تقوم بينا كب تقع بينا رب

> عرب سااااااااي
> عباره تناسب العرب وتشبه القوميه العربيه
> لسه عايشين الجاهليه الاولي
> لا يتفقون الا علي الخلاف والاختلاف
> وكاذب من يدعي ان داحس والغبراء قد انتهت
> انها مستمره ومتجدده
> ناس في فرستين كالتين بعضهم البعض
> زي ديل بتفقوا متين?
> ناس لليوم لا يتحالف بعضهم مع بعضهم الا ضد بعضهم الثالث
> داخليا نحترب
> ودوليا نحارب بعضنا
> بل ونفخر بتلك الحرب
> اي همجيه هذه التي تسمي بالقوميه العربيه?
> صدقت المغنيه حينما رددت
> العربيه العربيه
> تقوم بينا كب
> تقع بينا رب
> وياريت نميري لو سمع كلام الافارقه الذين ارادوا لنا وقتها رأس افريقيا
> ولكن ابو عاج وقتها اختار الضنب
> ايها الناس
> خسر العرب قيادة الفيفا لانهم كسبوا الخلاف وعدم الائتلاف
> كل اوروبا اتفقت علي مرشح واحد
> والعرب يتنافسون لاجل ذلك المرشح
> فلا الشيخ حكم عقله وعدل عقاله
> ولا الامير كان اميرا في اختيار التنازل وتوجيه ناسو للتصويت للشيخ
> فخسر العرب العاربه والعرب المستعربه واوروبا مستغربه
> علي كل لايقود العالم اهوج
> ولايقوده من ينتمي فقط لنفسه
> ولايقوده من يعمل بعشوائيه ودون استراتيجيه
> مبروك للاصلع رئاسة الفيفا
> ومبروك للعرب حفاظهم علي داحسهم التي جعلت مضاربهم غبراء
> اب عاج اخوي
> ورطة شنو الورطتنا فيها دي!
> المهم
> يالطيف عبارة نلجأ اليها عند المحن
> يا لطيف علي عبدك عبد اللطيف
> عبد اللطيف ده منو ياروشا???
> صحي وحيد امو زي بشار ود اختي??
> يالطيف
> ايها الناس
> اكتر حته عاجباني في مسرحية صقر قريش
> لما الشعراوي ينقز ويردد
> ياصقر قريش قوم جيب العيش
> وعبد المنعم عثمان يعاين سااااي ويقول
> يا لطيف
ايها الناس
> قبل الاعداد للاستحقاق الافريقي
> يجب علينا ان نثق في انفسنا
> قادرون علي تخطي النيجيري اذا اردنا
> حتي من دون معسكر لو تحمل اولادنا المسئوليه
> فاعظم انجازتنا الجويه جبناها وغدانا طحنيه وعصيرنا حريه
> لكن العزيمه كانت قويه
> نستطيع ان نقلب الطاوله علي النيجيري بالعزيمه
> ووقتها لا يهم كم اب ظهر وادعي ابوته للنصر
> لان ما يهمنا هو الابن وهو النصر
> ايها الناس
> مواقع التواصل بشرت بمجلس مريخي جديد
> يرأسه الوالي وينوب عنه سوداكال وصمدو للامانه العامه والفادني للمال
> شخصيا استبعد ذلك
> لان الوالي ذهب بطوعه والناس تردد قلنا ماممكن تسافر
> وقبله ركب صمدو قطار الاستقاله باصرار
> حتي جمال فشل في اقناعه بالعدول عن الاستقاله
> اما سوداكال فحسب علمي يرفض منصب النائب ويفضل عليه لقب الداعم
> والفادني حسب علمي اعتذر عن مجلس التسيير
> لذا استبعد تلك الفكره
ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت يا والينا
> الغاز زادوهوا في نفس اليوم رقد لينا
> المويه دي من زادوها لينا مابيه تجينا
> تكون حردانه دايره زياده تانيه تفرض علينا??
سلك كهربا
ننساك كيف والكلب قال ابشروا المويه بتجيكم في الخريف توريكم ليهو
والي لقاء
سلك