عرض قرد للبيع لديه تصريح سفر لخارج السودان يثير موجة تعليقات ساخرة وهزلية
قام المواطن “علاءالدين السوداني” بعرض قرد للبيع على أحد الاسواق الإفتراضية على صفحات التواصل التجارية السودانية على فيسبوك ووضع العرض مرفق بصورة القرد.
وقال “علاءالدين السوداني” بحسب ما قرأ محرر موقع النيلين (القرد لديه تصريح من سلطات حرس الصيد في السودان وحاصل على تطعيم لمدة سنة بغرض السفر)، وأضاف علاء “البيع لأعلى سعر عمر القرد سبعة أشهر، وديع جداً”.
انهالت التعليقات من رواد السوق ما بين السخرية والهزل والمزاح على عرض القرد للبيع وهذه نماذج من التعليقات بحسب رصد محرر موقع النيلين.
Khlody Khaled Khlody
ومالو القرد بطنه طامة هههههههه
فيرد عليه صاحب القرد “علاءالدين السوداني”
عشان مفارقني والكهرباء مقطوعة
محمد حسن
خريج شنو ؟
فيرد عليه صاحب القرد “علاءالدين السوداني”
قرأ في جامعه الخرطوم بس ما اتخرج لدواعي سياسية
محمد عبد المنعم
القرد دا شيوعي
ابوطالب الفحل
مالو زعلان كدا
Hatunum Bulut
والله يحنن
مجاهد حمدالنيل
ومالو حزين كدا !؟
Muzamil Ibrahim Musa
القرد ده مشوكش ولا شنو
Møhămmëď Hâmžä
زهجان من حال السودان والكهرباء القاطعة دي
Ahmed Babekr
من قعدتودي شكلو زهج من السودان عايز يتخارج .. وديه المطار ينوبك ثواب وأجر كتير
الأسمر السودانى
لكن قرد عجيب متمحن في الناس الصابرة دي
Ali Ahmed
حكومة الإنقاذ دى حتى القرود خلتهم محتارين
Akram Elnour Moh
دا قرد معارض ولا شنو مالو مستاء كده
وتداخل علاء الدين بالرد على أغلب التعليقات وحسم النقاش بأن القرد قد تم بيعه لشخص بمبلغ 110 دولار (نحو 1500 جنيه سوداني).
الخرطوم/معتصم السر/النيلين
القرد ده باين عليهو مهموم ومحتار في قطوعات الكهرباء عشان كده قراره بالهجرة قرار نهائي