الشاعر عبد الرحمن الطويل: رثاء في ساحر الكمان (محمدية)

يا حسرة النغمة الشجية من حرقة الدمعة الندية
سكت النغم واضحي الكمان من غير هوية
وصار الوتر ملفوف يئن بزفرات الآسية يا محمدية
يا طلت الذكري الوفية يا صولو ما كمل صداهو
ولا في الفؤاد جدد مداهو يا عاشق النغمة العميقة
يا مجمل الحب بالموسيقي يا وافي بي ذكر الحقيقة
وين طلتك وروعة بريقها اللازمات لكل صديقة
وأنامل الباهي الرشيقة وعذوبة اللحن الأنيقة
هملت بي وراك ألف عاشق ونزل الوفاء من بعد شاهق
خمسين سنة وقول ونصف عام من الزمان حاضن الكمان
وأنت يتكون أسعد كمان ولما تسمع العزف الملان
تبتسم وتتوافق حنان يا وعد بتهوفن علي هذا الزمان
ولما العيون في هواك بكت نعت الأنامل الما اشتكت
وترصد حكايات ما اتحكت يا منبع الإبداع يا رمز البيان
يا أروع إنسان ارحل وخليك مطمئن
والراية بعدك ما اتكت ارحل واغرق في النعيم
واعلم بأنك بالرحيل ما اتبدد اللحن الجميل
ويبقي الوتر مشدود يشعر في كتفك بالأمان
وفي قلوبنا نغمك ما سكت يا طلت الذكري الندية
يا محمدية

الشاعر: عبد الرحمن الطويل

صحيفة الدار