قال نشطاء يتعاملون في تجارة التجزئة أون لاين عبر صفحات على موقع فيسبوك أنه تم القبض علي أكبر محتال والذي إحتال علي أكثر من شخص كانوا يرغبون في بيع هواتف قيمة ويقول “Smart Mohamed Albagir” بعد جهود مكثفة من رئاسة المباحث الجنائية وبالتنسيق مع جهاز الامن والمخابرات السوداني تم عمل كمين للمتهم بعرض مزيف عن بيع جهاز فقام المتهم بالإتصال وتم تحديد موعد معه ثم القبض عليه.
وما أن تم إعلان القبض عليه في صفحة سوق السودان الإلكتروني حتى بدأ العديد من رواد الصفحة في كتابة تجاربهم وقصصهم التي كانوا فيها ضحايا لنفس الشخص المحتال أو ما شابهه من المحتالين الذين ينشطون على صفحات التسويق الإلكتروني.
ومن تجارب رواد السوق بحسب متابعة محرر “موقع النيلين” يحكي Ålí Sìr Ãl Khtìm
هذا واحد محتال بيضرب ليك تلفون لو انت منزل منشور حق تلفون وبيجيك في مكانك مابتحس انه حرامي إطلاقاً بالعكس كمان زول حبوب سبق وأن حضر لصاحبي بعربة أمام باب منزله وكان عنده نوت 4 وشاف التلفون وعجبه وقال لصاحبي عايز اثبات شخصية وأخرج القروش عشان يطمئن مع انه الكرتونة معاه لكن قال إلا اثبات شخصية فقط صاحبي ترك معاه التلفون ودخل المنزل لإحضار البطاقة وعندما خرج لم يجد المحتال فقد هرب.
وايضاً يشرح Mohammed Osman Abdalla بحسب رصد “موقع النيلين” كيف إحتال عليه اللص ويقول
(أحكي ليكم أنا طيب..
كنت عارض iphone6 للبيع، إتصلو علي كم زول وإتفاوضوا معاي في السعر بس هو الزول الوحيد الما إتفاوض معاي..وسألني إنت وين؟؟
قلت ليهو في بحري قال لي أنا في كافوري..وبعد كم تلفون وصف لي مكان في الصافية..مشيت ليهو والحتة محترمة ومابتشك فيها لي درجة إنو البيوت كلها فيها غفراء قاعدين في الشارع..
حضر وشاف التلفون وقال لي التلفون مشتريهو لي أختي عشان نجحت وأصر أمشي معاهو البيت وأنا إعترضت..
المهم شال التلفون ودخل البيت..تاني ماجاء راجع..ضربت ليهو لقيت التلفون مقفول..ضربت الشركه قالوا الرقم بيانتهو ما مسجله وماضرب لي رقم غيري..
بس هو كان وقع في شر أعمالهو لاني إستخدمت العلاقات والحس الأمني وفي خلال أيام عرفت عنهو إنهو ساكن وين وإسمهو منو وإتحصلت علي صورتهو ورقمهو الحقيقي وجبت واحد ببقي ليه ود خالتهو وظهر قريبهو ضابط في الشرطة وإلتزموا يسددوا المبلغ كامل)..
الخرطوم/معتصم السر/النيلين
-
-
-
-
-
-
-
-
