الحكيم: يا جماعة حبنا ليكم هو البخلينا نقول التوحيد بس، الشرك لا، الشيطان عاوز يفتن ويفرق بينا

اسالكم بالذي خلقكم ان تقراوا هذا المنشور و تنشروه
سمانية ختمية قادرية دندراوية برهانية دسوقية مكاشفية كسنزانية إسماعيلية كل مسلم اخونا وليه حق علينا.
والله الذي لا اله الا هو خايفين عليكم عشان ربنا قال أن الشرك لظلم عظيم
وقال إن الله لا يغفر أن يشرك به
يعني ببساطة الدعاء عبادة و حقت ربنا بس
ما معقولة تقوم ببساطة تدعو ليك بشر زيك ينوم و يمرض و يموت في حادث حركة و عمليات تفشل في المستشفى و يقطعوا ليو كراعو ويجيو فشل كلوي ويعدمو يقطعوا راسو !

وانت بي كل بساطة تقول ليو السادة الليكم عبدا نادى ?
يا زول انت وهو ونحن عبيد الله بس
الله براهو القال ادعوني استجب لكم
ده ما وزير التربية ولا بها الرضا
وقال لينا (و الذين تدعون من دونه ما يملكون من قطمير )
يعني الولي الانت بتناديو ده هو زاتو ما يملك لي نفسه حاجة
انت تنادي و تندهو انجدني و افزعني ?

يا ناس القصة ما سلفية
ولا وهابية ولا صوفية ;
القصة انه ربنا رسل الرسل و قال للمشركين ( إِنَّ الَّذِينَ تَدْعُونَ مِن دُونِ اللَّهِ عِبَادٌ أَمْثَالُكُمْ ۖ فَادْعُوهُمْ فَلْيَسْتَجِيبُوا لَكُمْ إِن كُنتُمْ صَادِقِينَ )

طيب سيدك فلان مش عباد امثالكم ولا حاجة تانية ?

طيب ( ومن اضل ممن يدعوا من دون الله من لا يستجيب له إلى يوم القيامة وهم عن دعائهم غافلون )
من دون الله دي يعني منو ?
يعني الأنبياء و الملائكة و الأولياء كلهم من دون الله ولا عندك راي ?
يا جماعة حبنا ليكم هو البخلينا نقول التوحيد بس
الشرك لا
والشيطان عاوز يفتن و يفرق بينا
عليكم الله الخلقكم ;
ما تدعوا غير الله
قولوا يا الله بس
ولا دي صعبة ?
يا ناس احكموا بينا
ديل احبابنا وزي ما خايفين على نفسنا خايفين عليهم.

د. محمد هاشم الحكيم