ضميرك وعاملة اللي عليكي افتكري عن عمرك وطاقتك أمانة معاكي، وإهدارهم على من لا يستحق أمر لا يستهان به، في نهاية كل مطب، كل واحد بيرى بعين طبعه».
وتابعت: «الانتقام ممكن يدمر خلايا مخك، وهرمونات سعادتك، الزمن بيدور، وعدل الله نافذ لا محالة، لا تنظري للخلف ولا تقلقي من اللي جاي، أقدارك مكتوبة واللي مكتوب لا بيروح ولا يتسرق».
وتابعت: «طالما عديتي الثلاثين معدل الحرق عندك اتغير، اتحركي روحي جيم، واتمشي، اعملي أي حاجة هتفرق معاكي نفسيا، اقري رواية أو اتفرجي على فيلم، تطلعي منه معاني حلوة، الصاحب ساحب، بلاش تصاحبي الناس النمامة والشكاية اللي تحرق الدم، صاحبي وشوش جديدة تحب الحياة تقول الحمد لله دون تهويل»، وختمت نصائحها بضرورة التقرب من الله والصلاة والدوام على الاستغفار طوال الوقت.
المصري اليوم
-
-
-
-
-
-
-
-
