قال الرئيس عبدالفتاح السيسي إن مشروع العاصمة الإدارية الجديدة وغيره من المشروعات سيتوقف أمامها التاريخ، وأضاف: «بنعمل أمر التاريخ هيتوقف قدامه كتير وهيشوف إننا بفضل الله سبحانه وتعالى بنعمل استدامة النمو ليتناسب مع حجم نمو مصر».وأضاف «السيسي»، خلال حفل تدشين مشروعات بالعاصمة الإدارية الجديدة: «محدش يتصدى للمسائل كده وخلاص، الحد اللي عايز يتكلم على مصر وموازنتها لازم يبقى متصل ويبقى على علم ودراية حقيقية».
وتابع: «سعيد بأي انتقاد من شخص مُدرك وفاهم وعارف، واللي ينصحني يبقى فاهم وعارف ارتباط الموضوع اللي بيتكلم فيه بالموضوعات الأخرى»، وذلك لأننا «نقيم دولة ذات شأن».
وتحدث الرئيس السيسي عن العاصمة الإدارية، وقال إن الحكومة تخلق جيلا جديدا من المدن بيتحقق فيه كل المطالب، مضيفا: «المساحات الخضراء في العاصمة الجديدة للاستفادة من مياه الصرف وعدم هدرها».
وعن الانتقادات التي وُجهت للعاصمة الإدارية فور الإعلان عن تأسيسها، قال الرئيس: «الأولويات كل حاجة عندنا أولويات اللي عايز يعرف معندناش حاجة نأجلها، البلد بتنبض بالحياة ولازم أولوياتنا تنبض بالحياة».
وأوضح: «معدلاتنا رغم كل المؤشرات اللي بتقول اننا متحركين بمعدل عالي جدا، بقولكم لا لسة بدري أوي إننا نقول حققنا، اللي إحنا فيه أول خطوة لبناء دولة حديثة تحترم نفسها وتُحترم من الدنيا كلها، احترام الناس ليك لا يتحقق بالعافية ولكن يتحقق بالتخطيط».
وأكد: «عايز أقولكم هو إحنا مش من حقنا نحلم ولا إيه؟، هو عيب علينا يبقى عندنا 13 مدينة كده ولا إيه، خسارة فينا ولا إيه؟!».
المصري اليوم
-
-
-
-
-
-
-
-
