اتحاد عجز عن (إعادة) مباراة هل يملك أن يجعل الهلال يلعب في الدرجة الأولى؟

بعد أن أعلن الهلال انسحابه طلعت بعض الأصوات (النشاذ) ممن يدعون الحكمة ويتوخى (الحيطة والحذر) – اعترضوا أو انتقدوا انسحاب الهلال
بعض الأشخاص عندهم حساسية من (المواقف القوية) – عاوزين يمشوا تحت الحيط
بتاعين (لكن) ديل – أحسن منهم (لجنة الاستئنافات) – لجنة الاستئنافات ما بكافحوها بي (لكن ولو وربما ويمكن وبس)
عاوزين الدنيا تتغير وهم قاعدين في بيوتهم…لا يتعبوا ولا يتكلموا ووقت الناس تعمل حاجة يقعدوا يخزلوا فيهم

في مناسباتنا العادية في (أعمامك) كدا بيظهروا بعد ما يركبوا (الصيوان).
يجيبوا ليهم الشاي والموية الباردة ويقعدوا ينظروا ليك.
يطلعوا الكراسي بعيد ويدوروا (انتقادات).
وطلب فحص.
والصيوان دا كدا غلط.
ومرّكب ما صاح.
ومفروض يكون شرق.
البعملوا لينا ناس قناة النيلين في (الطبق) – بعملوها لينا أعمامك ديل في (الصيوان).
ليه..؟.
وما صاح.
واشمعنا.
أها – حكمة اللـه بعد أي (موقف) أو أي (قرار) بيظهروا ليك (أعمامك) ديل عشان يقعدوا يشرعوا ويقطعوا من (رأسهم).
أديهم (التنظير)..ما بخلوا حاجة.
المخذّلون في أي (موقف) بتلقاهم.
بعض الأشخاص عندهم حساسية من (المواقف القوية) – عاوزين يمشوا تحت الحيط.
وعاوزين طول العمر إيدهم تكون في موية باردة.
عاوزنها ساقطة.
تصب ..يشكوا من (المطر).
ما تصب ..يشكوا من (القحط).
عاوزين الدنيا تتغير وهم قاعدين في بيوتهم…لا يتعبوا ولا يتكلموا ووقت الناس تعمل حاجة يقعدوا يخذّلوا فيهم.
مفروض.
ولكن.
وليه؟.
وكان يصبروا شوية.
ما عاوزين يتعبوا وما عاوزين يعملوا أي موقف.
تعودوا على أن يكونوا (رماديين) في كل مواقفهم…اعتادوا أن يختاروا (الحل) الأسهل.
يشوفوا أبسط شيء ويمشوا عليه.
ناس (ضللة) ساكت.
حاجة تقوم نفسهم ما عاوزنها.
أبو الطيب المتنبيء وضح الحكاية دي من البداية (لولا المشقة ساد الناس كلهم الجود يفقر والإقدام قتال).
يختلف الناس ويتميز بي (مشقتهم).
الإقدام هو عنوان الشجاعة والمواقف.
حكاية (بين بين) دي ما بتنفع معانا…ولا بتخارج – ولا بعرفها الهلال.
بعد أن أعلن الهلال انسحابه طلعت بعض الأصوات (النشاز) ممن يدعون الحكمة و(يتوخى الحيطة والحذر) – اعترضوا وانتقدوا انسحاب الهلال.
مشكلتنا في الدنيا دي نحن ناس (توخي الحيطة والحذر).
الموضوع من يبقى فيه (توخي الحيطة والحذر) – أعرف ما بيمشي لي قدام.
الناس بتموت عشان (موقفها) – أنتوا بتتكلموا ليكم عن (بطولة).
هؤلاء حسبوها (حسبة تجارية) – والمواقف لا تخضع لهذه (الحسبة).
حكاية ح نكسب شنو؟.
ونخسر إيه – ما فارقة معانا.
الكبير كبير.
وسيد القوم هو الذي يدفع الثمن الأكبر.
بعدين ما في مواقف ..بدون (ثمن).
عاوزين تمثلوا.
عاوزين تعملوا عروض مسرحية.
بتبحثوا عن مصلحة خاصة.
عن مكاسب تجارية.
ابقوا ابعدوا من (المواقف).
ما في نص – نص.
المواقف ما بتموها (موية).
ابقوا قدر موقفكم.
المواقف التى لا تسدد فواتيرها ..بتبقى (فرقعات) ساكت.
لا عاوزين (نقطة).
ولا بنبحث لينا عن (ترضية).
لو عاوزين ليكم (مكسب) أو (مصلحة) خاصة – ابقوا انسوا حكاية (المواقف).
الناس البيطلعوا يخذلوا في الناس في مثل هذه المواقف – مفروض على الأقل يصمتوا.
وقت ما عندهم (إضافة) فليصمتوا.
قرار انسحاب الهلال وجد مساندة منقطعة النظير من القاعدة الهلالية ..ونحسب أن أي صوت نشاز حتى لو لم يكن راضياً من (الانسحاب) يصدر في هذا التوقيت يخدم أطراف أخرى.
ولهم في ذلك (أجندة).
ومآرب.
في سوح المواقف …ما في حاجة اسمها (لكن ولو ومفروض).
الحاجات دي مقبولة في (المكاتب المكيفة).
في السوق.
في العمل الدبلوماسي.
لكن ساعة الجد ما في حاجة اسمها (لكن).
بتاعين (لكن) ديل – أحسن منهم (لجنة الاستئنافات).
لجنة الاستئنافات دي ما بكافحوها بي (لكن ولو وربما ويمكن وبس).
هاشم صديق عندو أخطر حاجة في الحتة دي (إلّا خاف من بس ولكن).
قرارات لجنة الاستئنافات والقضاء على تصرفاتها (الصبيانية) أمر لا يكون إلّا بمثل هذه المواقف.
الهلال أصلاً معروف بـ (مواقفه).
العندو اعتراض على مواقف الهلال يمكن ينضم لنادي آخر.
المريخ – أهلي شندي – الخرطوم الوطني ..الناس البتعاملوا مع (القرارات) ديلفيري.
الناس البتجيهم القرارات جاهزة.
الهلال منذ قديم الزمان معروف بمثل هذه (المواقف) – الموضوع ما جديد عليه.
ولا حديث.
هلال بدون (مواقف) يبقى فرقو شنو من (المريخ)؟.
كان تبقوا (مريخاب).
موضوع التصعيد والوصول لي (لوزان) ما بنفع مع الجماعة ديل.
ديل عاوزين العين الحمراء.
ناس أسامة عطا المنان (عريضة) كتيرة عليهم.
لو كان في رئاسة الاتحاد العام الدكتور كمال شداد ..لقلنا للهلال أن يكافح وينافح بالقانون وعبر التقاضي.
الدكتور كمال شداد بيحترم القوانين وقد التزم بالقوانين التى صدرت من جهات عليا عندما كان هناك خلاف بين الهلال وكمال شداد.
هؤلاء الذين يديرون كورة القدم الآن ما عندهم علاقة بالقانون.
المشكلة أساسها عدم وجود القانون وعدم تطبيقه – يبقى كيف (نصارع) عبر القانون.
لو في قانون – أو في احترام للقانون ..ما كانت ح تكون هناك مشكلة.
أصلاً ما ح تكون في أزمة.
يا جماعة قولوا كلام غير دا.
بعدين الانسحاب في حد ذاتو أمر (قانوني).
العندو رأي أو نظرية يحتفظ بيها لي نفسو ..قرار الانسحاب ..قرار اتخذه مجلس الهلال المنتخب وهو جدير بالاحترام والتقدير في كل أحواله.
لو نزلنا الدرجة الخامسة …أحسن لينا من اللعب في (الممتاز) في بطولة تدار بواسطة هذه القوانين.
منافسة تدار عبر عاطفة (طلب فحص).
الحاجة العاوزنها بمرروها …والعاوزين يتلكلكوا فيها ويعملوا ليها تأخير ..بعملوا ليها (طلب فحص).
الدرجة الرابعة أفضل ألف مرة من الممتاز أن كانت نتائج الممتاز يحددها مجدي (نثريات) وأسامة (وكالات) ومعتصم (طلب فحص)…وسمير (ما بتذكر).
دار الرياضة أرحم للهلال من لجنة الاستئنافات.
نلعبها بي شرف..واحترام – أفضل من أن نلعب في بطولة فقدنا احترامنا لها.
وإذا قسنا الأمور بعقلية تامة وبحيادية مطلقة …اتحاد كرة القدم لا يحترم لوائحه التى وضعها بنفسه ..ح يحترم لائحة خارجية.
اتحاد كسر قرار رئاسة الجمهورية عندما اعتبر لاعباً سودانياً (أجنبياً).
اتحاد خالف قرارات مجلسه وعارض قرار لجنة التسجيلات …عاوزنو يحترم ليكم قانون الهلال.
الزول وقت يتكلم ويتحدث مفروض يتكلم بي عقل.
أما الذين يسخروا من أن يلعب الهلال في (دار الرياضة) أمام العباسية أو الأحرار – نقول لهم بدءاً …الهلال بالقانون ..(إذا كان في قانون في زحل مستعد يلعب).
شريطة أن يكون هناك قانون.
ثم نقول – ونتحدى الجميع ونقول إن هذا الاتحاد أضعف من أن ينفذ في حياته مادة قانونية واحدة.
الموضوع لو كان ماشي بالقانون مالو؟.
ما كان ح تكون في مشكلة.
الكارثة – والمشكلة عدم وجود القانون.
ثم نضيف ونقول إن الاتحاد العام الذي فشل في إعادة مباراة وبرمجتها منذ الأسبوع السابع للدوري الممتاز لأن المريخ وقتها رفض ذلك لا يستطيع أن يجعل الهلال يلعب في الدرجة الثانية.
لو انطبقت السماء على الأرض – لن يحدث ذلك.
اتحاد يفشل في (إعادة) مباراة ليست ذات أثر ولا يبرمجها إلّا بعد رضاء المريخ وقبوله للقرار بعد (الموازنات)..هل يملك أن يجعل الهلال يلعب في درجة أقل؟.
(7) أشهر ..والاتحاد بـ (وكالات سفره) عاجز من إعادة مباراة في (الرد كاسل)..هل يستطيع بهذا الضعف أن يجعل الهلال يلعب في (دار الرياضة).
إلّا إذا تحول (الطبق) على (جهنم).
أنتوا قايلين الحكاية بهذه الباسطة ..فاكرنها تحويل (طبق).
مباراة واحدة فشل في برمجتها الاتحاد العام ..أيملك أن يجعل الهلال يلعب موسماً كاملاً في درجة أدنى.
ثم أن الهلال إذا رفض وانسحب من اللعب في البطولة الكبرى وهو متصدرها وبطلها ..أيقبل أن يلعب في الدرجة الأولى.
الهلال أكبر من ذلك…كفى أن الهلال يملك قراره.
أنتم ونحن موجودين ..سوف تكتشفوا أن قرارات الاتحاد العام …أضعف من (ورق العنب).
الظلم لا يملك قوة ..ولا يملك (جرأة).
الظلم يمكن أن يأتي (غدراً).
ويمكن أن يكون – تحت – تحت.
لكن طالما كانت هناك (مواجهة) انتهى الظلم وتبخر أصحابه.
لذلك نحن نحمد في مجلس الهلال هذا الموقف.
ونتمنى أن تكون كل جماهير الهلال داعمة لهذا الموقف.
مستعدون جميعنا أن ندفع الثمن – وأن نكون مع الهلال في الحلوة والمرة.
الهلال تخلى عن بطولته المحببة.
وانسحب من منافسة هو متصدرها.
هذا موقف كبير – لا يحدث ولا يكون إلّا من كبير.
والهلال كبير..لذلك كان خيارنا الهلال.
بالمناسبة الصحف الرياضية ..الأكثر تضرراً من الانسحاب باعتبارها متضررة من توقف النشاط.
لكن مع ذلك دعمت الصحف الهلالية كلها موقف مجلس الهلال وأيدت قرار الانسحاب.
إعلام الهلال – مثل مجلس الإدارة يقدم موقف كبير هذه الأيام.
ونعلم ونثق أن جماهير الهلال قادرة على حماية الهلال والوقوف معه ومساندته في الحلوة والمرة.
…….
ملحوظة : كل يوم الهلال بيكبر زيادة.
هوامش
الأندية التى انسحبت من قرار (الانسحاب) – برضو (انسحبت).
يعني ما في اختلاف كبير.
بهمنا في المقام الأول الهلال.
والهلال قادر على أن يسترد حقوقه.
الطريق واحد.
وأن كان طويلاً.
نعرف أن هناك أندية ما بتملك قرارها.
أندية تدار من خارج المجلس.
مثل هذه الأندية لا تشكل إضافة لأي قرار.
بسبب هذه الفوضى وتلك التداخلات كان انسحاب الهلال.
على الأقل الصورة وضحت الآن.
والناس كلها شافت العملية ماشه كيف؟.
وكيف تدار الأندية والاتحاد.
يكفينا الهلال.
وقد اعتاد الهلال على أن يقاتل وحيداً.
ما عاوزين مساعدة.
ناس الرابطة وهلال كادوقلي ساعدوهم في دفن أبوهم – دسوا المحافير.
لكن ما في مشكلة.
يجب ألا تنصرفوا عن القضية الأساسية بهذه الشكليات.
دي كلها حاجات جانبية.
وتبقى التحية لمجلس الأمل وجمهور عطبرة.
بالمناسبة الأمل لا يقاتل من أجل الهلال.
الأمل يقاتل من أجل نفسه.
وقبل ذلك من أجل عدالة المنافسة.
وعلى هذا هو يكبر.
………..
عاجل : وأنتوا معانا ولّا مع الخائنين؟.
اتحاد عجز عن (إعادة) مباراة هل يملك أن يجعل الهلال يلعب في الدرجة الأولى؟
بعد أن أعلن الهلال انسحابه طلعت بعض الأصوات (النشاذ) ممن يدعون الحكمة ويتوخى (الحيطة والحذر) – اعترضوا أو انتقدوا انسحاب الهلال
بعض الأشخاص عندهم حساسية من (المواقف القوية) – عاوزين يمشوا تحت الحيط
بتاعين (لكن) ديل – أحسن منهم (لجنة الاستئنافات) – لجنة الاستئنافات ما بكافحوها بي (لكن ولو وربما ويمكن وبس)
عاوزين الدنيا تتغير وهم قاعدين في بيوتهم…لا يتعبوا ولا يتكلموا ووقت الناس تعمل حاجة يقعدوا يخزلوا فيهم

في مناسباتنا العادية في (أعمامك) كدا بيظهروا بعد ما يركبوا (الصيوان).
يجيبوا ليهم الشاي والموية الباردة ويقعدوا ينظروا ليك.
يطلعوا الكراسي بعيد ويدوروا (انتقادات).
وطلب فحص.
والصيوان دا كدا غلط.
ومرّكب ما صاح.
ومفروض يكون شرق.
البعملوا لينا ناس قناة النيلين في (الطبق) – بعملوها لينا أعمامك ديل في (الصيوان).
ليه..؟.
وما صاح.
واشمعنا.
أها – حكمة اللـه بعد أي (موقف) أو أي (قرار) بيظهروا ليك (أعمامك) ديل عشان يقعدوا يشرعوا ويقطعوا من (رأسهم).
أديهم (التنظير)..ما بخلوا حاجة.
المخذّلون في أي (موقف) بتلقاهم.
بعض الأشخاص عندهم حساسية من (المواقف القوية) – عاوزين يمشوا تحت الحيط.
وعاوزين طول العمر إيدهم تكون في موية باردة.
عاوزنها ساقطة.
تصب ..يشكوا من (المطر).
ما تصب ..يشكوا من (القحط).
عاوزين الدنيا تتغير وهم قاعدين في بيوتهم…لا يتعبوا ولا يتكلموا ووقت الناس تعمل حاجة يقعدوا يخذّلوا فيهم.
مفروض.
ولكن.
وليه؟.
وكان يصبروا شوية.
ما عاوزين يتعبوا وما عاوزين يعملوا أي موقف.
تعودوا على أن يكونوا (رماديين) في كل مواقفهم…اعتادوا أن يختاروا (الحل) الأسهل.
يشوفوا أبسط شيء ويمشوا عليه.
ناس (ضللة) ساكت.
حاجة تقوم نفسهم ما عاوزنها.
أبو الطيب المتنبيء وضح الحكاية دي من البداية (لولا المشقة ساد الناس كلهم الجود يفقر والإقدام قتال).
يختلف الناس ويتميز بي (مشقتهم).
الإقدام هو عنوان الشجاعة والمواقف.
حكاية (بين بين) دي ما بتنفع معانا…ولا بتخارج – ولا بعرفها الهلال.
بعد أن أعلن الهلال انسحابه طلعت بعض الأصوات (النشاز) ممن يدعون الحكمة و(يتوخى الحيطة والحذر) – اعترضوا وانتقدوا انسحاب الهلال.
مشكلتنا في الدنيا دي نحن ناس (توخي الحيطة والحذر).
الموضوع من يبقى فيه (توخي الحيطة والحذر) – أعرف ما بيمشي لي قدام.
الناس بتموت عشان (موقفها) – أنتوا بتتكلموا ليكم عن (بطولة).
هؤلاء حسبوها (حسبة تجارية) – والمواقف لا تخضع لهذه (الحسبة).
حكاية ح نكسب شنو؟.
ونخسر إيه – ما فارقة معانا.
الكبير كبير.
وسيد القوم هو الذي يدفع الثمن الأكبر.
بعدين ما في مواقف ..بدون (ثمن).
عاوزين تمثلوا.
عاوزين تعملوا عروض مسرحية.
بتبحثوا عن مصلحة خاصة.
عن مكاسب تجارية.
ابقوا ابعدوا من (المواقف).
ما في نص – نص.
المواقف ما بتموها (موية).
ابقوا قدر موقفكم.
المواقف التى لا تسدد فواتيرها ..بتبقى (فرقعات) ساكت.
لا عاوزين (نقطة).
ولا بنبحث لينا عن (ترضية).
لو عاوزين ليكم (مكسب) أو (مصلحة) خاصة – ابقوا انسوا حكاية (المواقف).
الناس البيطلعوا يخذلوا في الناس في مثل هذه المواقف – مفروض على الأقل يصمتوا.
وقت ما عندهم (إضافة) فليصمتوا.
قرار انسحاب الهلال وجد مساندة منقطعة النظير من القاعدة الهلالية ..ونحسب أن أي صوت نشاز حتى لو لم يكن راضياً من (الانسحاب) يصدر في هذا التوقيت يخدم أطراف أخرى.
ولهم في ذلك (أجندة).
ومآرب.
في سوح المواقف …ما في حاجة اسمها (لكن ولو ومفروض).
الحاجات دي مقبولة في (المكاتب المكيفة).
في السوق.
في العمل الدبلوماسي.
لكن ساعة الجد ما في حاجة اسمها (لكن).
بتاعين (لكن) ديل – أحسن منهم (لجنة الاستئنافات).
لجنة الاستئنافات دي ما بكافحوها بي (لكن ولو وربما ويمكن وبس).
هاشم صديق عندو أخطر حاجة في الحتة دي (إلّا خاف من بس ولكن).
قرارات لجنة الاستئنافات والقضاء على تصرفاتها (الصبيانية) أمر لا يكون إلّا بمثل هذه المواقف.
الهلال أصلاً معروف بـ (مواقفه).
العندو اعتراض على مواقف الهلال يمكن ينضم لنادي آخر.
المريخ – أهلي شندي – الخرطوم الوطني ..الناس البتعاملوا مع (القرارات) ديلفيري.
الناس البتجيهم القرارات جاهزة.
الهلال منذ قديم الزمان معروف بمثل هذه (المواقف) – الموضوع ما جديد عليه.
ولا حديث.
هلال بدون (مواقف) يبقى فرقو شنو من (المريخ)؟.
كان تبقوا (مريخاب).
موضوع التصعيد والوصول لي (لوزان) ما بنفع مع الجماعة ديل.
ديل عاوزين العين الحمراء.
ناس أسامة عطا المنان (عريضة) كتيرة عليهم.
لو كان في رئاسة الاتحاد العام الدكتور كمال شداد ..لقلنا للهلال أن يكافح وينافح بالقانون وعبر التقاضي.
الدكتور كمال شداد بيحترم القوانين وقد التزم بالقوانين التى صدرت من جهات عليا عندما كان هناك خلاف بين الهلال وكمال شداد.
هؤلاء الذين يديرون كورة القدم الآن ما عندهم علاقة بالقانون.
المشكلة أساسها عدم وجود القانون وعدم تطبيقه – يبقى كيف (نصارع) عبر القانون.
لو في قانون – أو في احترام للقانون ..ما كانت ح تكون هناك مشكلة.
أصلاً ما ح تكون في أزمة.
يا جماعة قولوا كلام غير دا.
بعدين الانسحاب في حد ذاتو أمر (قانوني).
العندو رأي أو نظرية يحتفظ بيها لي نفسو ..قرار الانسحاب ..قرار اتخذه مجلس الهلال المنتخب وهو جدير بالاحترام والتقدير في كل أحواله.
لو نزلنا الدرجة الخامسة …أحسن لينا من اللعب في (الممتاز) في بطولة تدار بواسطة هذه القوانين.
منافسة تدار عبر عاطفة (طلب فحص).
الحاجة العاوزنها بمرروها …والعاوزين يتلكلكوا فيها ويعملوا ليها تأخير ..بعملوا ليها (طلب فحص).
الدرجة الرابعة أفضل ألف مرة من الممتاز أن كانت نتائج الممتاز يحددها مجدي (نثريات) وأسامة (وكالات) ومعتصم (طلب فحص)…وسمير (ما بتذكر).
دار الرياضة أرحم للهلال من لجنة الاستئنافات.
نلعبها بي شرف..واحترام – أفضل من أن نلعب في بطولة فقدنا احترامنا لها.
وإذا قسنا الأمور بعقلية تامة وبحيادية مطلقة …اتحاد كرة القدم لا يحترم لوائحه التى وضعها بنفسه ..ح يحترم لائحة خارجية.
اتحاد كسر قرار رئاسة الجمهورية عندما اعتبر لاعباً سودانياً (أجنبياً).
اتحاد خالف قرارات مجلسه وعارض قرار لجنة التسجيلات …عاوزنو يحترم ليكم قانون الهلال.
الزول وقت يتكلم ويتحدث مفروض يتكلم بي عقل.
أما الذين يسخروا من أن يلعب الهلال في (دار الرياضة) أمام العباسية أو الأحرار – نقول لهم بدءاً …الهلال بالقانون ..(إذا كان في قانون في زحل مستعد يلعب).
شريطة أن يكون هناك قانون.
ثم نقول – ونتحدى الجميع ونقول إن هذا الاتحاد أضعف من أن ينفذ في حياته مادة قانونية واحدة.
الموضوع لو كان ماشي بالقانون مالو؟.
ما كان ح تكون في مشكلة.
الكارثة – والمشكلة عدم وجود القانون.
ثم نضيف ونقول إن الاتحاد العام الذي فشل في إعادة مباراة وبرمجتها منذ الأسبوع السابع للدوري الممتاز لأن المريخ وقتها رفض ذلك لا يستطيع أن يجعل الهلال يلعب في الدرجة الثانية.
لو انطبقت السماء على الأرض – لن يحدث ذلك.
اتحاد يفشل في (إعادة) مباراة ليست ذات أثر ولا يبرمجها إلّا بعد رضاء المريخ وقبوله للقرار بعد (الموازنات)..هل يملك أن يجعل الهلال يلعب في درجة أقل؟.
(7) أشهر ..والاتحاد بـ (وكالات سفره) عاجز من إعادة مباراة في (الرد كاسل)..هل يستطيع بهذا الضعف أن يجعل الهلال يلعب في (دار الرياضة).
إلّا إذا تحول (الطبق) على (جهنم).
أنتوا قايلين الحكاية بهذه الباسطة ..فاكرنها تحويل (طبق).
مباراة واحدة فشل في برمجتها الاتحاد العام ..أيملك أن يجعل الهلال يلعب موسماً كاملاً في درجة أدنى.
ثم أن الهلال إذا رفض وانسحب من اللعب في البطولة الكبرى وهو متصدرها وبطلها ..أيقبل أن يلعب في الدرجة الأولى.
الهلال أكبر من ذلك…كفى أن الهلال يملك قراره.
أنتم ونحن موجودين ..سوف تكتشفوا أن قرارات الاتحاد العام …أضعف من (ورق العنب).
الظلم لا يملك قوة ..ولا يملك (جرأة).
الظلم يمكن أن يأتي (غدراً).
ويمكن أن يكون – تحت – تحت.
لكن طالما كانت هناك (مواجهة) انتهى الظلم وتبخر أصحابه.
لذلك نحن نحمد في مجلس الهلال هذا الموقف.
ونتمنى أن تكون كل جماهير الهلال داعمة لهذا الموقف.
مستعدون جميعنا أن ندفع الثمن – وأن نكون مع الهلال في الحلوة والمرة.
الهلال تخلى عن بطولته المحببة.
وانسحب من منافسة هو متصدرها.
هذا موقف كبير – لا يحدث ولا يكون إلّا من كبير.
والهلال كبير..لذلك كان خيارنا الهلال.
بالمناسبة الصحف الرياضية ..الأكثر تضرراً من الانسحاب باعتبارها متضررة من توقف النشاط.
لكن مع ذلك دعمت الصحف الهلالية كلها موقف مجلس الهلال وأيدت قرار الانسحاب.
إعلام الهلال – مثل مجلس الإدارة يقدم موقف كبير هذه الأيام.
ونعلم ونثق أن جماهير الهلال قادرة على حماية الهلال والوقوف معه ومساندته في الحلوة والمرة.
…….
ملحوظة : كل يوم الهلال بيكبر زيادة.
هوامش
الأندية التى انسحبت من قرار (الانسحاب) – برضو (انسحبت).
يعني ما في اختلاف كبير.
بهمنا في المقام الأول الهلال.
والهلال قادر على أن يسترد حقوقه.
الطريق واحد.
وأن كان طويلاً.
نعرف أن هناك أندية ما بتملك قرارها.
أندية تدار من خارج المجلس.
مثل هذه الأندية لا تشكل إضافة لأي قرار.
بسبب هذه الفوضى وتلك التداخلات كان انسحاب الهلال.
على الأقل الصورة وضحت الآن.
والناس كلها شافت العملية ماشه كيف؟.
وكيف تدار الأندية والاتحاد.
يكفينا الهلال.
وقد اعتاد الهلال على أن يقاتل وحيداً.
ما عاوزين مساعدة.
ناس الرابطة وهلال كادوقلي ساعدوهم في دفن أبوهم – دسوا المحافير.
لكن ما في مشكلة.
يجب ألا تنصرفوا عن القضية الأساسية بهذه الشكليات.
دي كلها حاجات جانبية.
وتبقى التحية لمجلس الأمل وجمهور عطبرة.
بالمناسبة الأمل لا يقاتل من أجل الهلال.
الأمل يقاتل من أجل نفسه.
وقبل ذلك من أجل عدالة المنافسة.
وعلى هذا هو يكبر.
………..
عاجل : وأنتوا معانا ولّا مع الخائنين؟.