* ياها كورتنا
* وياهو مشروع جزيرتنا
* وياها كسرتنا
* ويا هو قطرنا وسكة حديدتنا
* وياها حيلتنا
* أيها الناس
* خسرنا على أرضنا
* أرض الخير والطيبه
* خسرنا من أوغندا
* لأنها عملت للنصر
* ونحنا عملنا نايمين
* نعمل بدون إستراتيجيه
* هكذا نحن
* بدون تخطيط نلخبط ليك الدنيا
* ونصر على إجلاس الرجل غير المناسب فى كرسى لايناسبه
* نقوم بتعيينات قيادية لبعض البشر
* لو ختينا محلهم حجر
* كان مشينا خطوه للأمام
* ولكن لأننا تعلمنا السكات
* وأدمنا النفاق
* وأصبح هدفنا مصلحه شخصية
* حتى ولو كانت تتعارض مع مصالح قومية
* كان لابد وان نصل لهذه الدرجة من التدهور فى اى شى
* حتى جنيهنا بقى يشبهنا
* يخجل عاد الجنيه
* ولسه ينط ليك قيادى كان احد أسباب تدهور الجنيه المريع
* ليحدثنا عن إنخفاض مستوى التضخم
* وعن مستوى دخل الفرد الدولارى
* وعن مصلحة السودانيين فى إرتفاع سعر كيلو الطماطم الذى وصل خمسين
جنيهاً
* مبرراً ذلك بأن أهل السودان أغلبهم مزارعين
* دى طريقتنا
* ولو ما غيرنا طريقتنا
* يبقى نعيش فى حريقتنا
* وحريقه تحرق الباقى
* أيها الناس
* سقط المنتخب على أرض الملعب
* وسقطت بعض الجماهير على المدرجات
* لأنها لم تحضر لنصرة المنتخب
* بقدر ما انها حضرت لكيد الإتحاد لشئ فى نفس يعقوب
* ولمصلحة خاصة ايضاً
* فكانت الهتافات التى لا تخدم المنتخب
* وكانت السقطات تتوالى من على المدرجات
* وهتف الناس لشداد
* وهو نفسه شداد الذى هتف الناس ضده
* القصه ما قصة شداد ولاقصة معتصم
* الالقصه قصة دوله
* وحكاية جيل سيسجل له التاريخ انه يوماً أهمل الرياضه
* وتركها ترعى بدون إهتمام بها
* اين المناشط الأخرى؟
* اين السله والطائرة؟
* اين السباحة والتنس؟
* اين ريشة اختى هنادى الصديق الطائره؟
* اين نحن من البطولات الدوليه والمنافسات الأولمبيه؟
* الا يحق للتاريخ ان يسأل هذه الحقبة عن هذا التدهور المريع؟
* أيها الناس
* بدون اى إنتماءات إلا للرياضه
* هل احق من الدكتور على قاقرين بوزارة الرياضه أحد؟
* تلك الوزارة التى تتطلب تخصصاً كبيراً وإدراكاً للوسط الرياضى
* تلك الوزارة التى يلتف حولها ثلاثة ارباع الشعب السودانى
* الما بتريض بشجع الرياضه
* اى منشط من مناشطها
* لماذا نجعل منها وزارة للترضيات والموازنات؟
* لماذا لانعاملها معاملة وزاره سياديه طالما هى ترفع علم البلد دى فى جميع
المحافل إذا إهتمينا بيها
* يبقى ياها كورتنا
* وياهو مشروع جزيرتنا
* وياها طريقتنا الشتت سبحتنا
* أيها الناس
* ان يصل بنا الحال لنخسر من اوغندا على ارض الوطن الوصونا عليهو جدودنا
زمان تبقى كارثه
* وندخل فى مثل هكذا كوارث
* لأننا لانفعل القانون بالذات فى الشأن الرياضى
* ونتعامل بالترضيات والجوديات ودفن الجبين بين الرمال
* فيميل الحال
* ونشدو الزمن ميل
* الزمن لم يميل
* ولكن الحال هو المايل
* المهم
* الطريقة التى لعب بها الخبير احمد بابكر
* وشكل الأداء الجنائزى الذى لعب به ناسنا
* فى مهرجان جوه ميدان فى الحله ما بحصل
* ولكنها إمكانياتنا
* إنتاجنا قدر فهمنا دايماً
* والمخ قسم
* المهم
* يتحدث البعض عن تدخل للمفوضيه
* المفوضيه جهة حكوميه
* تدخلها بريحنا نهائى من الكوره وأمورها
* تدخلها بيدخل الفيفا
* الفيفا التكسر رقبتنا وتريحنا
* يبقى القانون لازم يطبق
* إنها مراحل تقاضى
* وواجبة الإتباع
* وواجبة الإحترام
* والقانون لايغير بالعنتريات
* بل هناك طرق قانونيه ايضاً لتغييره
* وإحترام القانون يظهر فى إتباعه
* ولما يكون الأمر نهائى إحترامه واجب
* ده بالنسبه للإنسان السوى البفهم
* اما دخول الغابه فهو ليس مقارعة القانون
* ولكنه خروج على القانون
* والخارج عن القانون يجب ردعه حتى يرعوى
* لذا
* لاوساطه ولاجوديه قانونيه ميه الميه
* الراجل يجيب خطاب الإنسحاب يسلموا للإتحاد العام
* وإذا ده ما حصل
* يلعب المباريات حسب برمجتها
* وإذا لم يحضر أحد
* يطبق الإتحاد اللوائح المناسبه
* وإذا تكرر الأمر
* قطر عجيب يا حبيب
* لا للوساطه
* لا لإلغاء الموسم الرياضى
* لا للترضيات
* إنها فرصه للعين الحمراء
* فرصه ليعرف أى نادٍ أنه ينضوى تحت راية الإتحاد واجب الإحترام
* وإذا رأى البعض ان الإتحاد غير جدير بالإستمرار
* حدد القانون كيفية عزله
* برضو بالقانون
* أسلوب الغاب الككو خلاهو
* المهم
* قالوا فى غفير فى بوابة مستشفى عطبره لئيم جداً
* عينو واحده طافيه
* جاهو واحد قال ليهو دخلنى أزور لى زول عشان محصل القطر
* الغفير قال ليهو إلا فى زمن الزيارة
* الزول قال ليهو لكن القطر بقوم
* الغفير قال ليهو ما بخصنى
* قال ليهو يا خشم الباب ويا ضى القبيله دقيقه اودع الزول ده وأمرق
* الخفير قال ليهو ما ممكن
* الزول قال ليهو شكلك كده زول ودناس وفاهم قدر ظروفى يا اخوى
* الغفير قال ليهو والله لو القطر جاك هنا ما اخليك تدخل قبل مواعيد الزيارة
* الزول قال للغفير انت عينك التانيه دى مالها؟
* الغفير قال ليهو انت قنعت ولاشنو؟
* أيها الناس
* ودعنا بحزن عميق
* رجل مريخى عشق الزعيم حد الثماله
* لايفرح إلا لفرح المريخ
* ولايحزن إلا لحزن يصيب الشأن المريخى
* علم الناس بالثورة الحاره الخمسه كيف يعشقون الزعيم
* وينصب نفسه وكيلاً عن الزعيم فى الرد على ما تتناوله مجالس المدينة بهتاناً
* وأدلته دائماً حاضرة
* غيبه الموت والمريخ يعيش فى دواخله
* فدب الحزن فى النفوس والأسى
* ولكن العزاء انه ودع المريخ المريخ فى احسن حال
* انه الشفت المربى الفاضل الفاهم الأخ
* محمد المعتصم محمد مدنى
* نسألكم الفاتحة على روحه الطاهرة
* ولن نقول إلا ما يرضى الله
* أيها الناس
* إن تنصروا الله ينصركم
* أها
* نجى لى شمارات والى الخرتوم
* والله يا والينا
* الضبان كان ما وديتوهو بودينا
* معقوله يا والينا
* خمسين ضبانه قصاد المواطن فينا؟
* والغريبه الجقر يا الينا
* إنتو عملتوا ليهو رقم وطنى ولاشنو يا والينا
* شايفو بى ثقه حايم بيناتنا وفينا
* بقسم معانا البقسمها ربنا لينا
* حصلوووووووووونا يا والينا
ﺳﻠﻚ ﻛﻬﺮﺑﺎ
** ﻧﻨﺴﺎﻙ ﻛﻴﻒ ﻭﺍﻟﻜﻠﺐ يهش الضبانه يجيهو الجقر..ينبح فى الجقر ضبانه تدخل
عينو ويقعد يحك؟!!
ﻭﺍﻟﻲ ﻟﻘﺎﺀ
ﺳﻠللللللك
ياها كورتنا
