– ابرز عناوين الشطحات لهذا اليوم-
– نحن في السودان لدينا عاده سيئه خلاص
البندورو بنفتح ليهو العلبه والبنكجنو بنحرش ليهو الكلبه
– غير منصفين –
مثلآ زول عندو معاك مشكله مهما كان راي الاغلبيه فيهو صائب وصالح وتقي وكريم وفارس وابو الرجال
– لازم تطلعو عواليق تافه ابن كلب
ولو عندك منو مصلحه او قريبك او نسيبك المهم بينك وبينو ( شي) مهماكان بطال اكيد هو ( نبي إلا ربع) ومن العشره المبشرين- ولن تسمح لاحد ان يقول غير ذلك-
-/مصلن-
– هناك بعض السودانيين يرفضون مشاركة ( القوات السودانيه) في عاصفة الحزم/ وشد رحالها إلي اليمن –
وهذه ليست المشكله- شي طبيعي وحق اصيل من حقوقهم
– نان مالك ?
– لا يخفي علي كل ذي بصيره ومتابع ان القوات السودانيه هناك هي الاكثر تشريفآ وهمه انتشارآ وتأثيرآ وسيطره علي الارض( اختلفنا او اتفقنا في امر مشاركتها)
– هي البعبع الذي اخاف وارهب سفهاء الروافض ومخلفات نظام البائد ( علي عبدالله صالح)
-/ الحرب خدعه والعامل النفسي والروح المعنويه اهم مقومات الإنتصار – ولا مجال لتثبيطها وقتل هممها إلا بالمضاد الفعال( الإشاعه وتضخيمها)
– اذاعة قناة الروافض خبرآ مفبرك ومقصود ومضخم مفاده( إنفجار ضخم يهز مقر القوات السودانيه باليمن)
– وهذا امر متوقع خاصة بعد تولي واختيار ضابط سوداني لإدارة المطار وهذا إن دل انما يدل علي الثقه في هذه القوات والمراهنة عليها لخلفيتهم السابقه عنها-
– لم يصدق بنو جلدتنا الناقمين وتناقلو الخبر بنشوي و انبهار ضاربين بالاثر النفسي علي اسر واهل امهات كل القوات عرض الحائط ( بالتأكيد كل اسره او ام ستعتقد ان ابنهاضمن الشهداء)
-نجي لعنوان البوست //
( احد مسعولينا ) عندما سمع بإشاعة التفجير شطح شويه وهاش
( اؤكد لكم ان قواتنا بخير وروحها المعنويه في اعلي مستوياتها هذه إشاعات مغرضه من قبل الطابور الخامس الهدف منها زعزعة الامن وتعكير الصفو والمقصودهنا محاولة تفشيل( حلوه تفشيل دي) الحوار الذي اجمع عليه كل الحادبين علي مصلحة الوطن وهذه الإشاعات لن تذيدنا إلا تماسكآ وتوحيدآ وصلابه – الحوار يسير بخطي ثابته والتمرد إلي انحسار وهو في اضعف حالاته وسنقضي عليه ضغوطآ للسلم او قتالآ ومحو و
) عمي الحاج كدي استهدي بالله انت لفيت وفكيت الدرب نحن كنابنتكلم عن اولادنا الفي اليمن/////
//////////
– مدخل آخر
– في منزل احد المواطنين بإحدي ولايات دار فور يقال ان الارض( دشرت ماده) اشبه بمستخرجات البترول – شحوم – جاز – كيروسين – زفت ما ادري) حاجه كده غريبه شويه
– استدعت الحاكومه والمسعولين وجوووووطه وهيلمانه وجهات الإختصاص( جيلوجيا) اتت علي عجل
– احدهم لم يتمالك نفسه ويلزم الصبر وماااا صدق لقاها فرصه
وانبري( نبارك لاهلنا هذا الخير والفيض الرباني وهذه النعمه التي من الله عليهم بها بعد صبر ومجاهده
– ابشرو فقد فرجت وحان الحصاد والثمار والمكافئه
– ستكون ولايتكم اغني من الكثير من الدول بهذا الخير
يتتكفو وتكفو باقي اهل السودان والدول المجاوره ان شاء الله
و
– وفجعتن مسئول الجيلوجيا يقطعا ليهو في راسه ويخلي خشمو ملح ملح
( دي حاله عاديه وتحولات ارضيه تحدث نتيجة كذا وكذا ولا علاقة لها بما ذهبت إليه فهي حاله اقرب للبراكين في الاراضي الصخريه شديدة الإنفجار
—;كان في داعي للبشتنه دي?
يقلم: القاسمي القواسمة
-
-
-
-
-
-
-
-
