يا ربنا ..

مولانا يا بر يا ودود
أرحمنا واغفر لينا جود
قيِّض لنا
من يقيل العثرة يبنيها السدود
يعيد الفشقة يرسُم للحدود
حلايب المنهوبة قسراً مننا
لابُد تعود
أبيي تعود
ترجع شلاتين للوطن لى حُضننا
وتعُود بلادي تضُمنا
فيها السلام باكر يسود
تنتج الخير الوفير
يجوها الناس يعود الطير
يغرِد فيها أحلى غُنا
يا ربنا ..ألطُف بنا
مولانا فرِّج كربنا
حِل القُيود
الحال صعيب
الواقع الأن جد كئيب
أزمة رغيف أزمة نقود
أزمة علاج أزمة وقود
أزمة ضمير
حاشا ما نلوم الوطن
ولا زمانا كمان نعيب
بس السياسات الخطأ
والفساد العمّنا
أقعد بلادنا وشلّنا
إلهنا يا خالق الوجود
نرفع إليكَ أكُفنا
مولانا أرحم ضعفنا
فرِّج كُروبنا وحِلّنا
حِل الوطن
يااااا ربنا

بلا أقنعة – زاهر بخيت الفكي
صحيفة الجريدة