* وبعد الأعتذار لكتور جوبا بطل السودان الجديد الشقيق.
* وكتور جوبا طبعاً فريق عريق وقديم.
* لما لعب كورة قطر كانت نكرين ساكت ولصيق.
* ماكان فيها مسيمير زلا عراضة ولا كورة ذاتو.
* المهم.
* لقينا مسيمير ومليناهو أقوان.
* ولكن الفائدة كانت معسكر الدوحة.
* وكلوا موسم بنقول أمسكوا الخشب.
* لكن الموسم ده امسكوا الحبشى.
* شيميلس.
* شيميلس جنس شيميلس.
* تمسكوا الحبشى يجيكم العالمى سيدا.
* تمسكوا سيدا يجيكم الحبشى.
* قال ليك أولاد ماما فى أثيوبيا ماقدروا يمسكوهوا.
* تصبروا موسم يجيكم أبراهومة الصغير.
* ألا تطيروا.
* تطيروا من دور الأتنين وتلاتين.
* أصلو القابل مسيمير بطير.
* أيها الناس.
* ما تسمعوا الكلام من أعلام الجماعة.
* فالمثل يقول:(شكارتها دلاكتها).
* وهى سبب للشكر واحد ما عندها.
* السواقين قادة عربى.
* والشعر مسامير.
* والقوام مسيمير.
* والباقى خرج ولم يعد.
* وما محتاج لأوصاف.
* كريمات سااااااااااااااى.
* وصويفات تركيب.
* وحقن فتح لون.
* وفى حاجات بيشتروها بتغير فى المظهر العام والمنظر العام.
* تدور المربع وتربع المستطيل.
* وتستطل الدائرة.
* أدوات التزييف بقت كتيرة.
* لكن مع اول مطرة .
* زى ما قالوا المصريين.
* يروح المال لحالو ويفضل القرد على حالو.
* ولا أظن أن الأهلة سيعيشون هذا الموسم شهر عسل كما أوهمهم أعلامهم.
* ففريق ماشى قطر.
* زول عارفو ماشى متين ولا كيف ولا ليه مافى!!
* وصل قطر.
* ولا زول فى قطر ما عارف الفريق وصل متين وبى شنو ولى شنو؟؟!!
* أتمرن.
* مافى زول عارف التمرين متين ولا وين ولا كيف!!
* قالوا لاعبين مباريات أعدادية.
* الأعلام القطرى تجاهل تلك الوهمة ولم يتطرق لها.
* فمباريات الهلال(أن جاز تسمية العشرين دقيقة مباراة)لم تكن معلنة من الأتحاد القطرى.
* لذا أتلعبت فى تمر أبونا بتاع الدوحة.
* حتى جمهور الهلال بقطر.
* ما كان بعرف التمرين بتين ولا وين!!
* بل كان الأعلان عن المباراة(الدافورى)يتم بالتلفونات.
* زى العازم ليك ناس سماية.
* أو قول زى المسرحية فى القرية.
* بعلنوا عنها بى بوكس فيهو مكرفون.
* أخى المواطن أختى المواطنة الوم وعلى خشبة مسرح مدرسة خالد بن الوليد.
* مسرحية الخمشوا وطفشوا وتانى رجعوا وخمشوا.
* وعشان يغشوا الجمهور من اول يوم اليلة آخر ليلة..أوع العرض يفوتك.
* أسعار التذاكر أتنين جنيه لوج وجنيه شعبى.
* المرجو عدم أصطحاب الأطفال.
* ده الكان فاضل للأعلان عن مباريات الهلال بالدوحة.
* بوكس يلف الدوحة ويكورك.
* أخى المواطن أختى المواطنة اليوم الهلال لاعب عشرين دقيقة بتمر أبونا بالريان.
* ما تمر ابونا نحن السودانيين.
* تمر ابو القطريين.
* أيها الناس.
* الأهلة أصحاب الكرامة والغيرة رفضوا هذه المهزلة.
* بل وحزنوا على حال فريقهم.
* لاشعار ولاشعور.
* وأحزنهم حال أعلام يشكر لأنه يدلك.
* لذا.
* ليس هنالك وجه شبه بين فريق الشيخة موزة تعلم بمواعيد حضورو.
* وبعدد بعثتو.
* وبمكان نزولو.
* وبأوقات تمارينو.
* وبمواعيد مبارياتو.
* وبى مقابلتو للبايرن.
* وفريق الغرافة ما دايرة تلعب ضدو.
* قالوا الما بتعرف ما بيدوها تغرف.
* وفطومة ما بتعرف وما عندها شعار.
* أيها الناس.
* أنه موسم العالمى.
* وشهر عسلنا حايكون سنة.
* فقط أذا قام الجمهور الوفى الشفت بواجبه كاملاً.
* نشجع ونملا الأستاد رجولة ونزأر كأسد يدافع عن عرينه.
* نشجع بثقة كبيرة.
* وناس الأولتراس ختوا حجر الأساس.
* يبقى الدور والباقى علينا.
* نتوحد تحت راية واحدة أسمها المريخ.
* ننسق كيف نشجع.
* نوحد الهتاف والأهازيج.
* نقسم الناس على الأستاد.
* على جميع الأمكنة.
* وعلى بركة الله نبدأ.
* أفديك بدمى***أفديك لأنى***مريخ مشرفنى.
* أها(بصفقة بى أيقاع).
* أفديك بدمى يا عالمى***أفديك لأنك أنت تيم عالمى
مريخ مشرفنى مريخنا يا عالمى**عالمى يا عالمى**أها عالمى يا عالمى.
* وصفقة بى أيقاع سريع وموحد.
* أيها الناس.
* لعب المريخ مبارياته الأعدادية بقطر برعاية من شركات مختلفة.
* ناس شكارتها رعايتهم كانت من وين؟؟؟
* من دلاكتها!!!!!
* طبلية سجائر فى الدوحة ما قدمت ليهم الرعاية.
* فى شركة بترعى ليها كورة(صامت)وتلت ساعة وفى تمر ابونا!!!!
* كورة نغمة ما فيها.
* كورة نكهة ما فيها.
* كورة سرية غير معلنة.
* والله شكارتها حيرت الناس.
* ويا حلاوة الأولتراس فى أعنيتهم الجديدة.
* دافعنا شرف الأنتماء نزحف نسير خلفك الوف***صوت الحناجر للسماء بحرارة ندميها الكفوف
التضحية الغيرة الوفا شعارنا يرهب للألوف***
* وأكيد يا أولتراس كتفنا عالى وعالمى ولسة ما أتلاحقت الكتوف.
* مدام جينا بى مانديلا فى زمن كانت التاريخ فيهو الوف.
* أسى نحنا فى الألفينات وغيرنا لسه صارى وشو متل حلوف.
* لاجاب من برة شى ولا قدر يوحد صفوف ولا طلع من أصعب الظروف.
* برافو أولتراس.
* ولجنة التعبئة تعلن عن أجتماع اليوم بدار النادى.
* دايرين يعدوا العدة لمباراة أهلى عطبرة والأكسبريس برضو.
* أيها الناس.
* يجب ان تكون مباراة أهلى عطبرة بروفة تشجيعية تؤكد أن الشفوت فى قلب المعركة.
* تخلى الجميع يرفع الراية البيضاء منذ البداية.
* بالذات شعارات عصمت التلاتة.
* شعار عصمت كادقلى.
* وشعار عصمت الفاشر الصاعد حديثاً.
* وشعار عصمت امدرمان النازل قريب ده.
* عصمت.
* أوعك تبيع يا أخوى.
* ناس الهلال السعودى بدفعوا أكتر وكاااااااااش.
* وبيعتك عشان تقلل نقاشا امسك قوى فى كاشا.
* أها.
* نجى لى شمارات والى الخرتوم.
* أكان شفت يا والينا.
* بنحب الباعوض البساوينا.
* مافشل فيه سياسيينا.
* نجح فيه باعوضنا يا والينا.
* ساوانا الباعوض.
* بقانا كأسنان المشط.
* وما أحلى منظر الملياردير النازل من قصر وسط قصور.
* والشماسى المارق من بلاعة جمب الخور.
* لما الأتنين يقيفوا قدام بتاع بقالة السرور.
* المليونير داير دوا باعوضة يا والينا.
* والشماسى داير دوا بعوضة يا والينا.
* احب الباعوضة البتسوطها.
* الساوت بين الناس رغم أختلاف قوتها. سلك كهربا
* ننساك كيف وسيدالفيلا بتمسح الليل كلو والباعوضة تضحك..أن شاء الله ماتموت من الضحك.
والى لقاء**********سلك
لن ننساااااااااااااااااااااااااااااااااااااك
في السلك – بابكر سلك
