* ﺑﺎﻱ ﻫﻮﻙ ﺍﻭ ﻛﺮﻭﻙ ﻧﺤﻤﺪ ﺍﻟﻠﻪ ﺍﺗﺄﻫﻠﻨﺎ
* ﺍﻟﻤﺒﺎﺭﺍﻩ ﻟﻢ ﺗﻜﻦ ﺑﺎﻟﻤﺴﺘﻮﻱ ﺍﻟﻤﺘﻮﻗﻊ
* ﺍﻟﺸﻔﻮﺕ ﻗﺼﺮﻭﺍ ﻓﻲ ﺍﻟﺠﻴﻪ
* ﻭﺩﻱ ﺍﻟﺤﺘﻪ ﺍﻟﻌﺎﺭﻓﻨﻬﺎ ﺑﺘﺤﺼﻞ ﻓﻲ ﺣﺎﻝ ﺍﻟﺘﻠﻔﺰﻩ
* ﺗﺤﻴﻪ ﻟﻤﻦ ﺗﻜﺒﺪ ﺍﻟﻤﺸﺎﻕ ﻣﻦ ﺍﻟﻌﺸﺎﻕ
* ﻭﺳﻤﺎﺡ ﺍﻟﻤﺮﺓ ﺩﻱ ﻟﻠﻨﺎﺱ ﺍﻟﻤﺎﺣﻀﺮﻭﺍ
* ﻣﻊ ﺍﻟﻌﻠﻢ ﺑﺎﻥ ﺩﺧﻞ ﺍﻟﻤﺒﺎﺭﻳﺎﺕ ﺍﻻﻓﺮﻳﻘﻴﻪ ﻫﻮ ﺍﻟﺪﺍﻋﻢ ﺍﻻﻛﺒﺮ ﻟﻠﻤﺸﻮﺍﺭ
* ﺧﺎﺻﺔ ﻭﺩﺧﻞ ﺍﻟﻤﺒﺎﺭﻳﺎﺕ ﺍﻟﻤﺤﻠﻴﻪ ﻣﺤﺠﻮﺯ ﻣﻦ ﻣﻮﺳﻤﺎ ﺑﺪﺭﻱ ﻭﻟﻲ ﻣﻮﺍﺳﻢ ﻭﻣﻮﺍﺳﻢ ﻗﺎﺩﻣﺎﺕ
* ﻓﻨﻴﺎ ﺍﻟﻤﺒﺎﺭﺍﻩ ﻓﻮﻕ ﺍﻟﻮﺳﻂ
* ﻭﻟﻮﻻ ﺍﺳﺘﻬﺘﺎﺭ ﺧﻂ ﺍﻟﻬﺠﻮﻡ ﻟﺤﺴﻤﻨﺎﻫﺎ ﻣﻦ ﺍﻟﺸﻮﻁ ﺍﻻﻭﻝ
* ﻭﻟﻜﻦ ﺍﻟﻤﻜﺴﺐ ﻋﻮﺩﺓ ﺍﻻﺳﺪ ﻋﻠﻲ ﺟﻌﻔﺮ ﻟﻠﺘﺄﻟﻖ
* ﻭﺍﻻﺟﻤﻞ ﻭﻗﻔﺔ ﺍﻟﺠﻤﺎﻫﻴﺮ ﺍﻟﺘﺸﺠﻴﻌﻴﻪ ﻟﻪ
* ﻭﺍﻻﺣﻠﻲ ﻣﻦ ﺫﻟﻚ ﺗﺄﻟﻖ ﺍﻟﺸﺒﻞ ﺑﺨﻴﺖ ﺧﻤﻴﺲ
* ﻭﺛﺒﺎﺗﻪ ﻭﺍﺛﺒﺎﺕ ﺫﺍﺗﻪ
* ﺍﻟﻮﻟﺪ ﺷﺮﺱ ﻭﻗﻮﻱ ﻭﺭﺟﻠﻮ ﻭﺍﺻﻠﻪ ﻣﺎﺷﺎﺀ ﺍﻟﻠﻪ
* ﺑﺪﻭﺭﻫﺎ ﻣﻦ ﺍﻱ ﺣﺘﻪ
* ﺍﻟﻤﻌﻠﻢ ﻛﺎﻥ ﻣﻌﻠﻢ ﻛﻌﺎﺩﺗﻪ
* ﺭﺍﺟﻲ ﻭﻋﺒﺪﻭ ﻗﺎﻣﺎ ﺑﺎﻻﺩﻭﺍﺭ ﺍﻟﺪﻓﺎﻋﻴﻪ ﻭﺍﻟﻀﻐﻂ ﻋﻠﻲ ﺍﻟﺨﺼﻢ
* ﻭﻓﺸﻼ ﻓﻲ ﺻﻨﺎﻋﺔ ﺍﻟﻠﻌﺐ
* ﻻﻥ ﺭﺍﺟﻲ ﺑﺤﺐ ﻳﻠﻮﻙ ﺍﻟﻜﻮﺭﻩ ﺍﻭﻝ
* ﻭﻋﺒﺪﻭ ﺑﺘﻠﻔﺖ ﻋﻠﻲ ﺍﻟﻤﺪﺍﻓﻊ ﻗﺒﻞ ﻳﺘﻠﻔﺖ ﻋﻠﻲ ﺍﻟﻜﻮﺭﻩ
* ﺑﻜﺮﻱ ﻛﻨﺖ ﺍﺗﻮﻗﻊ ﻣﻨﻪ ﻣﺴﺘﻮﻱ ﺍﻓﻀﻞ ﻣﻦ ﺍﻟﺬﻱ ﻗﺪﻣﻪ
* ﻭﻟﻜﻦ ﻳﻤﻜﻦ ﺗﻜﻮﻥ ﺳﻠﺒﻴﺔ ﺗﺮﺍﻭﺭﻱ ﻗﺪ ﺣﺠﻤﺖ ﺑﻜﺮﻱ
* ﻣﺎﻳﻬﻤﻨﺎ ﺍﻧﻨﺎ ﺗﺄﻫﻠﻨﺎ
* ﻟﻜﻦ ﺍﻟﻔﺮﻳﻖ ﺩﺍﻳﺮ ﺷﻐﻞ ﻟﺴﻪ
* ﺍﻟﺤﺴﻦ ﺯﻱ ﺑﺎﻳﻆ ﺍﻟﻜﻮﺗﺸﻴﻨﻪ
* ﺑﻘﻊ ﺑﺮﺍﻫﻮ
* ﻭﺍﻇﻦ ﺍﻥ ﺍﻟﺠﻬﺎﺯ ﺍﻟﻔﻨﻲ ﻗﺪ ﺗﺄﺧﺮ ﻓﻲ ﺍﻟﺘﺒﺪﻳﻞ ﻛﺜﻴﺮﺍ
* ﻛﻞ ﺫﻟﻚ ﻗﺪ ﻳﻜﻮﻥ ﺳﺒﺒﻪ ﺍﻟﻨﺼﺮ ﺧﺎﺭﺝ ﺍﻻﺭﺽ ﻭﺿﻤﺎﻥ ﺍﻟﺘﺄﻫﻞ
* ﺣﻘﻮ ﺍﻟﻨﺎﺱ ﺗﺘﺤﺎﺳﺐ ﺑﺎﻟﻜﻮﺭﻩ
* ﻋﺸﺎﻥ ﺗﺒﺪﻉ ﻓﻲ ﺟﻤﻴﻊ ﺍﻟﻤﺒﺎﺭﻳﺎﺕ
* ﺍﻳﻬﺎ ﺍﻟﻨﺎﺱ
* ﻋﺎﺩﺓ ﺛﻘﻴﻠﺔ ﺗﻼﺯﻣﻨﺎ ﻓﻲ ﺍﻟﻤﺒﺎﺭﻳﺎﺕ ﺍﻟﻔﻲ ﺍﺳﺘﺎﺩﻧﺎ ﺑﺎﻟﺬﺍﺕ ﺍﻻﻓﺮﻳﻘﻴﻪ
* ﺑﻌﺪ ﺍﻟﻤﺒﺎﺭﺍﺓ ﻳﻨﺰﻝ ﺑﻌﺾ ﺍﻟﺠﻤﻬﻮﺭ ﻻﺭﺽ ﺍﻟﻤﻠﻌﺐ
* ﻭﻫﺎﻙ ﻳﺎ ﺷﻌﺒﻴﻂ ﻋﻠﻲ ﺍﻟﻌﺮﺍﺿﺎﺕ ﻭﻃﻮﻃﻴﺢ ﻓﻲ ﺍﻟﺸﺒﺎﻙ
* ﺍﻟﺤﻜﺎﻳﺔ ﺩﻱ ﻣﻨﻈﺮﻫﺎ ﻗﺒﻴﺢ ﺟﺪﺍ
* ﻭﺑﺘﺘﻠﻒ ﺍﻟﺤﺎﺟﺎﺕ ﺩﻱ
* ﻭﺍﻟﻨﺎﺱ ﺑﺪﻝ ﺗﺘﻔﺎﻋﻞ ﻣﻊ ﻣﺸﺮﻭﻉ ﺍﻟﺪﻋﻢ ﺗﺘﻄﻮﻃﺢ ﻓﻲ ﺍﻟﻌﺮﺍﺿﺎﺕ ﻭﺗﺨﺴﺮ ﺍﻟﻨﺎﺩﻱ ﺍﻣﻮﺍﻝ ﺻﻴﺎﻧﻪ ﻭﺗﺒﺪﻳﻞ ﻫﻮ ﻓﻲ ﻏﻨﻲ ﻋﻨﻬﺎ
* ﺣﻘﻮ ﻳﺎﺩﺣﻴﻪ ﺗﺸﻮﻑ ﻃﺮﻳﻘﻪ ﺗﻤﻨﻊ ﺩﺧﻮﻝ ﺍﻟﻨﺎﺱ ﻻﺭﺽ ﺍﻟﻤﻠﻌﺐ ﺣﻔﺎﻇﺎ ﻋﻠﻲ ﻣﻤﺘﻠﻜﺎﺕ ﺍﻟﻨﺎﺩﻱ
* ﺍﻟﻤﻬﻢ
* ﻭﻗﻔﺔ ﺍﺣﺘﺠﺎﺟﻴﻪ ﻣﻦ ﺍﻻﻭﻟﺘﺮﺍﺳﺎﺕ
* ﻭﺣﺪﻳﻦ ﻣﻨﻬﻢ ﻣﺎﻣﻘﺘﻨﻌﻴﻦ ﺑﺎﻧﻮ ﻗﺮﺍﺭ ﻣﻨﻊ ﺍﻟﺸﻤﺎﺭﻳﺦ ﺻﺎﺩﺭ ﻣﻦ ﺍﻟﻜﺎﻑ
* ﻭﻭﺍﺣﺪﻳﻦ ﻗﺎﻟﻮﺍ ﺍﻟﻘﺮﺍﺭ ﺻﺪﺭ ﻟﻜﻦ ﺣﺪﺩ ﺍﻧﻮ ﺍﻟﺸﻤﺎﺭﻳﺦ ﻣﺎﺗﻘﻊ ﺟﻮﻩ ﺍﻟﻤﻠﻌﺐ
* ﺍﻧﺎ ﺷﺎﻳﻒ ﺣﻘﻮ ﺭﺋﻴﺲ ﺍﻟﺘﺤﺮﻳﺮ ﻳﻨﺸﺮ ﻗﺮﺍﺭ ﺍﻟﻜﺎﻑ ﻋﻠﻲ ﺍﻟﺼﺤﻴﻔﻪ ﻋﺸﺎﻥ ﺍﻟﻨﺎﺱ ﺗﻌﺮﻑ ﺍﻟﺤﺎﺻﻞ ﺑﺎﻟﻀﺒﻂ
* ﺍﻳﻬﺎ ﺍﻟﻨﺎﺱ
* ﺍﻻﻭﻟﺘﺮﺍﺳﺎﺕ ﺍﺩﺧﻠﺖ ﺛﻘﺎﻓﺔ ﺗﺸﺠﻴﻌﻴﻪ ﺟﺪﻳﺪﻩ ﺍﻓﺎﺩﺕ ﺍﻟﻨﺎﺩﻱ ﻛﺜﻴﺮﺍ ﻭﻏﻴﺮﺕ ﻣﻦ ﺳﻠﺒﻴﺎﺕ ﺍﻟﺘﺸﺠﻴﻊ ﺍﻟﻘﺪﻳﻤﻪ
* ﻭﻧﺎﺱ ﺑﺎﻟﻔﻬﻢ ﺩﻩ ﺍﻗﻨﺎﻋﻬﻢ ﻭﺍﻗﺘﻨﺎﻋﻬﻢ ﺑﺎﻟﻤﺴﺘﻨﺪﺍﺕ ﺳﺎﻫﻞ
* ﺍﺭﺟﻮﺍ ﺍﻥ ﺗﻈﻬﺮ ﺍﻟﺤﻘﻴﻘﻪ ﻟﻴﺒﺮﺩ ﺣﺸﺎ ﺍﻭﻻﺩﻧﺎ ﻓﻲ ﺍﻻﻭﻟﺘﺮﺍﺳﺎﺕ ﻻﻥ ﺍﻟﻜﻴﺎﻥ ﻳﺤﺘﺎﺟﻬﻢ
* ﺍﻳﻬﺎ ﺍﻟﻨﺎﺱ
* ﺳﻤﺤﻴﻦ ﻛﻌﺒﻴﻦ ﺍﺗﺄﻫﻠﻨﺎ
* ﺍﻟﺒﻠﻨﺖ ﺑﻠﻨﺖ ﻣﺎ ﺑﻠﻨﺖ ﺍﺗﺄﻫﻠﻨﺎ
* ﻭﺣﺘﻲ ﻟﻮ ﺿﺎﻋﺖ ﻣﺘﺄﻫﻠﻴﻦ
* ﺍﻧﺒﺴﻂ ﺍﻟﻮﻃﻦ
* ﻭﺯﻱ ﻣﺎﻓﺮﺣﻨﺎ ﺍﻣﺲ ﺍﻥ ﺷﺎﺀ ﺍﻟﻠﻪ ﻧﻔﺮﺡ ﺍﻟﻴﻮﻡ
* ﻗﻮﻝ ﺁﻣﻴﻴﻴﻴﻦ ﻳﺎﺭﻭﺷﺎ
* ﺍﻳﻬﺎ ﺍﻟﻨﺎﺱ
* ﺩﺍﻳﺮﻳﻦ ﻧﺴﺎﻧﺪ ﺍﺑﻮ ﺍﻟﻬﻞ ﻟﻜﻦ ﻣﺎﻋﺎﺭﻓﻴﻦ ﺍﻟﻜﻮﺭﻩ ﻣﺘﻴﻦ
* ﻧﺎﺱ ﻳﻘﻮﻟﻮﺍ ﺍﻟﻌﺼﺮ ﻭﻧﺎﺱ ﻳﻘﻮﻟﻮﺍ ﺑﺎﻟﻠﻴﻞ
* ﻛﻮﺭﺓ ﺍﻟﻬﻼﻝ ﺯﻱ ﻗﻴﺎﻡ ﺳﻮﺩﺍﻧﻴﺮ
* ﺑﺘﻘﻮﻡ ﺑﺘﻘﻮﻡ ﻟﻜﻦ ﻣﺘﻴﻦ ﻣﺎﻓﻲ ﺯﻭﻝ ﻋﺎﺭﻑ
* ﻛﻮﺭﺓ ﺍﻟﻬﻼﻝ ﺯﻱ ﺍﻟﻘﺒﺾ
* ﺑﺘﺠﻴﻚ ﺑﺘﺠﻴﻚ ﻣﺘﻴﻦ ﺍﻟﻠﻪ ﺍﻋﻠﻢ
* ﻭﻓﻲ ﻧﺎﺱ ﻗﺎﻟﻮﺍ ﺍﻟﺸﻮﻁ ﺍﻻﻭﻝ ﺍﻟﻌﺼﺮ ﻭﻳﺼﻠﻮﺍ ﺍﻟﻤﻐﺮﺏ ﺍﻟﺸﻮﻁ ﺍﻟﺘﺎﻧﻲ ﺍﻟﻌﺸﺎ
* ﺑﻲ ﻛﺸﺎﻓﺘﻴﻦ
* ﺍﻻﺭﺑﻌﻪ ﻣﺎﻣﻀﻤﻮﻧﺎﺕ
* ﻗﻠﻨﺎ ﻟﻴﻜﻢ ﻳﺎﺭﻭﺷﺎ ﺍﻟﺼﻴﻨﻲ ﺩﻩ ﻣﺎﺑﻨﻔﻊ
* ﻭﻟﻤﺎ ﻓﺮﺣﺘﻮﺍ ﺑﺎﻟﻨﻮﺭ ﺍﻟﺪﺧﻞ ﺍﻟﻤﺴﺢ ﺍﻻﺟﺘﻤﺎﻋﻲ
* ﻗﻠﻨﺎ ﻟﻴﻜﻢ ﺍﻟﺼﻴﻨﻲ ﺩﻩ ﻣﺎ ﺑﻨﺴﺘﺮ
* ﺍﻟﺼﻴﻨﻲ ﺩﻩ ﺭﺗﻴﻨﻪ ﺳﺎﺍﺍﺍﻱ
* ﺍﻫﺎ ﺍﻟﺮﺗﻴﻨﻪ ﺑﻘﺖ
* ﻛﺸﺎﻓﺎﺕ ﻣﺎﺑﺘﺎﻋﺔ ﺍﺳﺘﺎﺩﺍﺕ
* ﺩﻳﻞ ﺑﺘﺎﻋﺎﺕ ﻣﻮﺍﻗﻒ ﺳﻴﺎﺭﺍﺕ
* ﺯﻱ ﺑﺘﺎﻋﺖ ﻣﺪﻳﻨﺔ ﺍﻟﺤﺠﺎﺝ ﻓﻲ ﺟﺪﻩ
* ﺣﻘﺎﺕ ﻣﻮﺍﻗﻒ
* ﺑﺘﺸﺘﺮﻭﺍ ﺳﺎﻱ ﻳﺎﺭﻭﺳﺎ ?
* ﻛﺎﻥ ﺗﺸﺎﻭﺭﻭﺍ
* ﻛﺎﻥ ﺗﺴﺄﻟﻮﺍ ﺟﻴﻤﻲ ﺟﺎﺑﻬﻢ ﻣﻦ ﻭﻳﻦ
* ﺭﻛﺒﻮﻛﻢ ﻣﺎﺳﻮﺭﻩ ﻳﺎﻓﻄﻮﻣﻪ ﻓﻲ،ﺍﻟﻜﺸﺎﻓﺎﺕ ﺩﻱ
* ﻟﻜﻦ ﻣﺎﻓﺮﻗﺖ
* ﻗﺒﻠﻮﻫﺎ ﻛﻠﻬﺎ ﺷﺮﻕ ﺧﻠﻮﻫﺎ ﺗﺸﺘﻐﻞ ﻓﻲ ﻣﻮﻗﻒ ﺍﻣﺒﺪﻩ ﺍﻟﺠﻤﺒﻜﻢ
ﺩﻩ ﺑﺘﻨﻔﻊ
* ﺍﻟﻤﻬﻢ ﺍﻟﻜﻮﺭﺓ ﻋﺼﺮ ﺍﻭ ﻟﻴﻞ
* ﺍﺑﻴﻜﻮ ﺩﻩ ﻣﺎﻳﺠﻲ ﺟﻤﺐ ﺧﻂ ﻃﻤﻨﻄﺎﺷﺮ
* ﺍﻟﺰﻭﻝ ﺩﻩ ﺑﻬﺪﻑ ﺑﻬﺪﻑ
* ﺍﻋﻤﻠﻮﺍ ﻟﻴﻬﻮ ﺻﺮﻳﻒ ﺑﺮﻩ ﺍﻟﺨﻂ ﻗﻮﻟﻮﺍ ﻟﻴﻬﻮ ﺣﺪﻙ ﻫﻨﺎ
* ﺑﺲ ﺍﻟﺨﻮﻑ ﺗﻐﻨﻮﺍ ﻟﻴﻬﻮ
* ﺍﻧﺪﺭﻳﻪ
* ﻳﺎ ﺍﻟﺰﺍﺭﻋﻨﻚ ﻓﻲ ﺍﻟﺼﺮﻳﻒ ﺍﻧﺪﺭﻳﻪ
* ﻭﻫﻮ ﻳﻘﻮﻝ ﻟﻴﻜﻢ ﻣﻦ ﺳﺎﻗﻨﻲ ﺑﻼ ﺧﺮﻳﻒ ﺍﻧﺪﺭﻳﻪ
* ﺍﻧﺘﻮﺍ ﺗﻘﻮﻟﻮﺍ ﻟﻮ ﻣﺎ ﺍﻟﺼﺒﺮ ﺗﻜﻠﻴﻒ ﺍﻧﺪﺭﻳﻪ
* ﻫﻮ ﻳﻘﻮﻝ ﻟﻴﻜﻢ ﻣﻦ ﻗﻮﻧﻜﻢ ﻣﺎﺑﻘﻴﻒ ﺍﻧﺪﺭﻳﻪ
* ﻏﺎﻳﺘﻮ ﺩﺭﻭﻥ ﺣﻤﺎﺩﻩ ﺍﻣﺲ ﻃﺮﺷﻖ ﺑﻲ ﺑﻮﻧﻂ
* ﻧﺸﻮﻑ ﺩﺭﻭﻥ ﺣﻤﺎﺩﻩ ﺑﺘﺎﻉ ﺍﻟﻠﻴﻠﻪ
* ﻻﻧﻮ ﻗﺎﻝ ﺍﻟﺘﻮﻟﺘﻴﻦ ﺩﻟﻮﻥ
* ﺍﻟﻤﻬﻢ ﺍﻧﺘﺼﺮﻧﺎ ﺑﻔﻀﻞ ﻣﻦ ﺍﻟﻠﻪ
* ﻭﻋﺸﻤﻨﺎ ﻓﻲ ﺍﻟﻠﻪ ﻛﺒﻴﺮ
* ﻭﻧﺎﺱ ﺭﻭﺷﺎ ﻟﻮ ﻗﺪﺭ ﻟﻬﻢ ﻳﻄﻴﺮﻭﺍ ﺍﻟﻠﻴﻠﻪ
* ﻣﺎﻣﺸﻜﻠﻪ ﺳﻨﻘﺎﺗﻞ ﻣﻦ ﺍﺟﻞ ﺍﻟﻮﻃﻦ ﺑﺮﺍﻧﺎ
* ﻭﻧﻐﻨﻲ ﺑﺮﺍﻧﺎ ﺑﺮﺍﻧﺎ ﻧﺸﻴﻞ ﺍﻟﺸﻴﻠﻪ
* ﻭﻧﺎﺱ ﺭﻭﺷﺎ ﻳﺘﻔﺮﻏﻮﺍ ﻟﻤﻮﺿﻮﻉ ﺍﻟﺠﻮﻫﺮﺓ ﻭﺣﺘﺖ ﺍﻟﺮﺗﻴﻨﻪ
* ﺍﻟﺴﻨﻪ ﺍﻟﺒﻌﺪﻫﺎ ﻳﺸﺎﺭﻛﻮﺍ ﻣﻦ ﺟﺪﻳﺪ ﻛﻌﺎﺩﺗﻬﻢ
* ﺍﺻﻠﻬﻢ ﻣﺎﺑﻤﻠﻮﺍ ﺍﻟﻤﺸﺎﺭﻛﻪ
* ﺍﻟﻤﺸﺎﺭﻛﻪ ﻣﻠﺤﻮﻗﻪ ﻳﺎﺭﻭﺷﺎ
* ﺍﻟﺤﻘﻮﺍ ﺍﻟﺠﻮﻫﺮﻩ
* ﺍﻳﻬﺎ ﺍﻟﻨﺎﺱ
* ﻛﺮﺩﻧﻪ ﺍﺭﺍﺩ ﺍﻟﺘﺄﺻﻴﻞ ﻋﻨﺪﻣﺎ ﺍﺣﻀﺮ ﺍﻟﺮﺗﺎﻳﻦ ﺩﻱ
* ﻻﻧﻮ ﻋﻨﺪﻧﺎ ﺟﻴﻞ ﻣﺎﺑﻌﺮﻑ ﺍﻟﺮﺗﻴﻨﻪ
* ﻛﺮﺩﻧﻪ ﻛﺘﺮ ﺧﻴﺮﻫﻢ ﻭﺭﺍﻫﻢ ﺍﻟﺮﺗﻴﻨﻪ
* ﻟﻜﻦ ﺭﻭﺷﺎ ﻣﺎﻭﺭﺍﻧﺎ ﺍﻟﻄﻔﺎ ﺍﻟﺮﺗﻴﻨﻪ ﻣﻨﻮ
* ﺍﻳﻬﺎ ﺍﻟﻨﺎﺱ
* ﺍﻥ ﺗﻨﺼﺮﻭﺍ ﺍﻟﻠﻪ ﻳﻨﺼﺮﻛﻢ
* ﻛﺸﺎﻓﺎﺕ ﺯﻱ ﺍﻟﺴﺒﺤﻪ ﺍﻟﻤﻀﻴﺌﻪ ﻳﺎﺥ
* ﻭﻣﺤﻤﺪ ﻋﺒﺪ ﺍﻟﻤﺎﺟﺪ ﻣﺤﺘﺠﺐ ﻟﻴﻬﻮ ﺍﺳﺒﻮﻉ
* ﺯﻣﺎﻥ ﺑﻌﻤﻠﻬﺎ ﺑﻌﺪ ﻳﻄﻴﺮﻭﺍ
* ﻭﻳﺠﻲ ﻳﻜﺘﺐ ﻟﻴﻨﺎ ﻋﻦ ﻋﺜﻤﺎﻥ ﺣﺴﻴﻦ
* ﺍﻟﺴﻨﻪ ﺩﻱ ﻳﺎﺣﻤﺎﺩﻩ ﺑﻌﺪ ﺍﻻﺣﺘﺠﺎﺏ ﺍﻣﺴﻚ ﺍﻟﺤﻘﻴﺒﻪ ﻳﺎ ﺍﺧﻮﻱ
* ﺑﺘﺎﺧﺪﻭﺍ ﺯﻣﻦ ﻃﻮﻳﻞ ﻭﻏﻨﺎ ﺍﻟﺤﻘﻴﺒﻪ ﻛﺘﻴﻴﻴﻴﺮ
* ﺍﻫﺎ
* ﻧﺠﻲ ﻟﻲ ﺷﻤﺎﺭﺍﺕ ﻭﺍﻟﻲ ﺍﻟﺨﺮﺗﻮﻡ
* ﻛﺎﻥ ﺷﻔﺖ ﻳﺎ ﻭﺍﻟﻴﻨﺎ
* ﺍﻟﺒﺎﻋﻮﺽ ﺟﺎ ﻳﻌﻀﻴﻨﺎ
* ﻣﺎﻟﻘﻲ ﺩﻡ ﻓﻴﻨﺎ
* ﻏﺰﻩ ﻛﻴﻌﺎﻧﻮ ﻭﻋﺪﻳﻤﻴﻦ ﺩﻡ ﻗﺎﻝ ﻟﻴﻨﺎ
* ﻗﻠﻨﺎ ﻟﻴﻬﻮ ﺍﻓﺮﺯ ﻳﺎ ﺑﺎﻋﻮﺽ ﻳﺎ ﺍﻟﻼﻓﻲ ﻃﻮﻝ ﺍﻟﻠﻴﻞ ﻓﻴﻨﺎ
* ﻋﺪﻳﻤﻴﻦ ﺩﻡ ﻧﺤﻨﺎ ﻭﻻ ﺍﻟﻤﺼﻪ ﺍﻟﺪﻡ ﺍﻟﻔﻴﻨﺎ
* ﺳﻠﻚ ﻛﻬﺮﺑﺎ
ﻧﻨﺴﺎﻙ ﻛﻴﻒ ﻭﺍﻟﻜﻠﺐ ﻗﺎﻝ ﺣﻴﺮﺗﻮﻧﺎ … ﻣﻔﻠﺴﻴﻦ ﻭﺗﺎﻛﻠﻮﺍ ﻓﻲ ﻛﺎﻙ
ﻭﻛﺖ ﻛﺎﺕ ﻭﻛﺘﻜﻮﺕ ﻳﻮﻡ ﺑﺘﻜﺎﻛﻮﺍ ﻳﺎ ﺣﻠﻮﻳﻦ
ﻭﺍﻟﻲ ﻟﻘﺎﺀ
ﺳﻠﻚ
بابكر سلك – (في السلك – صحيفة الإنتباهة)
ﺍﻟﺮﺗﻴﻨﻪ ﺑﻘﺖ
