تحدثت الفنانة السودانية ندى القلعة عن أسرار وكواليس رحلتها لمصر والتي أحيت من خلالها حفل ساهر بمدينة أسوان وذلك تحت رعاية أكاديمية ايفرجرين وبتشريف نائب بولاق عمرو ابو اليزيد وفي إطارة الحملة الإنتخابية لسباق الرئاسة في مصر ودعما للرئيس عبد الفتاح السيسي.
وقالت القلعة وفقاً لما قرأ محرر موقع النيلين من صحيفة المجهر السياسي السودانية: لم اتنكر لبلدي ولبست ثوبي السوداني وغنيت اغنيتي الجديدة اللي بتتكلم عن حضارتنا اسمها (ارض النوبة) كلمات والحان سحر ميسرة..وغنيت اغنية (كوشية) في نص بلدهم..وماخفت وماطاطيت..مع انو الرجال ممكن يرجفوا…واكتر من كده تقييم لوطني لا اغرتني شهرة لاجمهور.
وتابعت القلعة حديثها وفقاً لما قرأ محرر موقع النيلين: من دخلت لقيت احترام حتى الان واشركة ايفرجرين..وتقييم لي ولبلدي واتالاستقبال والجمهور والاحترام لي وماحاسة باي نوع من المشاكل ..دي الامانة لله…وانا لا بجامل ولابكذب..ولا فيه زول جرحني بكلمة ومافي زولا تعامل بعدم احترام ولحدي ماوصلولني الفندق..والحق يقال.
وعن الهجوم الذي تعرضت له بسبب غنائها في القاهرة قالت ندى: يهاجموا فيني بدون سبب..وهذه المرأة جات واتكلمت عن حضارتها في قلب القاهرة واعتزت بانها سودانية..ولبست توبي السوداني والدور عليكم انتو..انا ما مشيت بالدس..انا مشيت بخطاب رسمي من اتحاد الفنانين ومشيت بكل احترام وبدعوة رسمية ودخلت بكل احترام…وانا ماشغالة بزول..وموتوا بغيظكم..واي دولة بسافر ليها واي مكان بسافر ليهو واغني فيهو.
محمد عثمان _ الخرطوم
النيلين
-
-
-
-
-
-
-
-
