ردت الإعلامية ريهام سعيد، عبر صفحتها الرسمية بموقع إنستجرام، على “بوست” الفنان محمد رشاد، الذي قال فيه إن مصادرها “ضعيفة”، ومي حلمي ليست مصابة بجلطة كما تدعي.
وعلقت “ريهام”: “رد واجب لفنان صاعد، أنا في حالة صدمة من تصريحاتك، الصحافة بتتكلم لمدة 3 أيام ومقررتش ترد غير عليّ، مع إني الوحيدة اللي متكلمتش على سبب الانفصال لأنه خاص بيك”.
وتابعت: “مفيش حاجة اسمها حياة شخصية لشخصية عامة، وهي دي الضريبة وبالرغم من علمنا بالموضوع يوم الأحد، ماذعناش حرف، لحد ما الصحافة كلها اتكلمت، ومي دخلت المستشفى، ولحد ما كلمتها مكالمة وقالت هتتكلم عن الموضوع في برنامجي”.
وأضافت: “حضرتك قمت بتأليف سيناريو إن أنا قلت إنك اتخليت عنها، ممكن يكون ده إحساسك، لكن أنا مقولتش حاجة شبه كده حتى، أنا قُلت بتمنى إنكم تتصالحوا ولو محصلش يبقى خير ليكم إنتوا الاتنين”.
واستكملت: “أنا قُلت إني بتكلم عنها مش عنك، لأن البنت دائما بتتأثر بإلغاء الفرح أكتر من الراجل، أستاذ محمد رشاد الـ 5 دقايق اللي في صبايا، اللي بتمنى فيهم الشفاء لزميلة وبواسيها، مايجوش حاجة جنب الأخبار اللي على المواقع”.
واختتمت: “متاخدش ريهام سعيد كبش فدا، وركز في مرض خطيبتك وإلغاء زواجك اللي هما أهم بكتير، وللعلم مصادري من أقرب المقربين لمي، وموثقة بصور المحادثات، وأخيرا زي ما قلت في الحلقة اللي إنت ماشفتهاش، بتمنى لكم التوفيق”.
وكانت ريهام سعيد قد عرضت خلال برنامجها صورة للمذيعة مي حلمي، من داخل المستشفى، واكدت أن أقارب “مي” قالوا لها إن هناك اشتباها في حدوث جلطة، بعد إلغاء حفل زفافها.
مصراوي
-
-
-
-
-
-
-
-
