* كاس الناس الحلوين.
* شفوت الدمازين.
* نتكلم الليلة عن بطولة كاس السودان.
* عشان الجماعة الخرخارين ما ينكروا.
* عشان البهرب ممكن ينكر وان طال السفر.
* أقصد وان طال الزمن.
* أيها الناس.
* بطولة كاس السودان بدأت سنة 1962.
* وكانت هى البطولة الكبرى.
* بطلها بمثل البلد دى.
* لأنها كانت قومية.
* يلتقى فيها ابطال الدوريات الولائية.
* وقتها كان اسم الولايات اقاليم.
* يجوا ناس اهلى مدنى واتحاد مدنى وحى العرب.
* ناس سنطة وسانتو الكبير وحمورى الكبير.
* ناس كبرى وترتار.
* يتلاقوا كلهم مع ابطال دورى الخرطوم.
* البطل بكون بطل السودان.
* لعبت البطولة مواسم.
* ولم تلعب مواسم أخرى.
* الأعوام 62/70/71/72/74فاز به المريخ.
* 1977 فاز بها الهلال و1978 فاز بها النيل و1981 فاز بها حى العرب و1982 فاز بها أهلى مدنى.
* 83/84/85/86/ فازبها المريخ.
* 1987 فازت بها الموردة.
* 1988 فاز بها المريخ.
* 1989 الموردة.
* 1990 أتحاد مدنى(المريخ لم يشارك).
* 91/93/94 المريخ.
* 1995 الموردة.
* 1996 المريخ.
* 1997 الموردة.
* 1998 الهلال.
* 2000 الهلال.
* 2001 المريخ.
* 2002 و 2004 الهلال.
* 2005و2006 و2007و2008 المريخ.
* 2009 الهلال.
* 2010 المريخ.
* 2011 الهلال.
* 2012 و2013 الدمازين اقصد المريخ.
* يبقى بطولة كاس السودان أتلعبت خمسة وتلاتين مرة.
* المريخ فاز بيها عشرين مرة.
* والهلال سبعة مرات(فيهن واحدة من مكاتب الأتحاد العام وواحد لما قدموا نهائى السودان على نهائى الممتاز وأربعة مرات أخطاء تحكيمية غير مقصودة ليست ظالمة لفريق).
* والموردة اربعة مرات.
* وأهلى مدنى وحى العرب وأتحاد مدنى والنيل مرة مرة مرة مرة.
* كاس السودان خلوهو.
* دورى الخرطوم.
* سبعطاشر مرة فاز به المريخ اكثر فريق فاز به.
* أيها الناس.
* هنالك سجلات أنجاز تخص المريخ وحده دون سائر الأندية السودانية مع احترامنا لها.
* وهى البطولات الجوية.
* الأقليمية والقارية.
* غير المريخ مافى زول بيفتح خشمو.
* ولما نتكلم عن البطولات الجوية الأهلة ما بيفهموا شى.
* بفتكرونا نتكلم صينى.
* نى هاااااااااااو.
* شدت ما بقولوا بنتكلم صينى.
* كان شافونا فى قندهار.
* بناكل ضان.
* يحلفوا يقولوا كلب.
* لغى الجويات دى الف باء تاء ثاء.
* ما بعرفوها فيها.
* لغة لما نتكلم بيها الأهلة بقعدوا تجم ساااااااااااى.
* زى الأمى البحضر فى فيلم فرنسى ما مترجم.
* وأمسكوا الخشب.
* سيكافا 1986 و 1994.
* كاس الكؤوس الأفريقية.
* بتاع لوح الشرف الأفريقى.
* 1989.
* كاس دبى الذهبى 1987.
* وده شلناهو من الزمالك.
* الشارقة 99 والوصل 99.
* ده غير بطولات اخرى.
* بطولة الصداقة الدولية 1993.
* شارك فيها الهلال ومنتخب ارتريا ومنتخب اثيوبيا.
* فيها منتخبات وفاز بيها المريخ.
* البطولة دى الهلال خايف من الغلب الكتير أشرك عاكف عطا الموقوف.
* وهنالك درع الأنقاذ الأعوام 2000و2001و2002و2004و2005و2006.
* ولن ننسى كاس البلدية 1934.
* وده غير كاسات المناسبات.
* أيها الناس.
* دة جزء بسيط من حصيلة اذا جمعت أندية السودان جميعاً لن يحصلوا مجتمعين على ماحصل عليه المريخ.
* يبقى عرفتوا منو زعيم البلد وسيد البلد وفخر البلد!!!!!
* أيها الناس.
* المريخ ما فريق زى باقى الفرق.
* المريخ فريق قومى.
* لأنو الفريق الوحيد فى البلد دى الجاب الكاسات من مشارق الأرض ومغاربها فى السودان.
* كاس جوبا 1977.
* وكاس مروى.
* وكاس الدمازين.
* منو الجاب كاس فى البلد دى من برة مدينتو؟؟؟؟؟؟؟؟؟؟؟؟
* قلت ليكم فريق قومى عديل.
* سودان المريخ.
* عرفتوا الاسم ده ليه!!!!!!!!
* الكاس الوحيد الما شلناهو هو كاس الضلمة.
* عشان حاجاتنا فى النور.
* أيها الناس.
* نشكر الأخ بكرى الفاتح منير على مدنا بالأحصائيات أعلاه.
* وهذا كتابى.
* العندو كتاب يجيبوا.
* أيها الناس.
* لما شفنا تشكيل مجلس الهلال الجديد.
* فرحنا شديد.
* لأنو طبعا الهلال ماعندو شعار.
* الشغار طلع حق زول وشالو بالمحكمة العليا.
* وبعد اطلاعنا على مجلس الهلال الجديد.
* نوصوى الأهلة بان يجعلوا شعارهم الشجرة.
* نادى الحركة الوطنية لما يكون شعارو الشجرة حلاااااااااااااااااااااتو.
* ويا حلاوة منظر الرشيد واقف فى الصف الخلفى جوار ابراهيم عوض وجمبهما رمضان.
* وراهم امير عبدالماجد وداؤود مصطفى ومحمد الطيب الأمين.
* محمد عبدالماجد ويس بتاع زفة الألوان وفاطمة الصادق.
* يوقفوهم قدام عشان صغار.
* الفوال ماسك العود وقاعد.
* وكبوتش بدق فى البنقز.
* حسن عبدالرحيم مايسترو.
* يدى نا س روشا اشارة الدخول فى الكوبلية.
* وحلااااااتهم كلهم لابسين المرايل أبيض بى أزرق.
* والجميع يتلولح ويغنوا نشيد الهلال.
* فيهم طبعاً ناس شتر.
* الناس يتلولحوا يمين هم يتلولحوا شمال.
* فى البروفات قالوا ليهم لما تلولح بالجمبات خلى بالك.
* عيونك ديل لازم يكونوا فى عنقرة اخوك.
* وبرضو الشتر يتلولحوا غلط.
* الناس تتلولح يمين.
* هم يتلولحوا شمال.
* زى يس ومحمد عبدالماجد.
* الناس يدوهم عنقرتهم هم يدوهم عنقرتهم برضو.
* الناس يدوهم وشوشهم.
* هم يدوهم وشوشهم برضو.
* المهم.
* النشيد الوطنى الجديد بتاع نادى الحركة الوطنية.
* أوعك تقطع صفقة شجرة.
* عشان ما يجينا جفاف وتصحر.
* ناس روشا من الصفوف الخلفية يقولوا.
* أوعك تقطع صفقة شجرة.
* ناس فطومة قدام يقولوا.
* عشان ما يجينا أنسحاب وتصحر.
* محمد عبدالماجد ويس يقولوا.
* شجرة شجرة.
* فاطمة تقول.
* تساوى شجرتين.
* ناس حمودى ويسونى يقولوا.
* شجرة وشجرة وشجرة.
* فطومة فى صولة تقول.
* بتعمل غااااااااااابة.
* ويا حليل الغابة.
* نادى الحركة الوطنية ابوشجرة.
* قلت لى بتطلعوا الكشافات!!!!!!!
* وأتشجرى.
* المهم.
* الدمازين جميلة.
* مدينة اجمل من بيروت.
* الأهلة ما يغالطونا.
* شافوها وين؟؟؟؟
* الدمازين ناسها رائعين.
* مدينة خضارها يختلف فى لونو عن باقى الخضار .
* ما تغلطونا.
* شفتوها وين؟؟؟؟
* الدمازين مدينة يشع منها الكرم والسماحة والضيافة.
* ما تغالطونا.
* شفتوها وين.
* أها.
* نجى لى شمارات والى الخرتوم.
* أكان شفت يا والينا.
* البلد اتملت جندب.
* كمان جابت ليها جندب يا والينا؟؟؟؟؟؟؟؟؟؟ سلك كهربا
*ننساك كيف والجندب يصفر لينا الليل كلو.
واللللللللللللللللللى لقاء
سللللللللللللللللللللللك
في السلك – بابكر سلك
