أنا بكره الزول البخُت وطناً بديل في مطرحك
بيهو احتمي..
رافض تمام الانتماء ليك يا وطن..
هويتو ذاتا على المحك
ما قادر يَميّز بين نظام حاكم عنيد
بين وطن راسخ تليد
فيهو عزة الوالدة كانت.. تحتفل بي كل وليد
تلقاهو ماخد ملمحك
كيف أكرهك
يا بلدي يا مهد الجدود
مين يشبهك..؟
أنا ما غشيم .. يا وطني حاشا ولا لئيم
أنا من سلالة الزمن القديم
جدي ترهاقا الكبير
أمي من نسلٍ كريم
من ذهني قط ما بمسحك
بيني بينك يا بلد ميثاق عظيم
محال أخونك أجرحك
عاشق تُرابك يا بلد فيك مستقيم
ما ناوي أبداً أبرحك
جاحد أنا.. ناكر جمايلك.. يا وطن..؟
شان أكرهك..؟
إن جُرت يا وطني الحبيب في يوم عليّ
بسراع أجيك.. طالب السماح
يا وطني أسعى أسامحك
كيف أكرهك..؟
بيني بينك ذكريات
مدفونة فيك من ماضي فات
مغروسة في جوة الأرض..
مصونة زيها والعَرِض
كيف افترض
أجفاك يوماً أكرهك
أنا فيك ما نبات مزروع هنا ..
أثمِر أنا .. محصول وفير .. شان أفرِحك
أنا عندي فيك كم من رفات
أهلي الزمان أهل الثبات
الزينوها ملامحك
أنا بعشقك ما بكرهك
صحيفة الجريدة
ت.أ
مقالات ذات صلة
-
-
-
-
-
-
-
-
