.* ﺑﻼﺗﺮ ﻓﺎﺯ
* ﻻ ﺗﻌﻠﻴﻖ
* ﺍﻟﻤﻬﻢ ﺑﺮﻏﻢ ﻛﻞ ﻣﺎﺣﺪﺙ
* ﺑﻼﺗﺮ ﻓﺎﺯ
* ﻭﺑﺮﻏﻢ ﻛﻞ ﻣﺎﺣﺪﺙ
*ﺑﺮﺿﻚ ﺑﻼﺗﺮ ﻓﺎﺯ
* ﻳﺒﻘﻲ ﻋﻨﺪﻙ ﻭﺍﺣﺪ ﺑﻼﺗﺮ ﻭﺻﻠﺤﻮﻭﻭﻭﻭﻭ
* ﺍﻳﻬﺎ ﺍﻟﻨﺎﺱ
* ﺍﻧﺎ ﻛﻨﺎ ﻧﺘﺤﺪﺙ ﻋﻦ ﻓﺴﺎﺩ ﺍﻟﻨﻈﺎﻡ ﺍﻟﻜﺮﻭﻱ ﺍﻟﻌﺎﻟﻤﻲ
* ﺣﻖ ﻧﻤﺪ ﻛﺮﻋﻴﻨﻨﺎ ﻗﺪﺭ ﻟﺤﺎﻓﻨﺎ
* ﻭﻧﺘﺤﺪﺙ ﻋﻦ ﻓﺴﺎﺩ ﻣﻦ ﻋﺪﻡ ﻓﺴﺎﺩ ﺍﻟﻨﻈﺎﻡ ﺍﻟﻜﺮﻭﻱ ﺍﻟﺪﺍﺧﻠﻲ
* ﺑﻌﺪﻳﻦ ﻧﻤﺮﻕ ﻟﻲ ﺑﺮﻩ
* ﺍﻳﻬﺎ ﺍﻟﻨﺎﺱ
* ﺍﻧﺎ ﺍﺅﻣﻦ ﺑﺎﻥ ﺍﻟﺪﻳﻤﻘﺮﺍﻃﻴﻪ ﻓﻲ ﻣﺠﺘﻤﻊ ﻻ ﻳﻌﺮﻑ ﻗﺪﺭ ﺍﻟﻤﻤﺎﺭﺳﻪ
ﺍﻟﺪﻳﻤﻘﺮﺍﻃﻴﻪ
* ﺍﻓﻀﻞ ﻣﻨﻬﺎ ﺍﻱ ﺣﺎﺟﻪ ﺑﺲ ﻣﺎ ﺍﻟﺪﻳﻤﻘﺮﺍﻃﻴﻪ
* ﺍﻱ ﺷﺊ ﺗﺎﻧﻲ ﺍﻻ ﺍﻟﺪﻳﻤﻘﺮﺍﻃﻴﻪ
*ﻓﻨﺤﻦ ﻓﻲ ﻣﺠﺘﻤﻌﻨﺎ ﺍﻟﺮﻳﺎﺿﻲ ﻻﻧﻌﺮﻑ ﺍﻟﻤﻤﺎﺭﺳﻪ ﺍﻟﺪﻳﻤﻘﺮﺍﻃﻴﻪ
* ﺍﻭ ﻗﻞ ﻧﻌﺮﻓﻬﺎ ﻭﻟﻜﻦ ﻻ ﻧﻤﺎﺭﺳﻬﺎ ﺍﻃﻼﻗﺎ
* ﻓﻤﻦ ﻳﺤﺸﺪ ﺍﻟﻨﺎﺱ ﻟﺼﻮﺕ ﻳﻜﻮﻥ ﺣﺸﺪﻩ ﻟﺘﻠﻚ ﺍﻻﺻﻮﺍﺕ ﻣﻤﺎﺭﺳﻪ ﻏﻴﺮ ﺩﻳﻤﻘﺮﺍﻃﻴﻪ
* ﻭﻣﻦ ﻳﺸﺘﺮﻱ ﺍﻟﺼﻮﺕ ﻭﻳﺒﻴﻌﻪ ﻳﻨﺎﺳﺒﻪ ﺍﻟﺴﻮﻁ ﺍﻛﺘﺮ ﻣﻦ ﺍﻟﺼﻮﺕ
* ﺍﻳﻬﺎ ﺍﻟﻨﺎﺱ
* ﺑﺮﺑﻜﻢ
* ﻫﻞ ﻧﺠﺰﻡ ﺑﺎﻥ ﺍﻟﻨﺎﺧﺐ ﻓﻲ ﺍﻧﺘﺨﺎﺑﺎﺕ ﺍﻻﺗﺤﺎﺩ ﺍﻟﻌﺎﻡ ﻣﺜﻼ
* ﻫﻞ ﻳﻘﻮﻡ ﺑﺎﻻﺩﻻﺀ ﺑﺼﻮﺗﻪ ﻟﻤﻦ ﻳﺨﺘﺎﺭ ﺑﻌﻴﺪﺍ ﻋﻦ ﺍﻱ ﺩﻭﺍﻓﻊ ﻓﺴﺎﺩ ﻭﻣﺼﺎﻟﺢ ﺷﺨﺼﻴﻪ ؟؟؟
* ﻫﻞ ﻳﻜﻮﻥ ﺍﻟﺼﻮﺕ ﻟﻤﻦ ﻳﺤﻘﻖ ﺍﻟﺘﻄﻮﺭ ﻭﺍﻟﻨﻤﻮ ﻟﻤﺸﺮﻭﻋﻨﺎ ﺍﻟﻜﺮﻭﻱ ؟؟؟
* ﻫﻞ ﻣﻦ ﻳﻤﺜﻠﻮﻥ ﺍﻻﺗﺤﺎﺩﺍﺕ ﺍﻟﻤﺤﻠﻴﻪ ﺍﻟﺬﻳﻦ ﺍﺗﻮﺍ ﻟﻴﺨﺘﺎﺭﻭﺍ ﺍﺗﺤﺎﺩﻧﺎ ﺍﻟﻌﺎﻡ ﻣﺜﻼ
* ﻫﻞ ﻣﻌﻈﻤﻬﻢ ﺍﺗﻲ ﻋﻠﻲ ﻛﺮﺍﺳﻲ ﺍﺗﺤﺎﺩﺍﺗﻬﻢ ﺍﻟﻤﺤﻠﻴﻪ ﺍﻟﻮﻻﺋﻴﻪ ﻧﺘﻴﺠﺔ ﻋﻤﻠﻴﺔ ﺩﻳﻤﻘﺮﺍﻃﻴﻪ ﺳﻠﻴﻤﻪ ؟؟؟
* ﺍﻟﻤﻮﺿﻮﻉ ﺩﻩ ﺩﺍﻳﺮ ﺑﺤﺚ
* ﻭﺗﻨﻘﻴﺐ
* ﻭﺣﻔﺮ
* ﻭﺗﻤﻠﻴﻚ ﺍﻟﺠﻤﺎﻫﻴﺮ ﻟﻠﺤﻘﻴﻘﻪ
* ﻻﻧﻨﺎ ﺍﺫﺍ ﻛﻨﺎ ﻧﺮﻳﺪ ﺗﻄﻮﺭﺍ ﻛﺮﻭﻳﺎ
* ﻳﺠﺐ ﻋﻠﻴﻨﺎ ﻧﻨﻈﻒ ﺍﻟﻘﻮﺍﻋﺪ
* ﻭﺍﻟﻘﻮﺍﻋﺪ ﻋﻨﺪﻧﺎ ﻫﻲ ﺍﻻﺗﺤﺎﺩﺍﺕ ﺍﻟﻤﺤﻠﻴﻪ
*ﻭﻧﻈﺎﻓﺘﻬﺎ ﺗﻜﻮﻥ ﺑﺎﻟﺘﺎﻛﺪ ﻣﻦ ﺻﺤﺔ ﺍﻟﻤﻤﺎﺭﺳﻪ ﺍﻟﺪﻳﻤﻘﺮﺍﻃﻴﻪ ﻋﻨﺪ ﻟﻌﺒﺔ ﺍﻟﻜﺮﺍﺳﻲ
* ﻭﻳﺘﻢ ﺫﻟﻚ ﺑﺎﻟﻄﺒﻊ ﻋﻨﺪﻣﺎ ﻧﻀﻤﻦ ﺍﺩﺍﺭﺍﺓ ﺍﻻﻧﺪﻳﻪ ﺍﻟﺘﺎﺑﻌﻪ ﻟﺘﻠﻚ ﺍﻻﺗﺤﺎﺩﺍﺕ ﻭﺍﻟﺘﻲ ﻳﺤﻖ ﻟﻴﻬﺎ ﺍﻟﺘﺼﻮﻳﺖ
* ﺍﻥ ﻧﻀﻤﻦ ﺍﻧﻬﺎ ﺍﺗﺖ ﺑﺼﻮﺭﺓ ﺩﻳﻤﻘﺮﺍﻃﻴﻪ ﻭﺻﺤﻴﺤﻪ
* ﻭﺍﻥ ﻣﻦ ﻳﻤﺜﻠﻬﺎ ﻳﺴﺘﺤﻖ ﺫﻟﻚ ﺍﻟﺸﺮﻑ
* ﻭﺍﻥ ﺩﻭﺍﻓﻊ ﺍﻻﺩﻻﺀ ﺑﺼﻮﺗﻪ ﻫﻲ ﺍﻟﻤﺼﻠﺤﻪ ﺍﻟﻌﺎﻣﻪ ﻓﻘﻂ
* ﺍﺫﺍ ﺿﻤﻨﺎ ﺗﻠﻚ ﺍﻻﺗﺤﺎﺩﺍﺕ
* ﺑﺎﻟﻄﺒﻊ ﻧﻀﻤﻦ ﺻﺤﺔ ﺍﻟﻌﻤﻠﻴﻪ ﺍﻻﻧﺘﺨﺎﺑﻴﻪ ﻻﺧﺘﻴﺎﺭ ﺍﻻﺗﺤﺎﺩ ﺍﻟﻌﺎﻡ
* ﻭﻟﻨﺎ ﻭﻗﺘﻬﺎ ﺍﻥ ﻧﺘﻤﺸﺪﻕ ﻭ (ﻧﺘﺤﻨﻘﻂ ) ﻭﻧﺨﻠﻒ ﺭﺟﻞ ﻋﻠﻲ ﺭﺟﻞ ﻟﻨﻘﻮﻝ
* ﺍﻋﺘﻘﺪ ﻭﺍﻓﺘﻜﺮ ﻭﺍﻟﺤﺘﻪ ﺩﻱ
* ﺍﻳﻬﺎ ﺍﻟﻨﺎﺱ
* ﺍﺫﺍ ﻗﻤﻨﺎ ﺑﻤﺮﺍﺟﻌﺔ ﺍﺩﺍﺭﺍﺕ ﺍﻻﻧﺪﻳﻪ ﻓﻲ ﺟﻤﻴﻊ ﺍﻧﺤﺎﺀ ﺍﻟﺒﻠﺪ
*ﻓﻲ ﻛﻞ ﺍﻟﺪﺭﺟﺎﺕ
* ﻧﺠﺪ ﺍﻥ ﺍﻟﻤﻤﺎﺭﺳﻪ ﻟﺪﺧﻮﻝ ﺗﻠﻚ ﺍﻻﺩﺍﺭﺍﺕ ﻫﻲ ﺑﺪﺍﻳﺔ ﻟﻔﺴﺎﺩ ﻟﻠﻨﻈﺎﻡ ﺍﻟﻜﺮﻭﻱ
* ﻻ ﺍﻗﻞ ﻛﻠﻬﺎ
* ﻭﻟﻜﻦ ﻏﺎﻟﺒﻴﺘﻬﺎ
* ﻳﺒﻘﻲ ﺣﻘﻮ ﻣﻦ ﺗﺤﺖ ﻧﺒﺪﺃ ﺗﺼﺤﻴﺢ ﺍﻟﺒﻨﻴﺎﻥ
*ﻭﻧﻤﺸﻲ ﻟﻲ ﻓﻮﻕ
* ﻻﻋﻠﻲ ﺍﻟﺪﺭﺟﺎﺕ
* ﻟﻮ ﺻﺤﺤﻨﺎ ﺍﻟﺘﺤﺖ
*ﺍﻟﺒﺠﻲ ﻧﺘﺠﺔ ﺍﺻﻮﺍﺗﻬﻢ
* ﺑﺠﻲ ﺯﻭﻝ ﻳﺴﺘﺤﻖ
* ﻭﻟﻤﺎ ﻳﺪﻟﻲ ﺑﺼﻮﺗﻮ
* ﺑﺠﻴﺐ ﻟﻴﻨﺎ ﺍﻟﺒﺴﺘﺤﻖ ﻓﻮﻕ ﻣﻨﻮ
* ﻭﻫﻜﺬﺍ ﺍﻟﻲ ﺍﻥ ﺗﺤﺘﺮﻣﻨﺎ ﺍﻟﺪﻭﻟﻪ ﻛﻮﺳﻂ ﺭﻳﺎﺿﻲ ﺩﻳﻤﻘﺮﺍﻃﻲ ﻧﺰﻳﻪ
* ﻭﻳﺘﺤﻘﻖ ﻣﺸﺮﻭﻋﻨﺎ ﺍﻟﻜﺮﻭﻱ
* ﻗﺼﻪ ﻭﻟﺴﻪ
* ﻟﻜﻦ ﺣﻘﻮ ﻧﺒﺪﺃ ﻣﻦ ﺍﺳﻪ
* ﺍﻳﻬﺎ ﺍﻟﻨﺎﺱ
* ﺍﻛﺘﺐ ﻭﺍﻧﺎ ﻣﺎﺷﻲ ﻟﻠﻨﺎﺩﻱ ﺍﻻﻟﻤﺎﻧﻲ
* ﻧﺪﻭﺓ ﻣﻨﺘﺪﻱ ﺍﻟﻨﻴﻞ
* ﻣﺒﺎﺩﺭﺓ ﺗﻮﺣﻴﺪ ﺍﻟﺨﻄﺎﺏ ﺍﻻﻋﻼﻣﻲ ﻟﺪﻋﻢ ﺍﻟﻘﻤﻪ
* ﻣﻮﺿﻮﻉ ﺟﻤﻴﻞ ﻭﻋﺎﻗﻞ
* ﺑﺲ ﻋﺸﺎﻥ ﻳﻤﺸﻲ ﻛﻮﻳﺲ
* ﺍﻭﻝ ﺷﺊ ﺍﺧﻮﺗﻨﺎ ﺍﻻﻫﻠﻪ ﻳﺠﻮﺍ ﻳﻌﺘﺮﻓﻮﺍ ﺑﺎﻧﺠﺎﺯﻧﺎ ﺍﻻﻓﺮﻳﻘﻲ
* ﻃﺒﻌﺎ ﺍﻋﺘﺮﺍﻓﻬﻢ ﻻ ﻳﻐﻴﺮ ﻓﻲ ﺍﻟﻮﺍﻗﻊ ﺷﺊ
* ﻻﻥ ﺍﻻﺗﺤﺎﺩ ﺍﻻﻓﺮﻳﻘﻲ ﻭﺍﻟﺘﺎﺭﻳﺦ ﻭﺍﻟﻮﺍﻗﻊ
* ﻳﻌﺘﺮﻓﻮﻥ ﺟﻤﻴﻌﺎ ﺑﺘﻔﺮﺩ ﺍﻟﻤﺮﻳﺦ ﺍﻓﺮﻳﻘﻴﺎ ﻭﺗﻤﻴﺰﻩ ﻋﻦ ﻋﻤﻮﻡ ﺍﻧﺪﻳﺔ ﺍﻟﺴﻮﺩﺍﻥ
* ﺣﻘﻴﻘﻪ ﺷﺎﻣﻲ ﻟﻲ ﺭﻳﺤﺔ ﻣﻄﺎﺭ
* ﻭﻋﺸﺎﻥ ﻣﺎ ﻧﻀﻴﻊ ﺍﻟﺠﻬﻮﺩ ﻓﻲ ﻓﺎﺭﻏﻪ
* ﻭﻋﺸﺎﻥ ﻧﺘﻔﺮﻍ ﻟﻠﻤﻄﺎﺭ
* ﺣﻘﻮ ﻧﺪﻋﻢ ﺍﻟﻤﺒﺎﺩﺭﻩ
* ﺍﻟﺸﺮﻁ ﺍﻻﺳﺎﺳﻲ ﺍﻗﺘﻨﺎﻉ ﺍﻟﻄﺮﻑ ﺍﻵﺧﺮ ﺑﺎﻟﻤﻮﺿﻮﻉ
* ﻻﻧﻲ ﺷﺎﻳﻔﻬﻢ ﻟﻴﻬﻢ ﻛﻢ ﻳﻮﻡ
* ﻛﻼﻣﻬﻢ ﻛﻠﻮ ﺍﻟﻨﺎﺩﻱ ﺍﻻﻟﻤﺎﻧﻲ
* ﺭﺋﻴﺴﻮ ﺟﻤﺎﻝ ﺍﻟﻮﺍﻟﻲ
* ﻭﺍﻟﻤﺒﺎﺩﺭﻩ ﻋﺎﻣﻠﻠﻪ ﺟﻤﺎﻝ
* ﻭﻗﺼﺺ ﻻ ﺗﻘﺪﻡ ﻟﻼﻣﺎﻡ
* ﺍﺫﺍ ﺍﻟﻄﺮﻑ ﺍﻟﺘﺎﻧﻲ ﻓﻬﻢ ﻭﻗﺪﺭ ﺍﻟﻤﺒﺎﺩﺭﻩ
* ﻧﺤﻦ ﻟﻬﺎ
* ﻭﻧﻤﺪ ﺍﻳﺎﺩﻳﻨﺎ ﺻﻔﺮﺍﺀ ﻓﺎﻗﻊ ﻟﻮﻧﻬﺎ ﺗﺴﺮ ﺍﻟﻨﺎﻇﺮﻳﻦ
* ﻭﺍﺫﺍ ﺍﻟﻄﺮﻑ ﺍﻟﺘﺎﻧﻲ ﺍﺧﺘﺎﺭ ﻃﺮﻳﻖ ﺗﺎﻧﻲ
*ﻟﻜﻢ ﺩﻳﻨﻜﻢ ﻭﻟﻴﺎ ﺩﻳﻦ
* ﻭﺗﺒﺪﻭ ﻭﻗﺘﻬﺎ ﻋﻴﻮﻧﻨﺎ ﺣﻤﺮﺍﺀ ﺗﻠﻬﺐ ﺍﻟﺪﻧﻴﺎ ﺣﻤﺎﺳﺎ
*ﻭﻧﻤﺸﻲ ﻣﻄﺎﺭﻧﺎ
* ﺍﻟﻤﻬﻢ
* ﻗﺎﻟﻮﺍ ﺑﻜﺮﻱ ﺣﺎﻳﻮﻗﻔﻮﻫﻮﺍ
* ﻭﻗﺒﻞ ﻛﺪﻩ ﻗﺎﻟﻮﺍ ﻃﻤﺒﻞ ﺣﺎﻳﻮﻗﻔﻮﻫﻮﺍ
*ﻭﻗﻔﻮﺍ ﻃﻤﺒﻞ ﺍﻭﻝ
* ﻭﺑﻌﺪﻳﻦ ﺗﻌﺎﻟﻮﺍ ﻟﻲ ﺑﻜﺮﻱ
* ﻟﻮﺯﺍﻥ ﻳﺎ ﻋﻤﻚ ﻗﺎﻝ ﻟﻴﻚ ﺍﻟﻴﻮﻣﻴﻦ ﺩﻱ
* ﺍﻭﺍﻣﺮ ﻗﺒﺾ ﺳﺎﺍﺍﺍﺍﺍﺍﺍﻱ
* ﺍﻋﻤﻠﻮﺍ ﺣﺴﺎﺑﻜﻢ
* ﺍﻧﻌﻢ ﺑﺒﺮﻃﻌﻪ ﻳﺎ ﺑﻜﺮﻱ ﻟﻤﻦ ﺗﻘﻮﻝ ﻛﻔﻲ
* ﻭﺑﻜﺮﻱ ﺟﺎﺭﻱ
* ﻭﺍﻟﺠﻤﺎﻋﻪ ﺟﺎﺭﻳﻴﻦ ﻟﻮﺯﺍﻥ ﻭﺭﺍ
* ﺍﻳﻬﺎ ﺍﻟﻨﺎﺱ
* ﺍﻥ ﺗﻨﺼﺮﻭﺍ ﺍﻟﻠﻪ ﻳﻨﺼﺮﻛﻢ
* ﺍﻫﺎ
* ﻧﺠﻲ ﻟﻲ ﺷﻤﺎﺭﺍﺕ ﻭﺍﻟﻲ ﺍﻟﺨﺮﺗﻮﻡ
*ﻭﺍﻟﻴﻨﺎ
* ﺑﺮﻏﻢ ﺍﻟﻤﻌﻄﻴﺎﺕ ﻣﺼﺮ ﺍﻟﻤﺪﺍﺭﺱ ﺗﻔﺘﺤﻬﺎ ﻟﻴﻨﺎ ؟؟؟
*ﻛﺮ ﻋﻠﻴﻨﺎ
* ﻳﺎﻧﺎ ﺍﻟﻤﺎﻗﺮﻳﻨﺎ
*ﻛﺮ ﻋﻠﻴﻨﺎ
* ﺍﻟﺴﺤﺎﺋﻲ ﺑﺨﺘﻬﺎ ﻟﻴﻨﺎ
*ﻛﺮ ﻋﻠﻴﻨﺎ
* ﻣﺎﻋﻨﺪﻧﺎ ﻓﻲ ﺍﻟﻔﺼﻞ ﻣﺮﻭﺣﻪ ﺗﻠﻒ ﻓﻮﻕ ﺭﻳﺴﻴﻨﺎ
* ﺗﻔﺘﺢ ﻣﻨﺘﺼﻒ ﻳﻮﻧﻴﻮ ﺻﺒﺎﺣﺎ ﻳﺎ ﻭﺍﻟﻴﻨﺎ
* ﺍﻟﺪﻓﻦ ﻣﻨﺘﺼﻒ ﻳﻮﻧﻴﻮ ﻋﺼﺮﺍ ﻳﺎ ﺣﻠﻴﻠﻨﺎ
ﺳﻠﻚ ﻛﻬﺮﺑﺎ
ﻧﻨﺴﺎﻙ ﻛﻴﻒ ﻭﺍﻟﻤﺪﺭﺳﻪ ﻭﺭﻣﻀﺎﻥ ﻭﺍﻟﺨﺮﻳﻒ ﻛﻠﻬﻦ ﻓﻲ ﺍﻟﺼﻴﻒ
ﻭ إلى ﻟﻘﺎﺀ
ﺳﻠﻚ
ﺍﻋﺘﻘﺪ ﻭﺍﻓﺘﻜﺮ ﻭﺍﻟﺤﺘﻪ ﺩﻱ
