* الناس بتجيهم ليلة القدر.
* تراورى مشى لى ليلة القدر فى حى الصفا.
* عمك قال لترا,رى داير شنو؟؟؟
* أول مرة تراورى يسمع كلمة زى دى فى السودان.
* زمان مافى زول بقول ليهو داير شنو.
* لأنو لو سألوهو السؤال ده بقول داير قروشى اسع نااااااااو.
* وقبض تراورى اب صلعة بالربط.
* هبر هبر.
* قرب يكورك.
* تلاتة دقايق كانت كافية جداً.
* قالوا تراورى قال لوكيلو.
* ربع المبلغ ده فى الهلال لما طالبت بيهو.
* خالد بخيت وقع.
* السادة أجتمع مع قدامى اللاعبين.
* المترجم مشى لى رئيس النادى.
* رئيس النادى قفل بيتو ومشى الدكان.
* ربع المبلغ ده.
* الهلال كلو يتطاقش لمن أستقالو.
* تراورى قال سمعنا بالمريخ.
* حكاوى.
* لكن الليلة شفناها.
* أيها الناس.
* الهلال سدد مديونيات أجانب مشاطيب تلتمية وخمسين الف دولار.
* يعنى حوالى قريب تلاتة مليار.
* وجدد لى كاريكا بى مليار وستمية.
* ولى خليفة باربعمية.
* ولى مساوى بالشى الفلانى.
* فضل ليهو شنو من عشرة مليار الحكومة يسجلوا بيها من جديد!!!!
* غايتو البعرفو انا فخامة الحكومة الكبيرة الجديدة ما بتلعب بى قروش الوطن.
* ولذا استبعد ان تبهلها للهلال تانى.
* كلو زول يكون نفسو ويمشى فريقو.
* أذا الحكومة أرادت ان تدفع.
* جيمى يستلم لينا حقنا حاااااااااار.
* وأذا الحكومة حرنت.
* جيمى بيعرف يجيب من وين.
* كعب العدم.
* أيها الناس.
* الأهلة العاجبنى فيهم يحسنون التنبؤ.
* تخيل الأستاذ عبدالمنعم.
* سموهوا شجرابى قبل النادى ما يتعلق فى شجرة.
* من زمن بتكلموا عن الحركة الوطنية.
* والآن قلبوا.
* الشجرة الوطنية.
* روشا.
* حفظت نشيد الهلال الجديد؟؟؟
* النشيد بتاع اوغك تقطع صفقة شجرة.
* المهم.
* أتباع توصيات كروجر هو الطريق للقاء بالمطار.
* جوية يا عمك.
* وعمك بستاهل جوية يخرس بيها ناس كدة.
* محتاج جوية تتوج تلك الجهود والمليارات.
* يا ريس.
* أستعنت برأى ناس كتار.
* المرة دى استعن بالله والمدرب.
* صوقنى بنلتقى بالمطار.
* روشا.
* العجب أتفاوض ليكم ولا لسة؟
* أعملوا حسابكم من المرجيحة.
* الزول ده بحاوركم.
* يخلى ليكم الهلال فى جهة والشجرة فى الجهة التانية.
* ويرجعكم نادى حركة وطنية.
* وطنية بالطا؟؟؟؟
* أيها الناس.
* منو القال هيثم يريد ان يصبأ؟؟؟؟؟
* ناس فطومة اختى مقالاتهم بالنمر كمان.
* هيثم يريد.
* يريد.
* طيب مايريد.
* من حقو يريد.
* أصلو مريد.
* وملتزم فى المسيد.
* ويريد ان يعطى موسماً أستثنائياً فى الزعيم.
* موسم يتوج فيه رحلته بكأس جوية.
* جوية يا فطومة يعنى أفريقية رسمية.
* طبعاً لما نقول جوية ناس فطومة بفتكرونا بنتكلم صينى.
* أيها الناس.
* هيثم وصف اعلام الجماعة بصحن الفول وهو لاعب لهم.
* وبرغم ذلك مجده نفس ذلك لفول أقصد الأعلام.
* هيثم وصف رئيس الهلال بما وصف.
* وكلامو ده قالوا فى نفس الصحيفة التى يكتب بها فطومة وروشا.
* بل روشا أجرى الحوار.
* يبقى كيف انتو بتنشروا تعدى الحدود على هلال الحركة.
* وتجوا تلوموا الزول الحاورتوهو وأستنطقتوهوا وأيدتوهوا.
* البرنس هو البرنس.
* ولم يخلق مشكلة بالمريخ يا فطومة لأن الرجل يعرف ان لكل مقام مقال.
* لافى اعلام فول ولا فى أدارى(فووول).
* المقام فى المريخ مقام احترام ومحبة.
* شفوووت يا فطومة أختى.
* فول وفلافل.
* أها.
* نجى لى شمارات والى الخرتوم.
* أكان شفت يا والينا.
* السخانة زادت علينا.
* فلس بمرمط فينا.
* الناس جنت بالقروش يا والينا.
* أوكاش خلى اى زول أوهاج. سلك كهربا
*ننساك كيف وأوكاش خلانا أوهاج وما فضل لينا أل اوووووووووووو مريخ.
واللللللللللللللللللى لقاء
سللللللللللللللللللللللك
في السلك – بابكر سلك
