ﺇﻥ ﻛﺎﻧﺖ ﻛﻠﻤﺔ (ﻛﺎﺑﻮ ) ﺇﻳﻄﺎﻟﻴﺔ ﺍﻷﺻﻞ ﻭﺗﻌﻨﻲ ﺍﻟﻘﺎﺋﺪ ﺃﻭ ﺍﻟﺰﻋﻴﻢ، ﻓﺈﻥ (ﻛﺎﺑﻮ ﺳﻜﺮﻭﺏ ) ﺍﻷﻧﻐﻮﻟﻲ ﻋﺮﻑ ﺑﺎﻷﺳﻢ ﻣﻦ ﻫﻮ (ﺍﻟﻨﺎﺩﻱ ﺍﻟﻘﺎﺋﺪ ) ﺍﻟﺬﻱ ﻳﺴﺘﺤﻖ ﻛﻞ ﺍﻷﻟﻘﺎﺏ ﻭﺍﻟﺘﺒﺠﻴﻞ ﻭﺍﻟﺘﻌﻈﻴﻢ !..
* ﺇﻥ ﻛﺎﻥ ﻟﻘﺐ (ﻛﺎﺑﻮ ) ﻳﺠﻤﻌﻨﺎ ﺑﺎﻟﻔﺮﻳﻖ ﺍﻷﻧﻐﻮﻟﻲ، ﻓﻼ ﺭﻏﺒﺔ ﻟﻨﺎ ﻓﻲ ﺍﻟﻠﻘﺐ ﻭ (ﺍﻟﺒﺮﻛﺔ ﻓﻲ ﺃﺧﻮﺍﻥ ﺭﻣﻀﺎﻥ ﻋﺠﺐ ) !..
* (ﻛﺎﺑﻮ ) ﺃﻣﺲ ﺃﻭﻻﺩﻧﺎ ﻣﺠﻨﻨﻮ ..ﻭ (ﺍﻟﻠﻘﺐ ) ﻳﺎ ﻣﺰﻣﻞ ( ﺩﺍ ﻃﺮﻓﻨﺎ ﻣﻨﻮ ) !..
* ﺍﻷﻧﻐﻮﻟﻲ ﺩﺧﻞ ﻣﺒﺎﺭﺍﺓ ﺍﻷﻣﺲ ﺑﺤﻤﺎﺱ ﺯﺍﺋﺪ، ﻟﻴﺴﻴﻄﺮ ﺍﻟﻤﺮﻳﺦ ﻋﻠﻰ ﺍﻟﻤﻠﻌﺐ، ﻭﺳﺮﻋﺎﻥ ﻣﺎ ﻓﻘﺪ ( ﻛﺎﺑﻮ ) ﺗﺮﻛﻴﺰﻭ ﺃﻋﺼﺎﺑﻮ !..
* ﺇﻧﺘﺼﺮﻧﺎ ﺃﻣﺲ ﺑﻬﺪﻓﻴﻦ ﻧﻈﻴﻔﻴﻦ ﻭﻛﺎﻥ ﺑﺈﻣﻜﺎﻧﻨﺎ ﺍﻟﺨﺮﻭﺝ ﻣﻨﺘﺼﺮﻳﻦ ﺑﺨﻤﺴﺔ ﺃﻫﺪﺍﻑ ﻛﺄﻓﻀﻞ ﺭﺩ ﻋﻠﻰ ﻟﺠﺎﻥ ﺍﻟﺘﺮﺑﺺ ﻭﺍﻹﺳﺘﻬﺪﺍﻑ !..
* ﺍﻟﻠﺠﺎﻥ ﺍﻟﺘﻲ ﺗﺴﺘﻬﺪﻑ ﺍﻟﻤﺮﻳﺦ ﺍﻟﺮﺩ ﻋﻠﻴﻬﺎ ﺑﺎﻹﻧﺘﺼﺎﺭﺍﺕ .. ﻭ ( ﻳﻼ ﻧﻮﺍﺻﻞ ﺍﻟﻤﺸﻮﺍﺭ ﻭﻧﺨﺮﺱ ﺍﻟﺸﻤﺎﺕ، ﻭﺧﻠﻮﻧﺎ ﻣﻦ ﻭﺻﺎﻳﻔﺔ ﺍﻟﻨﺠﻴﻬﺔ ﺍﻟﻤﺎ ﺑﻌﺮﻓﻮﺍ ﺍﻟﺠﻴﻬﺔ ) !..
* ﺭﺳﻢ ﺍﻟﺼﻔﻮﺓ ﺃﻣﺲ ﻟﻮﺣﺔ ﺗﻼﻗﻲ ﺑﺎﺫﺧﺔ ﺍﻟﺠﻤﺎﻝ، ﻭ ( ﺣﻘﻴﻘﻲ ﺍﻟﺠﻤﻬﻮﺭ ﺍﻟﻌﻈﻴﻢ ﺩﺍﺋﻤﺎً ﻣﺎ ﻳﺴﺎﻧﺪ ﺍﻷﻧﺪﻳﺔ ﺍﻷﺑﻄﺎﻝ ) !..
* ﻗﺪﻡ ﺍﻟﺼﻔﻮﺓ ﻣﻠﺤﻤﺔ ﻟﻠﺘﺎﺭﻳﺦ ﻭ (ﻧﺄﻣﻞ ﺃﻥ ﻳﻜﻮﻥ ﺃﺧﻮﺍﻧﻨﺎ ﺍﻟﻮﺻﺎﻳﻔﺔ ﺍﺧﺪﻭﺍ ﻧﻘﻠﺔ ﻣﻦ ﺻﻔﻮﺓ ﺍﻟﻤﺮﻳﺦ ) !..
* ﺇﻫﺪﺍﺭ ﺭﻛﻼﺕ ﺟﺰﺍﺀ ﺃﺷﻜﺎﻟﻴﺔ ﺣﻘﻴﻘﻴﺔ ﻳﻨﺒﻐﻲ ﺃﻥ ﻳﻀﻊ ﻟﻬﺎ ﺍﻟﺠﻬﺎﺯ ﺍﻟﻔﻨﻲ ﺍﻟﺤﺪ، ﻓﺄﻣﺲ ﺃﺿﺎﻉ ﻭﺍﻧﻐﺎ ﻭﻣﻦ ﻗﺒﻠﻪ ﺃﻭﻛﺮﺍ ..ﻭ ( ﻳﺎ ﻏﺎﺭﺯﻳﺘﻮ ﺩﻱ ﺣﻜﺎﻳﺔ ﺧﻄﺮﺓ ) !..
* ( ﻛﺎﺑﻮ ) ﻓﻘﺪ ﺑﺎﻷﻣﺲ ﺃﻋﺼﺎﺑﻮ !..
* ﻛﻤﻠﻨﺎ ﺍﻟﺤﺼﺔ ﺍﻷﻭﻟﻰ ﺧﻼﺹ : ﻭﺿﺮﺑﻨﺎ ( ﻛﺎﺑﻮ ) ﺣﺘﻰ ﺍﺳﺘﻐﺎﺙ .. !!
* ﺭﻏﻢ ﺃﻥ ﺇﺳﻤﻪ ﺍﻷﻭﻝ (ﻛﺎﺑﻮ ) ﻓﺈﻥ ( ﺳﻜﻮﺭﺏ ) ﺍﻷﻧﻐﻮﻟﻲ ﻟﻢ ﻳﺠﺪ ﻣﻨﺎ ﺃﺩﻧﻰ ﺗﻌﺎﻃﻒ، ﻭﻛﺎﻥ ﺃﻣﺲ ﻣﻮﻋﺪﻩ ﺍﻷﻭﻝ ﻣﻊ ﺍﻹﻋﺪﺍﻡ ﻭﺑﺪﺃﻳﺔ ﻣﺸﻮﺍﺭ ﺍﻟﻠﺤﺎﻕ ﺑﺮﻛﺐ (ﻋﺰﺍﻡ ) !..
* ﻳﺎ ﻋﺰﻳﺰﻱ ﻣﺰﻣﻞ : ﻛﻞ ﺍﻟﺠﻤﺎﻫﻴﺮ ﺍﻟﺤﻤﺮﺍﺀ ﺣﺮﺻﺖ ﺃﻣﺲ ﻋﻠﻰ ﺍﻟﻤﺸﺎﺭﻛﺔ ﻓﻲ ﻳﻮﻡ ﺍﻟﻀﺮﺏ ﺍﻟﻤﺒﺮﺡ ﻟﻜﺎﺑﻮ ( ﺍﻟﻔﺮﻳﻖ ) ﻭ ( ﻛﻞ ﺍﻟﺼﻔﻮﺓ ﻛﺎﻧﻮﺍ ﺧﻠﻒ ﻟﺰﻋﻴﻢ
ﻓﻲ ﻣﻠﺤﻤﺔ ﺍﻟﻌﺒﻮﺭ ﻣﻦ ﺍﻟﺨﺮﻃﻮﻡ، ﻭﻻ ﻋﺰﺍﺀ ﻟﻸﻋﺪﺀ ﻭ )) ﺍﻟﻤﻨﺪﺳﻴﻦ ((ﻭﺍﻟﺨﺼﻮﻡ ) !..
* ﺇﺫﺍ ﻛﺎﻥ ﺇﺳﻢ ﺍﻟﻔﺮﻳﻖ ﺍﻹﻧﻐﻮﻟﻲ (ﻛﺎﺑﻮ ) ، ﻓﺄﻣﺲ ﻟﻢ ﻳﻜﻦ ﻳﻮﻡ ﻛﺎﺑﻮ ﺍﻟﻔﺮﻳﻖ ﻭ (ﺍﻟﺤﺒﻴﺐ ﻳﻘﻮﻝ ﻟﻠﻤﻨﺪﺱ، ﻭﺍﻟﻌﺪﻭ ﻳﻜﻠﻢ ﺍﻟﺼﺪﻳﻖ ) !..
* ﺟﻤﻬﻮﺭﻧﺎ ﺟﺎ ﻣﻦ ﺑﺪﺭﻱ .. ﻭﻫﺘﺎﻓﻨﺎ ﻛﺎﻥ ﻋﺎﻟﻲ .. ﺛﻨﺎﺋﻴﺔ (ﻻ ﻓﻴﻬﺎ ﺷﻖ ﻻ ﻃﻖ ) .. ﻭ ( ﻳﻼ ﻧﻜﺘﺮ ﺍﻟﻀﺒﺎﺋﺢ ﻗﺒﻞ ﺍﻟﺴﻔﺮ ﻭ ( ﻛﺎﺑﻮ ) ﻳﺤﺼﻞ ﻋﺰﺍﻡ ﻭ ( ﻳﻌﻤﻞ ﺭﺍﻳﺢ ) !..
* ( ﺍﻟﺴﻔﺮﺓ ) ﻭﺍﻟﻀﺒﻴﺤﺔ ﻣﺘﺒﺎﺭﻳﺎﺕ !..
* ﺍﻟﻀﺒﺎﺋﺢ ﺟﻬﺠﻬﺖ ( ﺍﻟﻜﺒﺴﻮﺭﺍﺏ ) ، ﻭﻧﺤﻨﺎ ﺣﺴﻤﻨﺎ ﺍﻟﺠﻮﻟﺔ ﺍﻷﻭﻟﻰ، ﻭ ( ﺑﻌﺪ ﻛﺪﺍ ﻧﺸﻮﻑ ﻓﺮﻗﻌﺔ ﺍﻹﻧﺴﺤﺎﺏ ) !..
* ﺃﺟﻤﻞ ﻣﺎﻓﻲ ﻣﺒﺎﺭﺍﺓ ﺃﻣﺲ ﺍﻟﻠﻮﺣﺔ ﺍﻟﺰﺍﻫﻴﺔ ﺍﻟﺘﻲ ﺭﺳﻤﻬﺎ ﺍﻟﺠﻤﻬﻮﺭ .. ﺃﻣﺲ ﺍﻟﻨﺎﺱ ﺇﺗﻼﻗﺖ ﻓﻲ ﺍﻟﻤﻘﺼﻮﺭﺓ ﻭﺍﻟﺠﺎﻧﺒﻴﺔ ﻭﺍﻟﻤﺪﺭﺟﺎﺕ ﺍﻟﺸﻌﺒﻴﺔ ﻭﻃﺎﺑﻖ
ﺷﺎﺧﻮﺭ ﻭﺍﻟﺼﻔﻮﺓ ﻗﻄﻌﻮﺍ ﻣﻦ ﺍﻟﻘﻠﻌﺔ ( ﺗﺬﺍﻛﺮ ﺍﻟﻌﺒﻮﺭ ) !..
* ﺧﻠﻮﻧﺎ ﻳﺎ ﺻﻔﻮﺓ ﺑﻌﺪ ﻛﺪﺍ ﻧﺮﻛﺰ ﻣﻊ ﻛﻮﺭﺓ ﺍﻹﻳﺎﺏ ..ﻭ ( ﺳﻴﺒﻮﻧﺎ ﻣﻦ ﺩﻭﺷﺔ ﺑﺘﺎﻋﻴﻦ ﺍﻹﻧﺴﺤﺎﺏ ) !..
* ﺩﺍﻳﺮﻳﻦ ﻧﻀﺮﺏ ﺍﻷﻧﻐﻮﻟﻴﻴﻦ ﻭ ( ﺍﻟﻌﺎﻣﻠﻴﻦ ﻓﻴﻬﺎ ” ﻣﻨﺴﺤﺒﻴﻦ (” !..
* ﺟﺒﻨﺎ ﻗﻮﻧﻴﻦ ﻣﻦ ﺑﺪﺭﻱ .. (ﻗﻄﻌﻨﺎ ﻧﺼﻒ ﺍﻟﻤﺸﻮﺍﺭ، ﻭﻳﻨﺘﻈﺮﻧﺎ ﻓﻲ ﻟﻮﺍﻧﺪﺍ ﻟﻘﺎﺀﺭﻣﺎ ﺳﺎﻫﻞ، ﻭﺃﺟﻤﻞ ﺣﺎﺟﺔ ﺃﻧﻨﺎ ﺃﻣﺲ ﺿﺮﺑﻨﺎ ﻛﺎﺑﻮﻳﺎﺕ ﺍﻟﺪﺍﺧﻞ ) !..
* ﻳﺎ ﻣﺰﻣﻞ : ﺿﺮﺑﻨﺎ ﺍﻷﻧﻐﻮﻟﻲ ﺍﻟﺠﺎﻱ ﻓﺎﻗﺪ ﺃﻋﺼﺎﺑﻮ ﻭ ( ﺇﻧﺘﻬﻴﻨﺎ ﻣﻦ ﺟﻤﺎﻋﺔ ﺍﻟﺨﺮﻃﻮﻡ ﺍﻟﻮﺍﻗﻔﻴﻦ ﻣﻊ ﻛﺎﺑﻮ ) !..
* ( ﻛﺎﺑﻮ ) ﻣﻴﻦ ﻭﺍﻟﺼﻔﻮﺓ ﻣﺘﺠﻤﻌﻴﻦ .. !
* ﺿﺮﺑﻨﺎ ﺍﻷﻧﻐﻮﻟﻲ ﺑﻘﻮﻧﻴﻦ ﻭﺭﺑﻨﺎ ﺃﻧﻘﺬ ﻛﺎﺑﻮ ﺑﻀﻴﺎﻉ ﺍﻛﺘﺮ ﻣﻦ ﻗﻮﻥ .. ﻭ ( ﻣﻦ ﻟﻮﺍﻧﺪﺍ ﺍﻟﻌﺒﻮﺭ ﻣﻀﻤﻮﻥ ) !.
* ﻣﻦ ﺍﻟﻠﻴﻠﺔ ﺩﺍﻳﺮﻳﻦ ﻧﻔﺘﺢ ﻣﻠﻒ ﺍﻟﺬﻫﺎﺏ، ﻭﻧﺮﻓﻊ ﺿﻐﻂ ( ﻧﺎﺱ ﺍﻹﻧﺴﺤﺎﺏ ) !..
* ﺍﻟﺼﻔﻮﺓ ﺷﺠﻌﻮﺍ ﻋﻠﻲ ﻣﺪﺍﺭ ﺍﻟﺸﻮﻃﻴﻦ، ﻭﻃﻠﻌﻮﺍ ﻣﻨﺼﻮﺭﻳﻦ !..
* ﻗﻮﻥ ﺿﻔﺮ ﺍﻷﻭﻝ ﺯﺍﺩﻧﺎ ﻟﺨﻄﻒ ﺑﻄﺎﻗﺔ ﺍﻟﻌﺒﻮﺭ، ﻭ ( ﻗﻮﻥ ﻛﻮﻓﻲ ﺍﻟﺘﺎﻧﻲ ﺣﺮﻗﻨﺎ ﺑﻴﻬﻮ ﻗﻠﺐ ﻛﺒﺴﻮﺭ ) !..
* ﻗﻠﺐ ﻛﺒﺴﻮﺭ ﻣﺎ ﻧﻀﻴﻒ .. ﻭ (ﻳﺎ ﺻﻔﻮﺓ ﺃﺑﻘﻮﺍ ﺍﻟﺼﻤﻮﺩ ﻣﺎ ﺗﺒﻘﻮﺍ ﻭﺻﻴﻒ ) !..
* ﺭﺩ ﺍﻟﺰﻋﻴﻢ ﺃﻣﺲ ﻋﻠﻰ ﻗﺮﺍﺭﺍﺕ ﺍﻹﺳﺘﻬﺪﺍﻑ ﻭﺍﺧﺮﺱ ﺍﻟﻤﺘﺮﺻﺪﻳﻦ، ﻭ ( ﺍﺗﻨﻴﻦ ﻛﺎﺑﻮ ) ﻫﺪﻳﺔ ﻟﻠﻜﺒﺎﺳﺮﺓ ﺍﻟﻤﻨﺴﺤﺒﻴﻦ !..
* ﺍﻟﺰﻋﻴﻢ ﻏﻠﺐ ﺇﺗﻨﻴﻦ ﺍﻟﻜﺒﺎﺳﺮﺓ ﺍﻟﻠﻴﻠﺔ ﻻﻋﺒﻴﻦ ﻭﻻ ﻣﻨﺴﺤﺒﻴﻦ !..؟
* ﻳﺎ ﻣﺤﻤﺪ ﻋﺒﺪ ﺍﻟﻤﺎﺟﺪ : ﻟﻮ ﺩﺍ ﻓﺮﻳﻘﻜﻢ ﺍﻹﻧﺴﺤﺎﺏ ﺑﻔﻴﺪﻛﻢ !!..
* ﺃﻣﻴﺮ ﻭﻋﻼﺀ ﺍﻟﺪﻳﻦ ﻛﺎﻧﺎ ﺻﻤﺎﻡ ﺁﻣﺎﻥ .. ﻭ ( ﺍﻟﻜﻮﺭﺓ ﺍﻟﻤﻨﻈﻤﺔ ﺑﺘﺒﺪﺃ ﻣﻦ ﺍﻟﺨﻠﻒ ﻭﺍﻟﻬﺠﻤﺎﺕ ﺑﺘﺠﻲ ﺑﺎﻟﺼﻒ ) !..
* ﻣﻠﺼﺔ ﺣﺎﺭﺱ ﻛﺎﺑﻮ ﻟﻜﻮﺭﺓ ﺃﻳﻤﻦ ﺳﻌﻴﺪ ﺍﻟﻤﻌﻜﻮﺳﺔ ﺫﻛﺮﺗﻨﺎ ﺟﻤﻌﺔ .. ( ﻭﺩ ﺁﺑﻴﻴﻲ ﺩﺍ ﻭﻳﻦ ﻳﺎ ﺟﻤﺎﻋﺔ ﻟﻴﻨﺎ ﻣﻨﻮ ﺯﻣﻦ ) !..
* ﺗﺮﻛﻴﺰ ﺿﻔﺮ ﺍﻟﻌﺎﻟﻲ ﺩﻓﻌﻪ ﻹﺣﺮﺍﺯ ﺍﻟﻬﺪﻑ ﺍﻷﻭﻝ ﺑﻌﺪ ﺃﻥ ﻛﺎﻥ ﻣﺘﺨﺼﺺ ﻓﻲ ﺃﻗﻮﺍﻥ ﺍﻟﺮﺃﺱ ﻭﺍﻹﺳﺘﻔﺎﺩﺓ ﻣﻦ ﺍﻟﻤﻌﻜﻮﺳﺎﺕ ﻭ ( ﺍﻟﺰﻋﻴﻢ ﻣﺎﺷﻲ ﻟﻮﺍﻧﺪﺍ ﻳﻮﺍﺻﻞ
ﺍﻹﻧﺘﺼﺎﺭﺍﺕ ) !..
* ﺇﺳﺘﻤﺘﻌﻨﺎ ﺑﻜﻮﻓﻲ ﻭﺣﺮﻣﻨﺎ ﻏﺎﺭﺯﻳﺘﻮ ﻣﻦ ﺃﻭﻛﺮﺍ ﻣﻊ ﺃﻧﻨﺎ ﻛﻨﺎ ﻧﻄﻤﻊ ﻓﻲ ﺭﺅﻳﺔ ( ﺍﻟﺜﻨﺎﺋﻴﺔ ﺍﻟﺨﻄﺮﺓ ) !..
* ﺃﺛﺒﺖ ﺭﻣﻀﺎﻥ ﻋﺠﺐ ﺃﻧﻪ ﻻﻋﺐ ( ﺑﻤﻸ ﺍﻟﻤﻴﺪﺍﻥ ) ﻭﻓﺪﺍﺋﻲ ﻣﺴﺘﻌﺪ ﻷﺩﺍﺀ ﺍﻟﻀﺮﻳﺒﺔ ﺍﻟﺤﻤﺮﺍﺀ ﻓﻲ ﺃﻱ ﻣﻜﺎﻥ !..
* ﺟﺎﺑﺴﻮﻥ ﻣﺘﺨﺼﺺ ﺇﺳﺘﺨﻼﺹ ﺑﺪﻭﻥ ﺧﺴﺎﺋﺮ .. ﻭ (ﺍﻟﻌﺎﺟﺒﻨﻲ ﻓﻲ ﻛﻮﻓﻲ ﺩﺍ ﺃﻧﻮ ﺳﻤﻮ ﻓﺎﺋﺮ ) !..
* ﻣﺎ ﻋﻨﺪﻧﺎ ﺍﻟﻠﻴﻠﺔ ﻛﻼﻡ ﻛﺘﻴﺮ .. ﻭ (ﺗﻌﺎﻟﻮﺍ ﺑﻜﺮﺓ ﺑﺪﺭﻱ ﻋﺸﺎﻥ ﺗﻌﺮﻓﻮﺍ ﺑﺎﻗﻲ ﺍﻟﺘﻔﺎﺻﻴﻞ ) !..
ﻧﻘﺶ ﺃﺧﻴﺮ
* ﺑﺪﻳﻨﺎ ﺍﻟﻌﺒﻮﺭ ﻣﻦ ﻛﻮﺭﺓ ﺍﻟﺬﻫﺎﺏ ﻭﺿﺮﺑﻨﺎ ﻛﺎﺑﻮ ﻭﺑﺘﺎﻋﻴﻦ ﺍﻹﻧﺴﺤﺎﺏ
(ﻛﺎﺑﻮ ) ﻓﻘﺪ ﺃﻋﺼﺎﺑﻮ ..
