سخرت البرلمانية والقيادية بالمؤتمر الشعبي نوال خضر من السياسيين المراهنين على حدوث ثورة شعبية تؤدي الى إسقاط النظام وقالت لـ(الجريدة) في حوار ينشر بالداخل: أي سياسي منتظر الشعب السوداني يثور عشان يغير النظام (عشان حضرتو يجي يمسك الحكومة لا ما في والمنتظر الشعب يسقط ليهو الحكومة يفتش ليهو شغلة تانية)، وقللت من رهان الإسلاميين على مقدرتهم على إسقاط الحكومات وقالت: (الشعب السوداني موجود والبلدي دي ما حقت زول لا إسلاميين ولا غيرهم والله يؤتي الملك من يشاء وينزع الملك ممن يشاء ليس هناك شخص يستطيع أن يراهن على ذلك). وأعلنت رفضها لقيام انتخابات في ظل تردي الأوضاع الاقتصادية بالبلاد وتدني الخدمات، وأرجعت اعتراضها على الانتخابات، للأزمة الاقتصادية وتردي الخدمات وتساءلت: (عايزين تعملوا انتخابات بي قروش منو؟.. بلد ما فيها موية وكهربا وما فيها ومواصلات وجاز ما فيها ومشروعات الزراعية منتهية والناس يضاربوا في البترول وعايزين تعملوا انتخابات لي شنو والمنافسة على شنو وتابعت: أم إن الشخص الذي سيأتي سيرفع قيمة الجنيه أم سيوقف المضاربات في الدولار وما هو البرنامج الذي سيأتي به وهل سيأتي الينا بليلة القدر)
وقللت البرلمانية والقيادية بالشعبي من الانتقادات الموجهة للبرلمان وقالت: (البرلمان ليس لديه عصا موسى حتى يحل المشاكل والبرلمان حلقة من حلقات نظام دولة متكاملة الدولة وتعمل بتنسيق مع بعضها لأنها دولة مؤسسات وتابعت: نحن لسنا دولة مؤسسات لذلك البرلمان مهما عمل لن يؤدي دوراً كافياً، ولن يكون فعالاً لأنه ليس لدينا نظام مؤسسي لإدارة الدولة، حتى يعمل البرلمان من خلاله.
الخرطوم: سعاد الخضر
صحيفة الجريدة
-
-
-
-
-
-
-
-
