*بشوف الاهله اليومين دي ماسكين في قصة مباراة الاشبال
*بتكلموا عن دخول بعض من الجماهير لارضيه الملعب والاحتجاج علي الحكم
*البسمعهم بتكلموا باستغراب عن القصه دي
*يقول اصلوا ماعندهم علاقه بموقعة ذات المراتب
*تلك الموقعه التي رمت فيها الجماهير الضيوف بوابل من الحجاره والنجاره
*لا لشئ سوي انهم احرزوا هدفان في رمي ابي الهل
*فلجأ الضيوف للاحتماء بمراتب الجمباز
*والبشوف كتابهم بتبجحوا في تناولهم للموضوع داك
*يقول كتاب زي ديل اطلاقا لا يمكن ناديهم يكون عندو علاقه بمعركة ذات رجل الرايه
*رجل الرايه المسكين الذي اصابه الهلالابي الاشول بحجر طاحونه باستاد الخرطوم
*والغريبه الكوره كانت ضد اهلي شندي
*واصابة رجل الرايه لا لشئ سوي ان اهلي شندي تقدم علي ابي الهل
*اليوم داك المقاتل الوحيد في صفوف الهلال كان بكري المدينه
*جاب قونين ولكنهما تسلل
*وفقد تركيزه
*وتفلت في مرات كثيره
*لم نقرأ من احدهم ان بكري يستحق الطرد كان
*ويستحق عقوبة اضافيه
*بل اشادوا ببكري يومها
*نفس الكتاب الذين ينادون (بتصفية ) بكري اليوم لانه اعتدي ( حسب اعتقادهم ) لفظا علي رجل الرايه في مباراة شندي
*نفسهم لم ينصفوا رجل الرايه يوم معركة ذات رجل الرايه
*ولم يلوموا بكري علي فقدانه لاعصابه مرات ومرات
*انهم اليوم يسنون السكاكين لذبح بكري
*لا لشئ سوي انه بجري
*-ويخافون ان يقود المريخ لموقعة ذات المطار
*اصلوا ريحة المطار فاحت
*ايها الناس
*الذين يفتون بان اعادة مباراة المريخ والامل بديهية ولاتحتاج لخطاب
*نأسف اذا صدر هذا الكلام عنهم
*فمن البديهيات نزول الفريق المنسحب للدرجة الادني
*اين كانوا يوم انسحب الهلال من مباراة النيل الحصاحيصا ؟؟؟
*وهل تعلموا القانون امس بعد مشكلة المريخ والامل ؟؟؟
*واين كانت فتاويهم القانونيه عن البديهيات ؟؟؟
*وهل الماده 89 من اللوائح العامه تفسر حسب الهوي وبالبديهيات كمان ؟؟؟
*عيب يا كبار وبا بتوع القانون
*قال قانون قال
*طيب قول خطاب الاتحاد من عدمه لا يعتبر امرا جوهريا
*ويعتبر ان الاتحاد قد وقع في خطأ
*يستوجب هذا الخطأ اعادة المباراه
*قول الكلام كلو ده صاح
*كورة الامل دي لو كان الامل منتصر فيها كان اصريتوا ان تصححوا خطأ الاتحاد
*واصريتوا علي اعادة المباراه ؟؟؟؟
*عليكم الله كان طالبتم باعادتها احقاقا للحق وتنفيذا للقانون ؟
*ولا كان صهينتوا ودقستونا بل وحاربتهم اعادتها ؟؟؟؟؟
*قانون ايه الجاي تقول عليه
*اين كنتم واين كانوا واين كنا
*يوم فشلتم في القرايه عشان الجواز مكتوب بالبرتغالي ؟؟؟
*ويوم الانسحاب كان تمنو غالي ؟؟؟؟
*ويوم المهلة البدعه
*بدعة سحب الانسحاب خلال اتنين وسبعين ساعه
*فهل نص القانون يا ناس البديهيات علي امهال الفريق المنسحب اتنين وسبعين ساعه ليعدل قراره ؟؟؟؟
*هل توجد استتابه بموجب القانون في حالة الكفر بالاتحاد واعلان الانسحاب ؟؟؟
*يبقي من البديهيات ان نوقف كلو شئ
*ونعود للمهله البدعه
*ونصحح المسار
*نودي الدرجه الاولي من يستحقها
*لان الخطأ الذي وقع فيه الاتحاد وقتها خطأ جوهري
*جوهري يا الجوهري يا بتاع الجوهريات انت
*ويجب تصحيحه
*حيث لم يرد ان يمهل الاتحاد الفريق النسحب فترة ليسحب انسحابه
*بل ذكر العقوبات بمجرد الانسحاب
*حتي بدون اجتماع
*قال قانون قال
*صدقوني فضل ذاد الشجون ونقفل علي كده
*رجل راية كورة اهلي شندي في استاد الخرطوم ان شاء الله يكون بخير ؟؟؟؟؟
*ايها الناس
*تتذكروا اعتداء جمهور الهلال علي رجل راية كورة شندي كان شنو ؟؟؟
*كان ابعاد الهلال ليلعب خارج ملعبه وبدون جمهور
*والغريبه الكورة كانت ضد الامل ده زاتو
*حدد الاتحاد مدينة الكاملين
*رفض ابو الهل الكاملين
*وتغيرت بقدرة قادر الكورة لاستاد مدني
*لا الاتحاد قال شئ
*ولا الامل الذي نسمع به اليوم متقدما الصفوف قال شئ
*مشي مدني ولعب زي العجب واتغلب بكل ادب ورجع
*واعتقد وقتها زي كان السبب حسب ما سمعت
*انو الشرطه حارسة الامتحانات ومابتقدر تغطي كورة
*وكت ما بتقدر تغطي يبقي تقفل المكيف
*ولا شنو ؟؟؟؟
*قانون كيه نهي بالكل باجا
*المهم
*يا خالد عزالدين
*لو كان هلال فتح الله بشارة هو امتداد لفريق المسالمه
*ما بنلاويك
*بس بنطلب منك تورينا من سنة 1908 (تأسيس فريق المسالمه )
*ولي اسي سنة 2015
*ورينا الصفر الدولي بكون كم سنه
*نحنا كنا مضربنها غلط
*قايلنوا من سنة تلتين لي سنة الفين وخمسطاشر
*بكون زي خمسة وتمنين سنه
*اتاريهو اكتر من مية وسبعه سنه ؟؟؟
*عليكم الله ضربوا لينا عمرو كم صفركم ده
*دايرين نحتفل باليوبيل الماسي ليهو
*ونغني ليهو
*عقبال تطفي الشمعه الميتين
*وكت اصلوا طفي الشمعه الميه وسبعه
*ضربها يا خلودي وورينا
*ايها الناس
*الكيل بمكياليين بجيب التطفيف
*وويل للمطففين
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا (القديم )
*الخيران ما تميتها لينا
*لكن تعرف يا والينا (الجديد)
*المطرة حمرة عين ابت تجينا
*تجينا لي شنو وشن تعمل بينا
*خليها التصب حولينا وما علينا
*هو شنو الماكان علينا ؟؟؟؟؟
الله بس يهون علينا
سلك كهربا
ننساك كيف وخطاب الاتحاد للمريخ بايقاف بكري ليس امرا جوهريا في الموضوع ؟؟؟؟ جوهره انت ياخ
والي لقاء
سلك
ذات المراتب وذات رجل الراية
